San Juan 3:34 - Nuevo Testamento Tzeltal de Amatenango

³⁴ Yuꞌun te machꞌa tikonbil tal yuꞌun te Diose jaꞌ ya yal te skꞌop Diose, porke te Diose ma pꞌisbiluk nax ya yakꞌ te Espiritue.

Bible in Tzeltal Bachajón

³⁴ como te mach'a ticombil tal yu'un Dios, ha ya yal te sc'op te Diose, como ma p'isbiluc nax ya yac' te Espíritu te Diose.

Bible in Tzeltal de Oxchuc y Tenejapa

³⁴ Melel te mach'a ticunbil yu'un te Diose, ja' ya yal te sc'op Diose, yu'un ma p'isbiluc nax Espíritu ya yac' te Diose.

San Juan 3:34 Iomraidhean Croise

San Mateo 12:18

“Teꞌ ay te kabat te tꞌujbil kuꞌune. Jaꞌ te kꞌux ya kaꞌi ta koꞌtan sok ben jun koꞌtan yuꞌun. Ya me kaꞌbe ta yoꞌtan te Espíritu kuꞌune. Jich me ya spuk ta alel ta stojol spisil nasionetik te tutꞌil toj ta pasele.

San Lucas 4:18

“Te Espíritu yuꞌun te Kajwaltike julix ta jtojol, yuꞌun tsabilon ta yalel te lek achꞌ kꞌop ta stojol te meꞌbaꞌetike. Tikonbilon tal ta skoltayel te machꞌatik ay swokolik ta ajtal-oꞌtane. Sok tikonbilon tal yuꞌun tal kalbey tutꞌil ya xkolik ta libre te machꞌatik ayik ta prexoe, sok te ya jambe sitik te choketike, sok ya jkoltay te machꞌatik mosoimbile,

San Juan 1:16

Jpisiltik kichꞌojbetik te bendision te ya xtal ta skuenta te slekil yoꞌtane.

San Juan 15:26

“Pero te kꞌalal ya xtal te Joyinwanej awuꞌunik te ya jtikombeyex tal ta stojol te jTate, jaꞌ me ya yalbon jkꞌoplal stukel. Jaꞌ te Espíritu te ya yakꞌ ta naꞌel te tut batsꞌi jiche.

San Juan 16:7

Pero ya me kalbeyex ta jamal te jaꞌ lek ta atojolik te ya xboone, porke teme makꞌ xboone, makꞌ xtal ta atojolik te Joyinwanej awuꞌunike. Pero teme boone, ya me jtikonbeyex tal.

San Juan 3:17

Porke te Diose ma lauk stikon tal Xnichꞌan ta balmilal yuꞌun ya yakꞌ bael ta chꞌayel te genteetike; jaꞌ a stikon tal yuꞌun te tal skoltay te genteetike.

San Juan 5:26

Porke jich tutꞌil te Tatile ya xjuꞌ yuꞌun yakꞌel kuxlejal; jaꞌ nax jich yakꞌojbe ta skuenta euk te Nichꞌanile te ya xjuꞌ ya yakꞌ kuxlejale.

San Juan 7:16

Te Jesuse la sjakꞌtalanbe: —Te tut ya kakꞌ ta nopele ma joukon kuꞌun; jaꞌ yuꞌun te Machꞌa la stikonon tale.

San Juan 8:40

Pero ya akꞌan ya amilikon, manchuk teme ya kalbeyex te tut batsꞌi jich snojpesejon te Diose. Te jꞌAbraham maꞌyuk a spas jich stukel.

San Juan 8:47

Te machꞌatik yuꞌun te Diose ya yaꞌibe sluwar te skꞌop Diose. Pero ta skaj te ma yuꞌunukex te Diose, jich ma xꞌakꞌan xꞌawaꞌibeyik sluwar te skꞌope —xchi te Jesuse.

Hechos 1:2

jaꞌ to te kꞌalal ikꞌot moel ta chꞌulchane. Te kꞌalal ma to xbajt ta chꞌulchan ae, la stꞌuj te apostoletike. Ta skuenta te Chꞌul Espiritue la spas jilel ta mantal te tut ya skꞌan spasike.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

Romanos 8:2

Porke kꞌalal la kakꞌ jbatik ta skuenta te Espiritue, te ya yakꞌ kuxlejal ta skuenta te Cristo Jesuse, jaꞌ la skoltayotik ta skꞌab te mulile sok te lajele.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Colosenses 1:19

Te Cristoe tsꞌakal yichꞌojbey te slekilal te Tatile, yuꞌun jich la skꞌan yoꞌtan te Diose.

Colosenses 2:9

Porke spisil te tut jaꞌ yuꞌun te Diose, tsꞌakal yichꞌojbe ta steklejal te Cristoe.

Apocalipsis 21:6

Ta patil la yalbon: —Juꞌix ta pasel joꞌon te ayon ta slijkibale y sok ta slajibale. Te machꞌa takin yoꞌtane, ta majtanil ya me kaꞌbe yuchꞌ te lokꞌi-jaꞌ yuꞌun te kuxlejale.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,