San Juan 4:10 - Nuevo Testamento Tzeltal de Amatenango

¹⁰ Te Jesuse la sjakꞌbe: —Te yauk anaꞌ te tut ya yakꞌ te Diose sok te yauk anaꞌbon jba, joꞌon te ya jkꞌanbeyat jaꞌe, jaꞌat me ya akꞌanbon jaꞌ te jichuke. Jich me ya kaꞌbeyat te kuxul jaꞌ stukele —xchi.

Bible in Tzeltal Bachajón

¹⁰ Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

Bible in Tzeltal de Oxchuc y Tenejapa

¹⁰ Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

San Juan 4:10 Iomraidhean Croise

San Lucas 11:13

Jich te jaꞌexe manchuk me ma tsaꞌamuk te awoꞌtanike, pero ya anaꞌik yakꞌel te tut a te lek ta stojol te awal-anichꞌanike. ¿Jaꞌuk to xan wan a te Jtatik te ay ta chꞌulchane? Ya me yaꞌbeyex te Chꞌul Espíritu te machꞌa ya skꞌambeye —xchi te Jesuse.

San Juan 16:3

Jich ya spasik yuꞌun ni ma snaꞌbeyik sba te jTate sok ma snaꞌbikon jba euk.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Juan 6:35

Te Jesuse la yaltalanbe: —Joꞌon wajon yuꞌun te kuxlejale. Te machꞌa ya xtal ta jtojole ni makꞌ xwiꞌnajix a, y te machꞌa ya xchꞌuunone, ni makꞌ xtakejix yoꞌtan a.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

Hechos 9:11

Jicha albot yuꞌun te Kajwaltike: —Jajchan y baan te ba Tojil Kaya sbiile. Te ba sna Judase jojkꞌoya te jtul winik te talem ta jtejklum Tarso te Saulo sbiile te yipal ta skꞌoponel Dios a.

Romanos 8:32

Te Diose maꞌ spꞌajotik ni te batsꞌi Xnichꞌane, asta la yakꞌ entregal ta lajel ta joꞌotik ta jkajtik. Teme jich a yaꞌbotik ta majtanil te Xnichꞌane, ¿me makꞌ ya yaꞌbotik spisil te tut ya jkꞌantike?

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

1 Corintios 10:4

Y spisilik a yuchꞌik te jaꞌ a aꞌbot yuꞌun te Diose. Porke la yuchꞌik te jaꞌ te lokꞌ tal ta tone te jaꞌ joyinbilik yuꞌune. Y te tone jaꞌix te Cristoe.

2 Corintios 9:15

Kola yal te Diose, porke la yaꞌbotik jun majtanil te lom mukꞌe, te ma jnaꞌtik yalel te tutꞌil aye.

Efesios 2:8

Yuꞌun ta slekil yoꞌtan Dios te kolemexix ta skuenta xchꞌuunel awoꞌtanike. Ma yuꞌunuk jaꞌukex mismo te la aleik te akolelike, yuꞌun jaꞌ majtanil ya yakꞌ te Diose.

Hebreos 6:4

Porke te machꞌatik jmel nax a yichꞌik te sakil kꞌinale, y tsaꞌam a yaꞌiyik te majtanil yuꞌun te Diose, y la yichꞌikix te Chꞌul Espiritue,

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

Apocalipsis 21:6

Ta patil la yalbon: —Juꞌix ta pasel joꞌon te ayon ta slijkibale y sok ta slajibale. Te machꞌa takin yoꞌtane, ta majtanil ya me kaꞌbe yuchꞌ te lokꞌi-jaꞌ yuꞌun te kuxlejale.

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

Apocalipsis 7:17

Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.