San Juan 3:5 - Nuevo Testamento Tzeltal de Amatenango

⁵ Te Jesuse la sjakꞌbe: —Jamal ya kalbeyat: Te machꞌa ma xchaꞌayin ta jaꞌe y sok ta skuenta te Espiritue ma spas ya xꞌoch te ba ay ta ajwalil te Diose.

Bible in Tzeltal Bachajón

⁵ Halbot yu'un te Jesús: Tulan sc'oblal ya calbat, te mach'a ma ba ya x'ayin ta scuenta ha' soc ta scuenta Espíritu ma xhu' ya x'och ta banti ay te cuentahinel yu'un Dios.

Bible in Tzeltal de Oxchuc y Tenejapa

⁵ Te Jesús jich la yal: —Jamal ya calbat, ja' te mach'a ma x'ayin ta swenta ja' soc ta swenta Espíritu, ma xju' ya x'och tey a ta banti ay ta ajwalinel te Diose.

San Juan 3:5 Iomraidhean Croise

San Mateo 18:3

La yal: —Jamal ya kalbeyex. Teme ma xjelonexe sok teme ma jichuk chꞌin ya awakꞌ abaik jich tutꞌil te chꞌin untike, ma xjuꞌ ya awajwalinik te Diose.

San Mateo 19:24

Sok ya kalbeyex xan: Jich tutꞌil ma xjuꞌ ta kꞌasesel ta yit tsꞌisonajib jkojtuk te kameyoe, jaꞌ jich euk te jkꞌulejetike ma xjuꞌ yuꞌunik te ya yajwalinik te Diose —xchi.

San Mateo 21:31

“¿Machꞌa ta xchebalik ya awaꞌi te la spasbe te tut la skꞌan yoꞌtan te state? —xchi te Jesuse. La sjakꞌik: —Jaꞌ te naile —xchiik. Te Jesuse la yal: —Jamal ya kalbeyex, te jkꞌan-tojemaletike sok te jmulawil-antstike ya me xnalajik ochel awuꞌunik te ba ay ta mantal te Diose.

San Mateo 28:19

Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue.

San Mateo 3:11

Spisil te teꞌetik te ma bujtsꞌanuk te site ya me yichꞌ tsꞌetel sok ya me yichꞌ chikꞌel. Te joꞌone ya kaꞌbeyex awichꞌik jaꞌ yuꞌun te sujtemix awoꞌtanik ta stojol Dios. Pero te machꞌa patil ya xtal kuꞌune, jaꞌ me ya yaꞌbeyex awikꞌik te Chꞌul Espíritu sok kꞌakꞌ. Jaꞌ mas tulan stukel; yan te joꞌone mas pekꞌ ayon. Ni ya kujan jba ta slikel bael te swawe.

San Mateo 5:20

Ja yuꞌun ya me kalbeyex, teme ma kꞌaxuk jich ya apasik te tut ya skꞌan yoꞌtan te Diose te tutꞌil ya spasik te maestroetik yuꞌun te mantaliletike sok te fariseoetike, ma xjuꞌ ya xꞌochex te ba ay ta mantal te Diose.

San Marcos 10:14

La yil tsꞌin te Jesuse, ma tsaꞌamuk la yaꞌi, y la yal: —Taluk ta jkuenta te untike. Ma me komik, porke te machꞌa jachik yoꞌtanik tutꞌil untik to, ya xjuꞌ ya xꞌoch te ba ay te Diose.

San Marcos 16:16

Te machꞌa ya xchꞌuun sok ya yichꞌ jaꞌe, ya me xkol. Yan te machꞌa ma xchꞌuune ya me xꞌaꞌbot stoj smul stukel.

San Marcos 9:47

O teme sbaꞌ asit te ya yakꞌat ta mulile, lokꞌesa. Jaꞌ mas lek te pꞌej nax asit ya xbaat sok te Diose. Jaꞌ mas ma lekuk te xchebal asit ya xbaat sok ta kꞌajkꞌ sbajtel kꞌinal,

San Lucas 13:24

—Akꞌaik puersa te ya xꞌochex bael te ba puerta te yub nax. Ya me kalbeyex: Ay me bayal machꞌatik yoꞌtanuk ya skꞌan xꞌochik teꞌa, pero ma xjuꞌ yuꞌunik.

San Lucas 13:3

Ya kalbeyex te ma jichuke. Jich teme ma xꞌasujtes awoꞌtanik ta stojol Dios te jaꞌexe, jich me ya xlajex euk.

