San Juan 19:9 - Nuevo Testamento Tzeltal de Amatenango

⁹ Chaꞌoch xan bael te ba spalasioe. Jicha kꞌo sjojkꞌobe xan te Jesuse: —¿Ba talemat? —xyut. Pero te Jesuse ni jpꞌaluk a sjakꞌbe.

Bible in Tzeltal Bachajón

⁹ Cha'och xan bahel ta palacio, la sjoc'obe xan te Jesús: ¿Banti talemat? xchi. Pero ma ba la sjac' te Jesús.

Bible in Tzeltal de Oxchuc y Tenejapa

⁹ Cha'och bael ta Pretorio. Jich la yalbey te Jesús: —¿Banti talemat? —xi'. Te Jesús ma la sjac'.

San Juan 19:9 Iomraidhean Croise

San Mateo 26:63

Pero te Jesuse ni jpꞌaluik a kꞌopoj. Jich te statal-saserdote la yalbe xan: —Ta sbiil te kuxul Diose ya kalbeyat ya me awal ta jamal teme jaꞌat Cristoat te Xnichꞌanat te Diose —xyut.

San Mateo 27:27

Jich te soltaroetik yuꞌun te gobiernoe la yikꞌik ochel ta palasio te Jesuse, y la stsob sbaik tal spisil te soltaroetike y la sjoyik.

San Lucas 23:9

Bayal tuti sjojkꞌobe, pero te Jesuse ni jpꞌaluk aꞌ sjakꞌbe.

San Juan 18:28

La yikꞌik lokꞌel te ba sna jCaifas te Jesuse, sok teꞌ ikꞌot bael te ba spalasio te gobierno romanoe. Ya sakubix tal a te kꞌinale. Te juriyoetike ma ochik bael te ba palasioe, yuꞌun la snaꞌik te ya xꞌixtaꞌa skꞌoplalik teme ya xꞌochike, y jich ma spas ya sweꞌik te weꞌelil yuꞌun te kꞌin Pascuae.

San Juan 18:33

Te jPilatoe sujt ochel te ba spalasio. La yik te Jesuse y la sjojkꞌobe: —¿Me jaꞌat te Reyat yuꞌun te juriyoetike? —xchi.

San Juan 18:34

Te Jesuse la yalbe: —¿Me jaꞌat la anop te jich ya ajojkꞌoye, o ay yan machꞌa yalojbeyat te jkꞌoplale? —xchi.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

San Juan 19:10

Te jPilatoe la yalbe: —¿Tut yuꞌun te ma xꞌajakꞌbon te jkꞌope? ¿Me yuꞌun maꞌ anaꞌojuk te kichꞌoj kaꞌtel te ya xjuꞌ ya kakꞌat ta milel ta krus, sok te ya xjuꞌ ya jkolesat bale? —xchi.

San Juan 19:8

Kꞌalal la yaꞌi te jPilatoe, lijk xiꞌuk xan yuꞌun.

San Juan 8:14

Te Jesuse la sjakꞌtalanbe: —Te tut ya kale bale stukel, aunke joꞌon nax mismo ya kal jba. Yuꞌun te joꞌone jnaꞌoj te ba talemone y jnaꞌoj te ba ya xboone. Yan te jaꞌexe ma xꞌanaꞌik ba talemon, y ma xꞌanaꞌik ba ya xboon.

Filipenses 1:28

Sok te ni makꞌ ya xiꞌex yuꞌun te machꞌa ya skontrainexe. Jaꞌ to jaꞌ jun seña te ya yilik te chꞌayel ya xlaj jbajt stukelike. Y mismo tiempo a, jaꞌ seña te ya xkolex te jaꞌexe, yuꞌun jich nix yaloj te Diose.