San Juan 5:41 - Nuevo Testamento Tzeltal de Amatenango

⁴¹ “Te joꞌone ma jkꞌan akꞌel ta jkuenta yuꞌun te genteetike.

Bible in Tzeltal Bachajón

⁴¹ Ma ba ya quich' ta cuenta te ya yalbon cutsilal ants-winiquetic.

Bible in Tzeltal de Oxchuc y Tenejapa

⁴¹ “Ma ja'uc ay sc'oplal ta co'tan te ya quich' ich'el ta muc' yu'un ants-winiquetique.

San Juan 5:41 Iomraidhean Croise

San Juan 12:43

Yuꞌun jaꞌ bayal skꞌoplal ta yoꞌtanik te jaꞌuk lek ya xꞌilot yuꞌun te genteetike, ma jaꞌuk tulan skꞌoplal ta yoꞌtanik teme lek ya xꞌilot yuꞌun te Diose.

San Juan 5:34

Pero te joꞌone makꞌ xtuun kuꞌun teme ya yalbon jkꞌoplal ta testigo te gentee. Jaꞌ nax ya kalbeyex to yuꞌun te jaꞌexe jich me ya xkolex.

San Juan 5:40

Te jaꞌexe ma xꞌakꞌan xtalex ta jtojol yuꞌun te ya ataik a te kuxlejale.

San Juan 5:42

Sok ya jnaꞌ tutꞌ ay te awoꞌtanike sok jnaꞌoj te ma akꞌanojikuk te Diose.

San Juan 5:44

¿Tutꞌil kꞌan achꞌuunik te jaꞌexe, teme jaꞌ nax ya akꞌanik te ya yakꞌex ta jkuenta te genteetike? Ma jaꞌuk ya aleik te tutꞌil ya yakꞌex ta jkuenta te Diose.

San Juan 6:15

Pero te Jesuse la snaꞌ te puersa ya yotsesik ta reyil ta skꞌopike, jich stukel nax chaꞌbajt xan ta jol wits.

San Juan 7:18

Te machꞌa stukel nax ya snop te tut ya yale, jich ya spas yuꞌun ya skꞌan akꞌel ta jkuenta yuꞌun te gentee. Yan teme jaꞌ ya skꞌan ya yakꞌ ta akꞌel ta jkuenta te machꞌa tikonbil tal yuꞌune, batsꞌi jich te tut ya yale sok maꞌyuk loꞌlawanej ta yoꞌtan.

San Juan 8:50

Te joꞌone ma yuꞌunuk ya jkꞌan akꞌel te jkuenta, pero ay Machꞌa ya skꞌan ya yakꞌon ta akꞌel ta jkuenta, sok stukel yichꞌojon ta jkuenta.

San Juan 8:54

Te Jesuse la sjakꞌtalanbe: —Teme joꞌon nax ya jkꞌan ya kakꞌ jba ta akꞌel ta jkuentae, te tut ya kale ma baleuk ya xkꞌot. Pero jaꞌ ya yakꞌon ta akꞌel ta jkuenta te jTate, te jaꞌ mismo ya awalik te akuyojik te Dios awuꞌunike.

1 Tesalonicenses 2:6

Sok ma jaꞌuk a jletik te ay machꞌa ya yakꞌotik ta jkuentae, ni te jaꞌexe ni te yanetike. Aunke me ya xjuꞌ te ya awakꞌotik ta jkuenta te tutꞌil ay kaꞌteltik ta apostolil yuꞌun te Cristoe.

1 Pedro 2:21

Yuꞌun jaꞌ la yikꞌex Dios yuꞌun te ya xkꞌax awokolike. Porke te kꞌalal Cristo kꞌax swokol ta akuentaik, la yaꞌbeyex awilik yuꞌun jich me ya atamik bael a.

2 Pedro 1:17

La kiltik te kꞌalal te Dios Tatil la yakꞌ ta akꞌel ta jkuenta sok te stsaꞌamule. Te kꞌalal kꞌopoj te Diose, jaꞌ a yal sok stsaꞌamule: “Jaꞌ to jaꞌ Jnichꞌan te lom kꞌux ta koꞌtane. Ben jun koꞌtan yuꞌun”, xchi me.