San Juan 3:10 - Nuevo Testamento Tzeltal de Amatenango

¹⁰ Te Jesuse la sjakꞌbe: —Te jaꞌate maestroat yuꞌun te Israele, y ¿ma xꞌanaꞌbe sluwar te tut ya kalbeyate?

Bible in Tzeltal Bachajón

¹⁰ Ha'at maestrohat yu'un Israel, xchi te Jesús, ¿yu'un bal ma xana' bin ut'il ay ini?

Bible in Tzeltal de Oxchuc y Tenejapa

¹⁰ La yal te Jesuse: —Te ja'ate maestroat yu'un te lum Israel, ja'uc me to, ¿ma x'ana' stojol te bila ya calbate?

San Juan 3:10 Iomraidhean Croise

San Mateo 11:25

Jich yorail a te la yal te Jesuse: —Tat te yajwalat te chꞌulchan sok te balmilale, ben bayal slekil awoꞌtan te jaꞌ la awaꞌbe snaꞌik sluwaril spisil te machꞌatik chꞌin ayike, te ma jaꞌuk la awakꞌbe snaꞌik sluwaril te machꞌatik ay spꞌijilike sok te ya snaꞌik kꞌinale.

San Mateo 15:14

Teꞌ yil sbaik a, te ya stojutesik ta be te choketike, pero pajal chok kꞌoem sok. Teme jtul chok ya stojutes ta be te jtul xan choke, pajal me ya xchꞌay sok koel ta chꞌen —xchi te Jesuse.

San Mateo 22:29

Te Jesuse la sjakꞌtalanbe: —Te jaꞌexe jowiyemex ta kꞌop yuꞌun maꞌ ba kꞌoem ta awoꞌtanik te tut tsꞌibabil jilel ta Sjun te Diose sok maꞌyuk ta awoꞌtanik te tutꞌil ay spoder te Diose.

San Lucas 2:46

Ta yoxebal to kꞌaal a kꞌo staik ta templo nakal sok te maestroeetik yuꞌun te mantaliletike. Te Jesuse yipal ta yaꞌiyel te tut ya yalike sok ya sjojkꞌobeyik sluwar.

San Lucas 5:17

Jun kꞌaal te Jesuse yipal ta pꞌijuteswane, teꞌ nakajtik ekꞌa te fariseoetike sok te maestroetik yuꞌun te mantaliletike. Teꞌ talemik ta jtejklumetik ta estado Galilea, sok ta estado Judea, sok ta jtejklum Jerusalen. Te spoder te Diose ya xchiknaj ta skuenta te Jesuse te ya slekutes te jchameletike.

San Juan 3:9

Te jNicodemoe la xchaꞌjojkꞌobe xan: —¿Tutꞌil ya xkꞌot ta pasel tsꞌin to? —xchi.

Hechos 5:34

Pero te ba stsoboj sbaik te machꞌatik ay yaꞌtelike ay jtul fariseo tey a te Gamaliel sbiile, te jaꞌ maestro yuꞌun te mantaliletike te ben lek aꞌbil ta jkuenta yuꞌun te jtejklume. Jaꞌ a tejkꞌaj jajchel y la yakꞌ mantal te ya to xlokꞌ bael jtsꞌinuk te apostoletike.

Romanos 2:28

Yuꞌun ma mero juriyo-winikuk te machꞌa jaꞌ nax juriyo ta stiꞌbalul, sok te sirkunsision ma jaꞌuk ta skuenta stiꞌbalul.

Filipenses 3:3

Porke te machꞌatik batsꞌi yichꞌojik sirkunsisione joꞌotik abi, yuꞌun jchꞌuunejtik te Diose ta skuenta te Espíritu, y ben jun koꞌtantik te ayotikix ta skuenta te Cristo Jesuse. Ma jaꞌuk ya kichꞌtik ta jkuenta te tutik ya spasbot te jtiꞌbalultike.

Colosenses 2:11

Sok xan, te jaꞌex te jun nax ayex sok te Cristoe, awichꞌojikix sirkunsision. Ma jaꞌuk te sirkunsision te ya xꞌakꞌot ta tiꞌbalulile, sino ke jaꞌ te libre ayexix yuꞌun te amulawil tiꞌbalulike. Jaꞌ te sirkunsision te talem ta skuenta te Cristoe.