San Juan 2:12 - Nuevo Testamento Tzeltal de Amatenango

¹² Patil koel a bajt ta Capernaum te Jesuse. Joyinot bael yuꞌun te smeꞌe sok te yijtsꞌinabe y sok te jnopojeletik yuꞌune. Teꞌeyik cheꞌ oxeꞌ kꞌaal a.

Bible in Tzeltal Bachajón

¹² Patil co bahel ta Capernaum te Jesús, te snan, te yihts'inab, soc te jnopojeletic yu'une. Ma ba bayel c'ahc'al halajic tey a.

Bible in Tzeltal de Oxchuc y Tenejapa

¹² Patil co bael ta Capernaúm te Jesuse. Joinot bael yu'un te sme'e soc te yijts'inabe soc uuc te jnopojeletic yu'une. Ma ba bayal c'aal jalajic tey a.

San Juan 2:12 Iomraidhean Croise

San Mateo 11:23

Y jaꞌat jtejklum Capernaum, akuyojik te aꞌbilex ta jkuenta ya kꞌoex ta chꞌulchane. Jaꞌ tsꞌin to ya me awichꞌik chꞌojel ochel kꞌalal ta infierno. Te teꞌuk la yichꞌ pasel a te milagroetike te ba ay jtejklum Sodomae jich tutꞌil te la yichꞌ pasel ta awolilike, chikan to ta balmilal ta ora to te jichuke.

San Mateo 12:46

Te Jesuse yipal to ta kꞌop ta stojol a te bayal genteetike te tal te smeꞌe sok te yijtsꞌinabe. Tekꞌatik jul ta amakꞌ, ya skꞌan ya skꞌoponik te Jesuse.

San Mateo 4:13

Pero ma jalaj te ba jtejklum Nazarete. Jicha ba kuxuyinuk ta jtejklum Capernaum te ay ta tiꞌmare. Namey jaꞌ slum te stsꞌumbal Zabulon sok te stsꞌumbal Neftalie.

San Marcos 6:3

Karpintero te winike, te yal te xMariae. Sok jaꞌ yitsꞌinab te Jacobe, te Josee, te Judase sok te Simone. Sok jaꞌ yitsꞌinab ekꞌa te achꞌixetike te liꞌ ayik ba koliltike, xchiik. Jich ma yakꞌik ta kuenta.

San Juan 2:2

Y te Jesuse sok te jnopojeletik yuꞌune ikꞌtalanot bal ekꞌa te ba jnujpunele.

San Juan 4:46

Te Jesuse chaꞌsujt xan bael ta jtejklum Cana te ay ta estado yuꞌun Galileae te ba la skꞌajtates ta bino te jaꞌe. Ay jtul mamal teꞌey a te ay aꞌbil tulan yaꞌtel yuꞌun te reye. Ay ta chamel jtul xnichꞌan te ay ta jtejklum Capernaum.

San Juan 6:17

Moik bael ta jun barko y lijk kꞌaxikuk bael ta jejch mar, yuꞌun ya xlaj kꞌot ta Capernaum. Lom ijkꞌix a te kꞌinale, te Jesuse ma to sujt tal a.

1 Corintios 9:5

y sok ya xjuꞌ ya kikꞌ ta beel kinam te jchꞌuunej Dios sok te ayuke. Jich tutꞌil ya spas te yanetik apostoletike, y sok te yijtsꞌinab Kajwaltike y sok euk te jPedroe.

Gálatas 1:19

Pero maꞌyuk a jta ta ilel te yanetik apostoletike, jaꞌ nax te Jacobo te yijtsꞌin te Kajwaltike.