San Juan 6:51 - Nuevo Testamento Tzeltal de Amatenango

⁵¹ Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

Bible in Tzeltal Bachajón

⁵¹ Ho'on te cuxul pan te cohem tal ta ch'ulchan; teme ay mach'a ya swe' ha'i pan ini, sbahtel q'uinal ya xcuxaj yu'un. Te pan te ya cac', ha te jbaq'uetal, te ha ya cac' scuenta scuxlejalic te mach'atic ayic ta bahlumilal, xchi.

Bible in Tzeltal de Oxchuc y Tenejapa

⁵¹ Jo'on te waj te cuxule te coemon tel ta ch'ulchane. Te mach'a ya swe' in waj to, ya me xcuxin sbajt'el q'uinal. Te waj te ya caq'ue, ja' te jbaq'uetale, ya me cac' ta lajel swenta yu'un jich me ay xcuxlejalic ta balumilal —xi' te Jesuse.

San Juan 6:51 Iomraidhean Croise

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Lucas 22:19

Patil la stsak ta skꞌab te waje. La yalbe kola yal Dios yuꞌun. La xetꞌ y la yaꞌbe te jnopojeletike. Jich a yal: —Jaꞌ to jaꞌ jtiꞌbalul te ya kakꞌ entregal ta milel ta akuentaike. Pasulanaik me yuꞌun jnaꞌojibal awuꞌunik —xchi.

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

San Juan 11:26

Y spisil te machꞌa kuxajtik to a te ya xchꞌuunone makꞌ xcham sbajtel kꞌinal. ¿Me ya achꞌuun tsꞌin to? —xchi.

San Juan 3:13

“Maꞌyuk machꞌa sujtem tal ta chꞌulchan, jaꞌ nax te machꞌa koem tal ta chꞌulchane. Jaꞌ bi, jaꞌ te Nichꞌanile.

San Juan 3:14

Jich tutꞌil te jMoises te la sjojkꞌan chan ta teꞌ te ba jojchol tꞌantꞌan luwar, jich mismo puersa me ya yichꞌ jojkꞌanel euk te Nichꞌanile,

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

San Juan 3:36

Te machꞌa ya xchꞌuun te Nichꞌanile ay xkuxlejal sbajtel kꞌinal; pero te machꞌa ma skꞌan xchꞌuun te Nichꞌanile, makꞌ xkuxuyin sbajtel kꞌinal. Ja nax ya yichꞌ tulan kastigo te ya xꞌakꞌtalanbot yuꞌun te Diose.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

San Juan 6:33

Porke te waj yuꞌun Diose jaꞌ te machꞌa koem tal ta chꞌulchane te ya yaꞌbey xkuxlejal te genteetike —xchi te Jesuse.

San Juan 6:35

Te Jesuse la yaltalanbe: —Joꞌon wajon yuꞌun te kuxlejale. Te machꞌa ya xtal ta jtojole ni makꞌ xwiꞌnajix a, y te machꞌa ya xchꞌuunone, ni makꞌ xtakejix yoꞌtan a.

San Juan 6:41

Te juriyoetike lijk yaꞌbiyanik te Jesuse yuꞌun jaꞌ te tuti yale: “Te joꞌon wajon te koemon tal ta chꞌulchan” te xchie.

San Juan 6:47

Jamal ya kalbeyex: Te machꞌa ya xchꞌuunone ay xkuxlejal sbajtel kꞌinal.

San Juan 6:48

Joꞌon wajon yuꞌun te kuxlejale.

San Juan 6:50

Pero te tut ya kal joꞌone, jaꞌ te waj te koem tal ta chꞌulchane. Te machꞌa ya sweꞌbeye makꞌ xcham.

San Juan 7:38

Jich tut ya yal te Sjun Diose, te machꞌa ya xchꞌuunone ya me xlokꞌ kuxul jaꞌ ta yoꞌtan —xchi te Jesuse.

2 Corintios 5:19

Jaꞌ bi, ta skuenta Cristo, Dios yipal ta yakꞌel te ya xjunaj yoꞌtan sok te machꞌatik ayik ta balmilale. Ni ma jaꞌuk ya snaꞌbe smulik te genteetike. Y joꞌotik a yaꞌbotik kaꞌteltik te ya kakꞌtalanbetik snaꞌ te skꞌoplal to.

2 Corintios 5:21

Te Cristoe maꞌyuk a sle smul stukel. Pero joꞌotik ta jkajtik, te Diose la yaꞌbe skuch te jmultike, yuꞌun jich ta skuenta Cristo ya xkolotik yuꞌun te jmultike.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Efesios 5:25

Mamlaliletik, kꞌuxutayaik me lek te awinamike jich tutꞌil Cristo te lek xkuxutayej te hermanoetik y te la yakꞌ xkuxlejal yuꞌunike.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 10:20

Jaꞌ me sigue ya jtamtik te achꞌ bee, te sbeelel kuxlejal te stukel a sjambotik te pakꞌ, te jaꞌ mismo te stiꞌbalule.

1 Pedro 2:4

Tijilajanik ta stojol te Kajwaltike yuꞌun jaꞌ kuxul ton stukel. Pꞌajot yuꞌun te genteetike, pero te Diose stsaoj stukel, jich tutꞌil ton te ben tulan skꞌoplale.

1 Juan 2:2

Te Jesucristoe la yakꞌ sba ta smajtan Dios yuꞌun jich la spasbelotikix perdon yuꞌun te jmultike. Y ma joꞌukotik nax, sino ke ta spisil te machꞌatik ayik ta balmilal.

1 Juan 4:10

Jich ya xchiknaj te kꞌuxul-oꞌtanile: Jaꞌ te ma joꞌukotik kꞌux a kaꞌitik te Diose, sino ke kꞌux a yaꞌiyotik stukel. Sok la stikon tal te Xnichꞌan yuꞌun la yakꞌ ta milbil majtanil, yuꞌun jich perdonado ya xjil te jmultike.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.