San Juan 5:18 - Nuevo Testamento Tzeltal de Amatenango

¹⁸ Jaꞌ yuꞌun te juriyoetike mas a lijk snopik tut ya yut ya smilik te Jesuse porke ma jaꞌuk nax ya xkꞌaxintay ta skꞌopik te skꞌaalel kuxo-oꞌtane, jaꞌ smul ta skꞌopik ekꞌa te ya yal sba te pajal sok Diose, kꞌalal ya yal te jaꞌ sTat te Diose.

Bible in Tzeltal Bachajón

¹⁸ Ha scuentahil te judíohetic la ya'beyic xan yip ta schapbeyel sc'oblal ta milel; ma ha'uc nax yu'un te la sc'axuntay te sc'ahc'alel cux-o'tan, ha nix yu'un te la yal te ha Stat te Diose, hich la spajaltay sba soc Dios.

Bible in Tzeltal de Oxchuc y Tenejapa

¹⁸ Te judioetique, c'axem to xan la snopic te bi ya yut ya smilic te Jesuse. Melel ma ja'uc nax ya xc'axintay ta sc'opic te sc'aalelal te cux-o'tane, soc uuc te la yal te ja' Stat te Diose, soc te la yal te pajal soc te Diose.

San Juan 5:18 Iomraidhean Croise

San Mateo 12:5

¿O maꞌyuk awilojik te mantaliletik yuꞌun te jMoisese, te tutꞌil makꞌ skux yoꞌtanik yuꞌun yaꞌtel ta templo ta skꞌaalel kuxo-oꞌtane te saserdoteetike, sok maꞌyuk ta mulil yuꞌun?

San Juan 1:19

Te juriyoetik ta Jerusalene la stikonik bael saserdoteetik sok levitaetik ta stojol te Juane, yuꞌun ba sjojkꞌobeyik machꞌa a.

San Juan 10:30

Te joꞌone sok te Tatile jun nax ayotik —xchi.

San Juan 10:33

Te juriyoetike la sjakꞌtalanik: —Makꞌ kaꞌbetikat ton yuꞌun te tut lek apasoje. Jaꞌ ya kaꞌbetikat ton yuꞌun te tut ya awale te ya atoyba-kꞌoptay te Diose. Porke te jaꞌate winikat, y ya akuy aba ta Dios —xchiik.

San Juan 14:23

Te Jesuse la sjakꞌbe: —Te machꞌa kꞌuxon ta yoꞌtane, ya yakꞌ ta jkuenta te jkꞌope, y kꞌux ya xꞌaꞌiyot yuꞌun te jTate. Y te jTate sok te joꞌone yax tal joyintik.

San Juan 14:9

Te Jesuse la sjakꞌbe: —Felipe, bayalix kꞌaal te joyinejexe. ¿Ma to ya anaꞌbikon jba? Te machꞌa la yilonixe, yilojix euk te jTate. ¿Tuꞌun te ya akꞌan ya kakꞌ awil te jTate?

San Juan 19:7

Te juriyoetike la sjakꞌtalanik: —Te joꞌotike ay mantaliletik kuꞌuntik te ya yal a te tut ya yichꞌ milele, porke ya yal sba te jaꞌ xNichꞌan Dios ta skꞌope —xchiik.

San Juan 5:15

Te mamale bajt y la yalbe te juriyoetike te jaꞌ te Jesus a lekutesot yuꞌune.

San Juan 5:16

Jaꞌ sluwar te la skontrainik Jesus te juriyoetike, yuꞌun ta skaj te jich ya spas ta skꞌaalel kuxo-oꞌtane.

San Juan 5:17

Pero te Jesuse la yaltalanbe: —Te Jtate yipal ta aꞌtel y jichon euk yipalon ta aꞌtel —xchi.

San Juan 5:23

Yuꞌun me spisilik ya yakꞌik ta jkuenta a te Nichꞌanile, jich tutꞌil te aꞌbil ta jkuenta te Tatile. Te machꞌa ma xyakꞌ ta jkuenta te Nichꞌanile, jich ma xyakꞌ ta jkuenta a te Tatil te la stikon tale.

San Juan 7:1

Ta patil tsꞌin to te Jesuse been bael ta estado yuꞌun Galilea, yuꞌun ma skꞌan a anin ta Judea porke te juriyoetik te teꞌey ae ya sleik ta milel.

San Juan 7:19

¿Ma me jaꞌuk te jMoises te la yaꞌbeyex te mantaliletike? Pero ni jtuluk te jaꞌexe ya achꞌuunik. ¿Tut yuꞌun te ya akꞌan ya amilikone? —xchi.

San Juan 8:54

Te Jesuse la sjakꞌtalanbe: —Teme joꞌon nax ya jkꞌan ya kakꞌ jba ta akꞌel ta jkuentae, te tut ya kale ma baleuk ya xkꞌot. Pero jaꞌ ya yakꞌon ta akꞌel ta jkuenta te jTate, te jaꞌ mismo ya awalik te akuyojik te Dios awuꞌunike.

San Juan 8:58

Te Jesuse la sjakꞌtalanbe: —Jamal ya kalbeyex, te kꞌalal ma to ayuk a te jꞌAbrahame, jtalel ayonix a te joꞌone —xchi.

Filipenses 2:6

Te tutꞌil jun ay sok te Diose, ma jaꞌuk tulan skꞌoplal a bajt ta yoꞌtan te pajal ay sok te Diose.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,

Apocalipsis 22:3

Ni maꞌyukix teꞌa te tut ya xꞌakꞌot bael ta chꞌayele. Te smukꞌul naktijib te Diose y sok te chꞌin karnerae te ay ta yolil te mukꞌul jtejklume, y te jꞌaꞌteletik yuꞌune ya xꞌichꞌot ta mukꞌ yuꞌunik teꞌa.