San Lucas 13:5

Ya kalbeyex te ma jichuke. Jich teme ma xꞌasujtes awoꞌtanik ta stojol Dios te jaꞌexe, jich me ya xlajex euk —xchi te Jesuse.

San Juan 1:13

Jaꞌ yuntikil Dios. Ma pajaluk skꞌoplal sok te machꞌatik te ayinemik ta skuenta nax stiꞌbalulike sok te skꞌanojel yoꞌtan stiꞌbalulik te smeꞌ-statike, yuꞌun ta skuenta Dios te ya xꞌayinikixe.

San Juan 3:3

Te Jesuse la yalbe: —Jamal ya kalbeyat, te machꞌa ma xchaꞌayin ta achꞌe ma xjuꞌ ya yajwalin te Diose —xchi.

San Juan 3:4

Te jNicodemoe la sjojkꞌobe: —Pero, ¿tutꞌil kꞌan chaꞌayinuk ta achꞌ te jtul winik te mamalixe? ¿Me ya wan spas te ya xchaꞌoch xan ta smeꞌ te ya xchaꞌayin xan ta achꞌe? —xchi.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

Hechos 3:19

Jaꞌ yuꞌun sujtesa awoꞌtanik ta stojol Dios te jaꞌexe y sujtesa awoꞌtanik yuꞌun te amulike. Jich me ya xchꞌaybeyex te amulike. Jich me ya sta yorail yuꞌun te Kajwaltik te ya slekutesexe,

Romanos 14:17

Porke te tut ay ta ajwalinel te Diose ma ta skuentauk weꞌel o uchꞌajel. Jaꞌ nax teme toj ya xkuxuyinotike sok teme jun koꞌtantike y sok te bujtsꞌan kꞌinal ta skuenta nax te Chꞌul Espiritue.

Romanos 8:2

Porke kꞌalal la kakꞌ jbatik ta skuenta te Espiritue, te ya yakꞌ kuxlejal ta skuenta te Cristo Jesuse, jaꞌ la skoltayotik ta skꞌab te mulile sok te lajele.

1 Corintios 15:50

Ya jkꞌan ya kalbeyex, kermanotak, te tut skuenta tiꞌbal sok te bake ma spas te ya xꞌoch kꞌoel te ba ay ta ajwalilnel te Diose. Y te tut ya xkꞌaꞌe ma spas ya xkꞌot te ba ma xꞌkꞌae.

1 Corintios 2:12

Y te joꞌotike ma jaꞌuk kichꞌojtik te spꞌijil te balmilale. Jaꞌ kikꞌojtik te Espíritu te tikonbil tal yuꞌun te Diose, yuꞌun jich me ya jnaꞌbeytik sluwar a te tutik yakꞌojbotik te Diose ta skuenta slekil yoꞌtan.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

Gálatas 6:15

Porke ta skuenta te Cristo Jesuse ma baleukix a kꞌot teme kichꞌojtik o ma kichꞌojtikuk te sirkunsisione. Te tut balee, jaꞌ te achꞌubenotiquixe.

Efesios 5:26

Jich a spas yuꞌun jich ya yichꞌ lekutesel ta skuenta te skꞌop y sok ta skuenta te ichꞌjaꞌe.

1 Pedro 1:2

Jaꞌex te tsabilex yuꞌun te Jtatik Diose te nameyix jich snopoj ta yoꞌtane, sok te chꞌulutesbilexix ta skuenta te Espiritue. Yuꞌun me ya achꞌuunik y ya me awichꞌik sakutesel ta skuenta xchꞌichꞌel te Jesucristoe. Ichꞌaik te bayal slekil yoꞌtan te Jesucristoe y sok te bujtsꞌan kꞌinal yuꞌune.

1 Pedro 3:21

Y te skꞌoplal jaꞌ abi, ja xyal te ichꞌjaꞌe, te jaꞌ ta skuenta te kolemotikix te ora to. Ma yuꞌunuk ya spokbotik lokꞌel te yijkꞌal jtiꞌbalultike, sino ke jaꞌ kꞌanbeyel te Diose te ya slekutes te koꞌtantike. Jich ya skoltayotik te tutꞌil chaꞌkux tal te Jesucristoe.

1 Juan 2:29

Te jaꞌexe anaꞌojikix te Jesucristoe toj stukel, sok ya skꞌan ya anaꞌik euk te jaꞌ yal-xnichꞌan Dios spisil te machꞌatik toj te tutꞌ ya spasike.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.