San Juan 19:6 - Nuevo Testamento Tzeltal de Amatenango

⁶ Kꞌalal la yilik te stataletik yuꞌun te saserdoteetike sok te polisiaetike, lijk yawutayik: —¡Mila ta krus! ¡Mila ta krus! —xchiik. Te jPilatoe la yaltalanbe: —Ikꞌaik bal abi, ban milaik ta krus atukelik. Porke te joꞌone ni maꞌyuk a jtabe smul —xchi.

Bible in Tzeltal Bachajón

⁶ C'alal la yilic te Jesús te principal sacerdotehetic soc te policiahetic, hahchic ta aw: ¡Mila ta cruz! ¡Mila ta cruz! xchihic. La yal te Pilato: Ic'ahic bahel, milahic ta cruz te ha'exe, como mayuc smul la jtahbe te ho'one, xchi.

Bible in Tzeltal de Oxchuc y Tenejapa

⁶ C'alal ilot yu'un te jwolwanej-sacerdoteetic soc te policiaetique, jajch'ic ta aw, jich la yalic: —¡Mila ta cruz! ¡Mila ta cruz! —xiic ta aw. La yal te Pilatoe: —Ic'aic bael jiche. Baan, milaic ta cruz atuquelic. Melel te jo'one ma'yuc smul la jtabey —xi'.

San Juan 19:6 Iomraidhean Croise

San Mateo 26:58

Te jPedroe jakal jakal ay kꞌael ta stsꞌakliyel asta kꞌot te ba yamakꞌul sna te statal-saserdotee. Teꞌ och bael ekꞌa, kꞌo sjoyin ta naklej te jkananetik yuꞌun te temploe, yuꞌun ya yil te tutik ya spasbot te Jesuse.

San Mateo 27:22

Te Pilatoe la sjojkꞌo xan: —¿Tut ya skꞌan ya jpasbe te Jesuse te Cristo xchi skꞌoplale? —xchi. Spisilik la sjakꞌik: —¡Mila ta krus stukel! —xchiik.

San Mateo 27:24

Te kꞌalal la yil te Pilato te maꞌyuk tut ya xjuꞌ yuꞌune, sok mas tulan xan alijk ta aw te genteetike, la stikon tal ta ichꞌel jaꞌ, y la spok skꞌab ta sit te genteetike. Jich a yal: —Ya me jpok te jkꞌabe yuꞌun jich me ya awilik te makꞌ jchꞌik jba ta smalel xchꞌichꞌel te winik to te maꞌyuk smule. Jaꞌex me ya amulinik atukelik —xchi.

San Lucas 23:4

Jich te jPilatoe la yalbe te stataletik yuꞌun te saserdoteetike sok spisil te genteetike: —Ma jtabe tut smul te winik to —xchi.

San Juan 18:3

Jich te Judase tal sok jtijk soltaroetik sok euk te polisiaetik yuꞌun te temploe te tikonlanbil tal yuꞌun te stataletik yuꞌun te saserdoteetike sok te fariseoetike. Chapalik tal sok stujkꞌik sok slampara y xtuchojlan tal skꞌajkꞌik.

San Juan 18:31

Te jPilatoe la yaltalanbe: —Ikꞌaik bael te jaꞌexe y ban chapaik, chikan te tut ay te mantaliletik awuꞌunike —xyut. La yalik te juriyoetike: —Pero te joꞌotike maꞌyuk orden kuꞌuntik te ay machꞌa ya kakꞌtik ta milele —xchiik.

San Juan 18:38

Te jPilato la yalbe: —¿Y tut a te batsꞌi jiche? —xchi. Kꞌalal laj yoꞌtan ta sjojkꞌoyel to, te jPilatoe lokꞌ xan bael ba skꞌopon te juriyoetike. Y la yaltalanbe: —Te joꞌone ni maꞌyuk smul a jtabe te winik to.

San Juan 19:15

Pero te juriyoetike lijkik ta aw: —¡Bajtuk ta milel! ¡Bajtuk ta milel ta krus! —xchiik. Te jPilato la sjojkꞌolanbe: —¿Me ya wan spas ya kakꞌ ta milel ta krus te rey awuꞌunike? —xchi. Te stataletik yuꞌun te saserdoteetike la sjakꞌbeyik: —Te joꞌotike maꞌyuk yan rey kuꞌuntik, jaꞌ nax te César te ay ta Romae —xchiik.

San Juan 19:4

Chaꞌlokꞌ xan tal te jPilatoe, y la yaltalanbe: —Ila awilik, ya jlokꞌes tal te winike. Ya me anaꞌik a te ni maꞌyuk a jtabe smule —xchi.

Hechos 2:23

Pero te kꞌalal akꞌot entregal ta akꞌabik te Jesuse, te tutꞌil jich snopoj ta primero te Diose, te jaꞌexe la atsakik y la amilik, yuꞌun la awaꞌbey ta skꞌabik te machꞌatik ma snaꞌbeyik sba te Diose te la sjojkꞌanik ta krus.

Hechos 7:52

¿Me ay wan jtul jꞌalwanej yuꞌun te Diose te maꞌ skontrainike? Te stukelike la smilik te jꞌalwanejetik te albot yaꞌiyik yuꞌun te ya xtal te machꞌa ben toj yoꞌtane. Pero te ora to xtalukix te machꞌa ben toj yoꞌtane, te jaꞌexe la awakꞌik entregal y milot.