San Juan 2:16 - Nuevo Testamento Tzeltal de Amatenango

¹⁶ La yaltalanbe te machꞌatik yipalik ta chon-palomae: —¡Lokꞌesaik bael te apalomaik liye! ¡Maꞌ kꞌajtatesik ta merkado te sna te Jtate! —xchi.

Bible in Tzeltal Bachajón

¹⁶ La yalbe te jchon-stsuhmutetic: Loq'uesahic ini, ma me xac'atp'unic ta mercado te Sna te Jtate, la yut.

Bible in Tzeltal de Oxchuc y Tenejapa

¹⁶ La yalbey te jchon-palomaetique: —Loq'uesaic bael spisil in to. Ma me xac'atp'unic ta ch'iwich te sna te Jtate —xi'.

San Juan 2:16 Iomraidhean Croise

San Mateo 21:12

Te Jesuse och bael te ba mukꞌul templo, la sten lokꞌel spisil te machꞌatik yipal ta chonbajel y manbajel teꞌae. La xbalchꞌunbe xmexaik te jel-takꞌinetike, sok la xbalchꞌunbe snaktajib te machꞌatik yipalik ta xchonel palomae.

San Mateo 21:13

Y la yaltalanbe: —Jich tsꞌibabil ta Sjun Dios: “Te jnae jaꞌ snaul skꞌoponel Dios sbiil”, xchi me. Pero te jaexe sujtix awuꞌunik ta xchꞌen jꞌelekꞌetik —xyut.

San Mateo 22:5

“Te machꞌatik majanlanbile maꞌ chꞌuunik te ikꞌele. Te jtule bajt ta slum. Te yane bajt ta chonbajel.

San Marcos 11:17

Jich a yal ta pꞌijuteswane te Jesuse: —Jich tsꞌibabil ta Sjun Dios: “Te jnae jich albil te jaꞌ snaul skꞌoponel Dios yuꞌun spisil te genteetike.” Pero te jaꞌexe la awakꞌikix ta xchꞌen elekꞌetik —xchi te Jesuse.

San Lucas 2:49

La sjakꞌ te Jesuse: —¿Tuꞌun te ya aleikone? ¿Me yuꞌun ma xꞌanaꞌik te ya skꞌan ya kaꞌtelin te tut ay yuꞌun te Jtate? —xchi te Jesuse.

San Juan 10:29

Jaꞌ yakꞌojbon te jTate, sok jaꞌ mas mukꞌ ke spisil tut aye. Maꞌyuk machꞌa ya xjuꞌ ya spojbon lokꞌel ta jkꞌab.

San Juan 2:15

Kꞌalal la yil, te Jesuse la yichꞌ jun chꞌajan, la spas ta aresial, y la stentalan lokꞌel spisil te ba mukꞌul templo te skarneraike sok te xwakaxike. Sok la sbuskꞌinbe ta lum stakꞌinik te machꞌatik ya sjelik takꞌine, y la xbalchꞌunbe te xmexaike.

San Juan 20:17

Te Jesuse la yalbe: —Ma me apikon, porke ma to moemukon bael ta ba ay te jTate. Pero baan, ban albeya te kermanotake yuꞌun ya xboon te ba ay te jTate, te aTatik euk te jaꞌexe, te Dios kuꞌune, sok te Dios awuꞌunik euk te jaꞌexe —xchi.

San Juan 5:17

Pero te Jesuse la yaltalanbe: —Te Jtate yipal ta aꞌtel y jichon euk yipalon ta aꞌtel —xchi.

San Juan 8:49

Te Jesuse la sjakꞌtalanbe: —Ni maꞌyuk pukuj ta koꞌtan. Te tut ya jpase jaꞌ ya kakꞌ ta akꞌel ta jkuenta a te jTate. Yan te jaꞌexe ma baleukon ta awoꞌtanik.

1 Timoteo 6:5

Ya sjajchesik te pleto te maꞌyuk slajibal sok te gente te ma tsaꞌamuk spensarik y ma snaꞌojuk te tut batsꞌi jiche. Ya skuyik ta snegosioik te tut xchꞌuunejike. Ma me ajoyin aba sok te machꞌatik jich ayike.

2 Pedro 2:3

Ay sbikꞌtal yoꞌtanik yuꞌun te takꞌine, jich ay tut ya slokꞌesbeyex sok te tut palso ya yakꞌik ta nopele. Pero namey chapal skꞌoplalik te ya xbajtik ta chꞌayel. Ni ma xjuꞌ ya skoltay sbaikix teꞌae.