San Juan 3:8 - Nuevo Testamento Tzeltal de Amatenango

⁸ Te ikꞌe chikan bayuk nax ya skꞌan ya xbajt, y manchuk me ya awaꞌi te xixet nax ya xbeene, pero ma xꞌanaꞌ ba ya xtal, ni ma xꞌanaꞌ ba ya xbajt. Jich ay spisil te machꞌatik ya xꞌayin ta skuenta Espiritue —xchi.

Bible in Tzeltal Bachajón

⁸ Bayuc nax ya xbehen te ic', yac awa'iybe sc'op, pero ma xana' banti ya xtal soc banti ya xbaht. Hich ay spisil te mach'atic ayinemic ta scuenta te Espíritu, xchi.

Bible in Tzeltal de Oxchuc y Tenejapa

⁸ Te iq'ue bayuc nax ya xbeen. Ya awaiy stojol te xaxaxet ya xbeene, ja'uc me to, ma x'ana' te banti ya xtale, soc ma x'ana' te banti ya xbajt'e. Jich c'oem spisilic te mach'atic ayinemic ta swenta te Espiritue —xi'.

San Juan 3:8 Iomraidhean Croise

San Juan 1:13

Jaꞌ yuntikil Dios. Ma pajaluk skꞌoplal sok te machꞌatik te ayinemik ta skuenta nax stiꞌbalulike sok te skꞌanojel yoꞌtan stiꞌbalulik te smeꞌ-statike, yuꞌun ta skuenta Dios te ya xꞌayinikixe.

San Juan 3:7

Ma me lom chamuk ya awaꞌi te tuti kalbeyate te puersa me ya xchaꞌayin ta achꞌ spisil te genteetike.

San Juan 3:9

Te jNicodemoe la xchaꞌjojkꞌobe xan: —¿Tutꞌil ya xkꞌot ta pasel tsꞌin to? —xchi.

Hechos 2:2

Ben te ora a ay tuti kꞌopoj tal ta chꞌulchan jich tutꞌil te ben tulan xpuminaj te ikꞌe, xpumumet ta swolol te na te ba ayike.

Hechos 4:31

Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.

1 Corintios 12:11

Pero ta spisil te jich ay ta pasele, jtul nax Espíritu ya yaꞌbe ta juju-tul te tut la skꞌan yoꞌtan stukele.

1 Corintios 2:11

Porke ¿machꞌa winketikil te ya xjuꞌ yuꞌun snaꞌel te tut ay ta yoꞌtan te winike? Yuꞌun jaꞌ nax stukel te winike te ya snaꞌ te tut ay ta yoꞌtane. Jaꞌ nax jich te Diose, úniko te Espíritu yuꞌune te ya snaꞌ tutꞌil ay te Diose.

1 Juan 2:29

Te jaꞌexe anaꞌojikix te Jesucristoe toj stukel, sok ya skꞌan ya anaꞌik euk te jaꞌ yal-xnichꞌan Dios spisil te machꞌatik toj te tutꞌ ya spasike.