San Juan 2:19 - Nuevo Testamento Tzeltal de Amatenango

¹⁹ Te Jesuse la sjakꞌtalanbe: —Jimaik te mukꞌul templo to y ta oxeꞌ nax kꞌaal ya jpas xan ta achꞌ —xchi.

Bible in Tzeltal Bachajón

¹⁹ La sjac' te Jesús: Jinahic ha'i templo ini, ta oxeb c'ahc'al ya jcha'pas xan, xchi.

Bible in Tzeltal de Oxchuc y Tenejapa

¹⁹ La yal te Jesuse: —Jinaic in templo to. Ta oxeb nax c'aal ya jcha'pas xan ta yach'il —xi'.

San Juan 2:19 Iomraidhean Croise

San Mateo 12:40

Jich te Jonase anin ta xchꞌujt mukꞌul chay oxeꞌ kꞌaal sok oxeꞌ ajkꞌubal. Jaꞌ jich euk te Nichꞌanile ya me xmujk oxeꞌ kꞌaal sok oxeꞌ ajkꞌubal.

San Mateo 16:21

Jaꞌ yorail a te Jesuse lijk yalbe te jnopojeletik yuꞌune te ya xbajt ta Jerusalene, y te moletik sok te statal-saserdoteetik sok te maestroetik yuꞌun te mantaliletike ya me yaꞌbeyik xkꞌax bayal swokol. Sok la yal te tutꞌil ya xba mileke, pero ta yoxebal kꞌaal ya xchaꞌkusesot tal.

San Mateo 27:40

La yalik: —Jaꞌat ya awal te ya ajim te temploe sok te oxeb nax kꞌaal ya achaꞌ-apas xan ta akꞌope, koltaya aba atukel kiltik. Teme jich te jaꞌat Xnichꞌanat te Diose, koan tal te ba kruse —xchiik ta yikꞌtinel.

San Mateo 27:63

Jich a yalbeyik: —Ajwalil, ya to jnaꞌtik te la yal te jloꞌlawaneje: “Ya xchaꞌkuxon tal ta yoxebal kꞌaal” xchi te kꞌalal kuxul to aye.

San Marcos 14:58

—Te joꞌotike la kaꞌiytik sluwaril te jich a yal: “Joꞌon ya jim te templo te pasbil yuꞌun te genteetike. Ta oxeb nax kꞌaal ya jpas yan templo te ma pasbiluk yuꞌun te genteetike”, xchi ta yalel la kaꞌiytik —xchiik.

San Marcos 15:29

Te machꞌatik yipalik ta kꞌaxel baele la sutilan sjolik ta yikꞌtinel: —Ilawil, jaꞌat te la awal te ya ajim te templo sok ta yoxebal kꞌaal ya achaꞌ-apas xan ta akꞌope,

San Marcos 8:31

Te Jesuse lijk snojpeslan te jnopojeletike te ya xkꞌax bayal swokole. Jich a yalbe: —Te Nichꞌanile ya me xkꞌax bayal swokol. Ya me spꞌajik te mamaletike sok te statal-saserdoteetike sok te maestroetik yuꞌun te mantaliletike. Ya me yakꞌik ta milel, pero ya me xchaꞌkux ta yoxebal kꞌaal —xchi te Jesuse.

San Juan 11:25

Te Jesuse jich a yalbe xan: —Joꞌon ya kakꞌ chaꞌkuxel sok kuxlejal. Te machꞌa ya xchꞌuunone manchuk me ya xcham, pero ya xchaꞌkux tal.

San Juan 5:19

Te Jesuse la yaltalanbe: —Jamal ya kalbeyex: Maꞌyuk tut ya xjuꞌ yuꞌun spasel ta stukel nax te Nichꞌanile. Jaꞌ ya spas te tut ya yil ya spas te Tatile. Spisil te tut ya spas te Tatile, jich ya spas euk te Nichꞌanile.

Hechos 2:24

Pero Dios la xchaꞌkuses tal, la skolta tal lokꞌel te ba ay spoder te lajele. Porke te lajele ma juꞌ yuꞌun te jmel nax a yuꞌunine.

Hechos 2:32

Yuꞌun jaꞌix te Jesuse te Dios a chaꞌkusesot tal yuꞌune. Y te joꞌotike testigootik yuꞌun te jich a pasbote.

Hechos 3:15

Y jich la amilik te machꞌa ya yikꞌotik bael ta kuxlejale. Pero Dios a xchaꞌkuses tal te ba ay te animaetike, y joꞌotik testigootik yuꞌun.

Hechos 3:26

Te kꞌalal la xchaꞌkuses tal Xnichꞌan te Diose, primero a stikombeyex tal yuꞌun tal yaꞌbeyex bendision, yuꞌun jich me ya asujtes awoꞌtanik yuꞌun te amulike —xchi te jPedro.

Hechos 6:14

Sok la kaꞌitik te tut ya yale te jaꞌ ya xba sjim te templo te Jesus te talem ta Nazarete. Y ya xba sjeltay te kostumbreetik te la yaꞌbotik jilel te jMoisese —xchiik.

Romanos 4:24

la stsꞌibabotik jkꞌoplaltik euk. Yuꞌun ta skuenta xchꞌuunel koꞌtantik, Dios ya yilotik jich tutꞌil te toj ayotike, yuꞌun jchꞌuunejtik te Dios la xchaꞌkuses tal te Kajwaltik Jesuse,

Romanos 6:4

Yuꞌun ta skuenta te ichꞌjaꞌe jun nax a mujkotik sok Cristo y jchamotik. Sok jich tutꞌil chaꞌkux te Cristoe ta skuenta te slekil spoder te Jtatik Diose, jich ya xchaꞌkuxotik, sok ya kichꞌtik achꞌ kuxlejal.

Romanos 8:11

Y te Espiritue, te jaꞌ te la xchaꞌkuses tal te Jesuse, kuxulix ta akuentaik. Jaꞌ mismo te la xchaꞌkuses tal te Cristo, ya yaꞌbeyex achꞌ kuxlejal ta atiꞌbalulik te ya xlaje ta skuenta te Espíritu yuꞌun Dios te ayix ta atojolike.

1 Corintios 15:12

Pero teme jaꞌ ya kalbetik skꞌoplale te chaꞌkux tal te Cristoe, ¿porke ay jtul-cheb ya awalik te jaꞌexe te makꞌ xchꞌakux tal te animaetike?

Colosenses 2:12

Yuꞌun la awichꞌik mukel sok Cristo te la awichꞌik jaꞌe. Y la awichꞌik chaꞌkusesel sok, porke la achꞌuunik te tutꞌil Dios la xchaꞌkuses ta skuenta spoder.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.