San Juan 20:21 - Nuevo Testamento Tzeltal de Amatenango

²¹ Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

Bible in Tzeltal Bachajón

²¹ Cha'halbotic xan yu'un te Jesús: Lamaluc me q'uinal yac awa'iyic. Hich te bin ut'il la sticonon tal te Tatil, ha nix hich ya jticonex bahel, xchi sc'oblalic.

Bible in Tzeltal de Oxchuc y Tenejapa

²¹ Jesús la yal xan: —Muc'ubenuc me q'uinal ya awaiyic. Jich te bit'il la sticunon tel te Jtate, ja' nanix jich ta jticunex uuc te ja'exe —xi'.

San Juan 20:21 Iomraidhean Croise

San Mateo 10:16

“Ilawilik ya jtikonex bael jich tutꞌil karnera ta yolil te genteetike te pajal sok jweꞌawal teꞌtikil tsꞌiꞌetik ta atojolike. Pꞌijanik me jich tutꞌil pꞌij te chane. Sok manso me xꞌawakꞌ abaik ta stojol te genteetike jich tutꞌil manso te palomae.

San Mateo 10:40

“Te machꞌa ya yikꞌex ta snae, joꞌon a yikꞌonix ta sna euk. Sok te machꞌa ya yikꞌon ta snae, jaꞌ la yikꞌix ta sna euk te machꞌa stikonejon tale.

San Lucas 24:36

Yipalik to ta yaꞌbiyanel a te tuti kꞌot ta pasele, te Jesuse xtekꞌloj kꞌoel ta yolilik, y la spatalanbe yoꞌtan: —Bujtsꞌanuk me kꞌinal ya awaꞌiyik —xchi.

San Juan 13:20

Jamal ya kalbeyex: Te machꞌa ya yakꞌ ta jkuenta te machꞌa joꞌon ya jtikone, joꞌon a yakꞌonix ta jkuenta abi. Y te machꞌa ya yakꞌon ta jkuentae, jaꞌ a yakꞌix ta jkuenta euk te Machꞌa la stikonon tale —xchi te Jesuse.

San Juan 14:27

“Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

San Juan 20:19

Xꞌijkꞌubix kꞌinal a, mismo primero kꞌaal yuꞌun a te semanae, te jnopojeletike stsꞌusoj sbaik ta na yuꞌun ya xiꞌik te statal juriyoetike. Te Jesuse och kꞌoel y xtekꞌlo kꞌoel ta yolil te jnopojeletike. La spatalanbe yoꞌtanik y jich a yal: —Junuk me awoꞌtanik —xchi.

San Juan 20:22

La xujchꞌilan, y la yaltalanbe: —Ikꞌaik te Chꞌul Espiritue.

San Juan 20:26

Waxkeꞌ kꞌaal ta patil te jnopojeletike la stsob sbaik xan ta jpꞌej na, y teꞌeyix ekꞌa te jTomase. Lek tsꞌusajtik yuꞌunik te tiꞌ puertaetike, pero te Jesuse och bael xtekꞌlo kꞌoel ta yolilik. La spatalanbe yoꞌtan y la yaltalanbe: —Junuk me awoꞌtanik —xchi.

San Juan 3:17

Porke te Diose ma lauk stikon tal Xnichꞌan ta balmilal yuꞌun ya yakꞌ bael ta chꞌayel te genteetike; jaꞌ a stikon tal yuꞌun te tal skoltay te genteetike.

Hechos 1:2

jaꞌ to te kꞌalal ikꞌot moel ta chꞌulchane. Te kꞌalal ma to xbajt ta chꞌulchan ae, la stꞌuj te apostoletike. Ta skuenta te Chꞌul Espiritue la spas jilel ta mantal te tut ya skꞌan spasike.

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

2 Timoteo 2:2

Te tut kalojbeyat awaꞌiy ta sit te bayal testigoetike, jaꞌ me xꞌawaꞌbe snop te winketik te ay spuersa yoꞌtanik sok te ay spꞌijilik yuꞌun ta snojpesel ekꞌa te yanetike.

Hebreos 3:1

Jaꞌ yuꞌun kermanotak, te jaꞌex te ayexix ta jtejklum yuꞌun te Diose te la yikꞌexix Dios te yuꞌun ya xkꞌoexe, jaꞌ me xꞌanaꞌ ta awoꞌtanik te Cristo Jesuse, te jaꞌ apostol sok mukꞌul saserdote te jchꞌuunejtike.

3 Juan 1:14

Porke jnopoj te ya xtal kilat ta orae y ya xkꞌopojotik ta personal.