San Juan 2:22 - Nuevo Testamento Tzeltal de Amatenango

²² Jaꞌ yuꞌun te kꞌalal chaꞌkux tal te ba animaetike, te jnopojeletik yuꞌune la snaꞌik te jich yaloje. Jich a xchꞌuunik te tut tsꞌibabil ta Sjun te Diose sok te tuti yal te Jesuse.

Bible in Tzeltal Bachajón

²² Ha yu'un te c'alal cha'cuxaj tal ta yohlil te mach'atic chamenic, la sna' te jnopojeletic yu'un te hich nix yaloj, hich la sch'uhunic te Shun Dios soc te bin la yal te Jesuse.

Bible in Tzeltal de Oxchuc y Tenejapa

²² Jich yu'un te c'alal cha'cux tel ta bay animaetic te Jesuse, jich jul ta yo'tanic te jnopojeletic yu'un te bit'il jich yaloje. Jich la xch'uunic te bila ts'ibubil ta Sjun te Diose soc te bila la yal te Jesuse.

San Juan 2:22 Iomraidhean Croise

San Lucas 24:26

¿Me ma wan puersauk nail ya xkꞌax swokol te Cristoe, antes te ya xꞌoch te ba lekilale? —xchi.

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Juan 12:16

Te jnopojeletik yuꞌune ta slijkibal nax maꞌ snaꞌbeyik sluwar te tutiꞌ yilik xkꞌot ta pasele. Pero ta patil te kꞌalal akꞌotix ta ilel slekilal a te Jesuse, tal ta yoꞌtanik te spisil te tuti kꞌot ta pasele, jaꞌ te tut tsꞌibabil jilel ta stojole.

San Juan 14:26

Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

San Juan 16:4

La kalbeyex awaꞌiyik to yuꞌun jich me ya anaꞌik a te kꞌalal ya xkꞌot yorail te tut kalojbeyexix ae. “Ma kalbeyex ta primero porke joyinejex to a.

San Juan 2:11

Jaꞌ to jaꞌ primero seña smilagro te la spas te Jesuse te la yakꞌ ta ilel slekilal, te baꞌ jtejklum Cana te ay ta estado yuꞌun Galileae. Y te jnopojeletik yuꞌune la xchꞌuunik te jaꞌ mismo Cristo a te Jesuse.

San Juan 2:17

Jich te jnopojeletik yuꞌune la snaꞌik te jich tsꞌibabil jilele: “Ben tulan skꞌoplal ta koꞌtan te anae”, xchi me.

San Juan 2:2

Y te Jesuse sok te jnopojeletik yuꞌune ikꞌtalanot bal ekꞌa te ba jnujpunele.

Hechos 11:16

Jich a jnaꞌ te tut yaloj te Kajwaltike: “Te Juane la yakꞌ ichꞌjaꞌ ta jaꞌ, pero te jaꞌexe ya me yaꞌbelex awikꞌik te Chꞌul Espíritu”, xchi me.

Hechos 13:33

la yakꞌ kꞌotukix ta pasel ta jtojoltik, joꞌotik te stsꞌumbalotike, te kꞌalal la xchaꞌkuses tal te ba ay animaetik te Jesuse. Jich tutꞌil tsꞌibabil jilel te ba Salmo numero dos: “Te jaꞌate, jnichꞌanat, nax to nax a kakꞌat ta ilel te joꞌon atatone”, xchi me.