San Juan 6:2 - Nuevo Testamento Tzeltal de Amatenango

² Bayal gente stsꞌaklibil yuꞌun, porke la yilik te señaetik smilagro te la slekutes jchameletike.

Bible in Tzeltal Bachajón

² Bayel ants-winiquetic la st'unic bahel yu'un la yilic te señahiletic la spasbe te jchameletique.

Bible in Tzeltal de Oxchuc y Tenejapa

² Bayal ants-winiquetic la sts'aclinic bael te Jesuse, yu'un la yilic te señailetic la spasbey ta stojol te jchameletique.

San Juan 6:2 Iomraidhean Croise

San Mateo 12:15

Kꞌalal la yaꞌibe sluwaril te Jesuse, lok bael teꞌa. Bayal genteetik la stsꞌakliyik bael. Te Jesuse la slekutes spisil chameletik.

San Mateo 13:2

Bayal genteetik la stsob sbaik tal ta stojol te ba aye. Te Jesuse mo ta barko, kꞌo snajkan sba. Yan te genteetike tekꞌatik ta tiꞌmar stukelik.

San Mateo 14:14

Te kꞌalal ko ta barko te Jesuse la yil te bayal genteetik teꞌa. La snaꞌbey yoꞌolil sbaik. Jich a slekutes te jchameletik te yikꞌolanik kꞌale.

San Mateo 8:1

Kꞌalal koj tal ta wits te Jesuse, bayal genteetik tsꞌakliyot yuꞌun.

San Marcos 1:45

Jich a bajt tsꞌin te winike, y ora lijk yalbe spisil genteetik te tutik a kꞌot ta pasele. Jich yuꞌun te Jesuse ma spasix te ya yakꞌ sba ta ilel te ya xꞌoch bael ta ni junuk jtejklum. Teꞌ xanix a been te ba maꞌyuk gentee, pero ta bayuk nax a tal ilek yuꞌun te genteetike.

San Marcos 6:33

Pero bayal machꞌa yil a bajtik, y naꞌbot sbaik yuꞌunik. Jich tsꞌin te genteetike lokꞌik tal ta spꞌejel te jtejklumetike. Stsꞌitet a bajtik y nail kꞌotik teꞌa.

San Juan 11:47

Jich te fariseoetike sok te stataletik yuꞌun te saserdoteetike la stsob sbaik sok te machꞌa ay yaꞌtele. La yalik: —¿Tut ya skꞌan jpastik yuꞌun? Te winik to yipal ta spasel bayal señaetik smilagro.

San Juan 12:18

Jaꞌ yuꞌun te genteetik lokꞌ staik te Jesuse, porke la yaꞌibeyik sluwar te seña smilagro te la spase.

San Juan 12:37

Manchuk me bayal señaetik smilagro a akꞌtalanbot yilik, pero ma xchꞌuunik te Jesuse,

San Juan 2:11

Jaꞌ to jaꞌ primero seña smilagro te la spas te Jesuse te la yakꞌ ta ilel slekilal, te baꞌ jtejklum Cana te ay ta estado yuꞌun Galileae. Y te jnopojeletik yuꞌune la xchꞌuunik te jaꞌ mismo Cristo a te Jesuse.

San Juan 2:23

Te kꞌalal ay ta Jerusalen a te Jesuse te stiempoil te kꞌin Pascuae, bayal machꞌa xchꞌuunik te Jesuse yuꞌun la yilbeyik seña smilagro te ya spase.

San Juan 20:30

Te Jesuse ay to xan bayal seña smilagroetik la spas ta sit te jnopojeletik yuꞌune te ma ochemuk ta tsꞌibayel liꞌ ba jun to.

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

San Juan 6:14

Te kꞌalal la yilik te gente te seña milagro te la spas te Jesuse, la yalik: —Batsꞌi jaꞌix to te jꞌalwanej yuꞌun Dios te kaꞌiyejtik te ya xtal ta balmilale —xchiik.

San Juan 6:22

Ta yan kꞌaal te genteetik te ayik jilel te jejchꞌ tiꞌmare la snaꞌik te úniko jnopojeletik te moik bael ta barko te yal jkojt xanix teꞌey ae, y te Jesuse ma junuk nax a bajt sok.

San Juan 6:26

Te Jesuse la yaltalanbe: —Jamal ya kalbeyex, jaꞌ nax ya aleikon porke lom lek aweꞌex asta toj lek a noj achꞌujtik. Ma jaꞌuk ya aleikon yuꞌun te la awilik te seña milagroetik te la jpase.

San Juan 6:30

Jich a sjojkꞌobeyik: —¿Tut señail ya awaꞌbotik kiltik yuꞌun teme la kiltike ya me jchꞌuuntikat? ¿Tutik a te awaꞌtele?