San Juan 4:22 - Nuevo Testamento Tzeltal de Amatenango

²² Te jaꞌexe ma xꞌanaꞌik te machꞌa ya akejan abaik ta stojole. Yan te joꞌotike ya jnaꞌtik te machꞌa ya jkejan jbajtik ta stojole, yuꞌun te kolele talemix te ba ay te juriyoetike.

Bible in Tzeltal Bachajón

²² Te ha'ex ma xana'beyic sba; yan te ho'otcotic ha ya quich'cotic ta muc' te mach'a ya jna'becotic sba, como tey ya xtal ta stojol te judíohetic te colele.

Bible in Tzeltal de Oxchuc y Tenejapa

²² Te ja'exe ma x'ana'ic te mach'a ya alajin abaic ta stojole. Yan te jo'otique ya jna'tic te mach'a ya jlajin jbatic ta stojole, melel ta swenta nax judioetic te ya xchicnaj colele.

San Juan 4:22 Iomraidhean Croise

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

Hechos 17:23

yuꞌun la kil te bayuk nax luwaril chꞌuunbil awuꞌunike. La jta ta jun altar te teꞌ tsꞌibabil a: “Jaꞌ yuꞌun te Dios te ma jnaꞌbeytik sbaeꞌ, xchi. Jaꞌ yuꞌun te Dios achꞌuunejik te ma xꞌanaꞌbeyik sbae, jaꞌix te machꞌa ya kalbeyex skꞌoplale.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

Hechos 3:26

Te kꞌalal la xchaꞌkuses tal Xnichꞌan te Diose, primero a stikombeyex tal yuꞌun tal yaꞌbeyex bendision, yuꞌun jich me ya asujtes awoꞌtanik yuꞌun te amulike —xchi te jPedro.

Romanos 11:18

Pero ma me akuyik te kꞌax lek ayex te tutꞌil te batsꞌi skꞌab-kꞌab teꞌe. Teme ya akuy aba te kꞌax lek ayate, naꞌa me te ma jaꞌukat mero yisimate, yuꞌun jaꞌ xanix jokꞌolat te ba yisim te teꞌe.

Hebreos 7:14

Porke lek naꞌbil te jaꞌ tal ta jtijkꞌ stsꞌumbal Juda te Kajwaltike, y te jMoisese ni maꞌyuk a yal teme ay ya yichꞌ yaꞌtel ta saserdote jaꞌ jtijkꞌ abi.