San Juan 4:34 - Nuevo Testamento Tzeltal de Amatenango

³⁴ Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

Bible in Tzeltal Bachajón

³⁴ Hich halbotic yu'un te Jesús: Ha jwe'el te ya jpas te bin ya sc'an yo'tan te mach'a la sticonon tal soc te ya hu'tesbe te ya'tel.

Bible in Tzeltal de Oxchuc y Tenejapa

³⁴ Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

San Juan 4:34 Iomraidhean Croise

San Mateo 26:39

Been xan bael chꞌinuk te Jesuse. La skejan sba y la stsꞌinan sba koel ta lum sok la skꞌopon Dios. Jich a yal: —Tat, te yauk xjuꞌ te makꞌ xkꞌot ta jkuenta te wokol to, pero ma me jaꞌuk ya xkꞌot te tut ya skꞌan koꞌtane. Jaꞌ me a kꞌotuk te tut ya skꞌan awoꞌtan atukele —xchi.

San Mateo 3:15

La yal te Jesuse: —Jich me wakꞌ yichꞌ pasel, yuꞌun ya skꞌan jpastik spisil te tut ya skꞌan yoꞌtan te Diose —xchi. Jich a yaꞌbe ichꞌ jaꞌ te Juane.

San Mateo 9:19

Jajch bael te Jesuse, la sjoyin bael te winike sok te jnopojeletike.

San Lucas 15:10

Ya kalbeyex, jich me ben jun yoꞌtan yuꞌun te chꞌul angeletik yuꞌun Dios ta chꞌulchane teme ya sujtes yoꞌtan yuꞌun smul te jtul jmulawile —xchi te Jesuse.

San Lucas 19:10

Yuꞌun te Nichꞌanile jaꞌ a tal sle y tal skoltay te machꞌatik chꞌayeme —xchi te Jesuse.

San Lucas 2:49

La sjakꞌ te Jesuse: —¿Tuꞌun te ya aleikone? ¿Me yuꞌun ma xꞌanaꞌik te ya skꞌan ya kaꞌtelin te tut ay yuꞌun te Jtate? —xchi te Jesuse.

San Juan 17:4

La kakꞌix ta ilel te alekilal ta balmilale, yuꞌun juꞌix ta pasel kuꞌun te tut la awaꞌbon jpase.

San Juan 19:28

Te Jesuse snaꞌoj te spisil a juꞌix yuꞌun ta pasele. Yuꞌun jich ya xkꞌot ta pasel a te tut tsꞌibabil jile, la yal: —Takin koꞌtan —xchi.

San Juan 19:30

Te Jesuse la spas prewa te chꞌaal binoe, y la yal: —Spisil a juꞌix ta pasel —xchi. Te nax a la stsꞌinan ta koel te sjole y lokꞌ xchꞌulel.

San Juan 4:32

Pero te Jesuse la yaltalanbe: —Te joꞌone ay tut ya jweꞌ te ma xꞌanaꞌbeyik sluware —xchi.

San Juan 5:30

“Te joꞌone maꞌyuk tut ya xjuꞌ kuꞌun spasel ta jtukel nax. Ya kichꞌ jkuenta jich tutꞌil ya yalbon te Tatile, y toj te ya smeltsaꞌanwanone yuꞌun ma jaꞌuk ya jpas te tut skꞌan koꞌtane. Jaꞌ ya jpasbe sboluntar te Machꞌa te la stikonon tale.

San Juan 5:36

Pero ay testigo kuꞌun te mas tulan skꞌoplal ke te tutiꞌ yal te Juane. Jaꞌ testigo kuꞌun te tut ya jpase; jaꞌ mismo yakꞌojbon jpas te Tatile. Jaꞌ ya yakꞌ ta naꞌel a te batsꞌi jich te la stikonon tal te Tatile.

San Juan 6:33

Porke te waj yuꞌun Diose jaꞌ te machꞌa koem tal ta chꞌulchane te ya yaꞌbey xkuxlejal te genteetike —xchi te Jesuse.

San Juan 6:38

Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

San Juan 8:29

Porke sjoyinejon te Machꞌa la stikonon tale. Te jTate ma swolanejukon, porke jaꞌ ya jpas te tut lek yoꞌtan yuꞌune —xchi.

Hechos 20:35

Sil tiempo a kaꞌbeyex awilik te tutꞌil ya skꞌan ya xꞌaꞌtejotik ta jpisiltike, yuꞌun jich me ya jkoltatik te machꞌatik ay nesesidad yuꞌunike. Naꞌaik me te jich yaloj te Kajwaltik Jesuse: “Jaꞌ me ben tsaꞌam slekil te machꞌa ay tut ya yakꞌe ke te machꞌa ya yichꞌe”, xchi me —xchi te jPabloe.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.