San Juan 17:6 - Nuevo Testamento Tzeltal de Amatenango

⁶ “La kakꞌix snaꞌbeyat aba te jayeb machꞌatik tsabil awuꞌun ta balmilal te la awaꞌbon ta jkꞌabe. Jaꞌat awuꞌun, pero la awaꞌbonix ta jkꞌab, sok ayix ta yoꞌtanik te akꞌope.

Bible in Tzeltal Bachajón

⁶ La jca'be sna'bat aba te mach'atic li' ayic ta bahlumilal te la awa'bon ta jcuenta; ha'ic awu'un ta nahil, ha'at la awa'bon ta jcuenta, soc scanantayejic te ac'ope.

Bible in Tzeltal de Oxchuc y Tenejapa

⁶ “La caq'uix sna'bat aba te jayeb mach'atic tsabil awu'un ta balumilal te la awac'bon ta jc'abe. Ja'at awu'un ta neelal, ja'uc me to, la awac'bonix ta jc'ab soc ayix ta yo'tanic te ac'ope.

San Juan 17:6 Iomraidhean Croise

San Juan 1:18

Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

San Juan 12:28

JTat akꞌa ta ilel te slekilal abiile —xchi te Jesuse. Jicha chiknaj jun kꞌop ta chꞌulchan. Jich a yal: —La kakꞌix ta ilel slekil te jbiile, y ya me kakꞌ xan ta ilel —xchi.

San Juan 15:19

Te jaꞌuk yuꞌunex te balmilale, te genteetik ta balmilale ben kꞌuxex ta yoꞌtan te jichuke, jich tutꞌil te kꞌux ya yaꞌi ta yoꞌtan te sjoꞌtake. Pero joꞌon a jtsaex tal lokꞌel ta yolilik te machꞌatik yuꞌun te balmilale. Jaꞌ sluwar te ya spꞌajexe, porke ma yuꞌunukexix te balmilale.

San Juan 15:3

Te jꞌaexe pokbilexix yuꞌun te jkꞌop te la kalbeyexe.

San Juan 15:7

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

San Juan 17:12

Te kꞌalal joy jba sok to ta balmilal ae, la jkanantay y la jkoltay ta skuenta apoder te machꞌatik la awaꞌbone. Ni jtuluk a chꞌay kuꞌun. Jaꞌ nax a chꞌay stukel te machꞌa skꞌoplal ya xchꞌaye, yuꞌun jich me ya xkꞌot ta pasel te tut tsꞌibabil jilele.

San Juan 17:14

Te joꞌone la kalbeyix te akꞌope, pero te genteetik te ayik ta skuenta te balmilale la spꞌajik. Porke te machꞌatik kuꞌune ma yuꞌunuk te balmilale, jich tutꞌil te joꞌon ma yuꞌunukon te balmilale.

San Juan 17:16

Jich tutꞌil joꞌon te ma skuentaukon te balmilale, jich euk ta stukelike ma skuentaikuk te balmilale.

San Juan 17:2

Yuꞌun la awaꞌbonix kaꞌtel ta stojol spisil te genteetike, yuꞌun jich me ya kakꞌ kuxuyinuk sbajtel kꞌinal spisil te machꞌa la awaꞌbon ta jkꞌabe.

San Juan 17:24

“JTat, jaꞌat la awaꞌbon te machꞌatik xchꞌuunejonixe, y ya jkꞌan te yauk sjoyinon te ba ya xkꞌoone. Yuꞌun ya me yilik te jlekilal te awakꞌojbone, porke ben kꞌuxon ta awoꞌtan te kꞌalal ma to xchiknaj a te balmilale.

San Juan 17:26

La kakꞌix snaꞌbeyat aba y ya to me kakꞌ xan snaꞌbeyat aba. Jich tutꞌil te kꞌuxon ta awoꞌtane, jichuk me kꞌux ta awoꞌtan euk. Sok ya me xꞌanon ta yoꞌtanik —xchi ta skꞌoponel Dios te Jesuse.

San Juan 17:7

Te ora to la snaꞌbeyikix sluwar te jaꞌat awuꞌun spisil te tuti awakꞌojbone,

San Juan 18:9

Jich a kꞌot ta pasel te tut yaloj te Jesuse: “Te machꞌatik la yaꞌbon ta jkuenta te jTate ni jtul a chꞌay kuꞌun”, xchi me.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

San Juan 6:39

Jaꞌ te sboluntar te Machꞌa la stikonon tale te spisil te machꞌa ya yaꞌbone ni jtuluk ya xchꞌay kuꞌun, sok ya me jchaꞌkuses tal ta slajibal kꞌaal.

San Juan 8:51

Jamal ya kalbeyex, te machꞌa ya yakꞌ ta jkuenta te tut ya kale, sbajtel kꞌinal makꞌ xcham —xchi.

San Juan 8:52

Te juriyoetik la sjakꞌbeyik: —Te ora to seguro ya jnaꞌtik te ay pukuj ta awoꞌtane. Te jꞌAbrahame sok spisil te jꞌalwanejetike chamik bael. Y te jaꞌate ya awal: “Te machꞌa ya yakꞌ ta jkuenta te jkꞌope makꞌ cham”, te xchate.

Hechos 13:48

Te kꞌalal la yaꞌiybeyik sluwaril to, te machꞌatik ma juriyouke ben jun yoꞌtanik a la sujt yuꞌun, y lijk yalik te ben tsaꞌam te skꞌop Kajwaltike. Spisil a xchꞌuunik te machꞌatik tsabilik yuꞌun te ya xkuxuyinik sbajtel kꞌinale.

Romanos 11:2

Te Diose ma spꞌajojuk te israeletik te jtejklum yuꞌune, te tsabil yuꞌun ta slijkjibal toe. Ya skꞌan ya anaꞌik te jich tsꞌibabil jilel skꞌoplal ta Sjun Dios yuꞌun te jꞌalwanej Eliase, yuꞌun teꞌ yal ta skꞌoponel Dios a, te ma tsaꞌamuk yaꞌtel te jtejklum Israele. La yal:

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

Colosenses 3:16

Siluk tiempo ayuk ta awoꞌtanik te skꞌoplal te Cristoe. Sok spꞌijil awoꞌtanik tsitsa abaik y aꞌbeya abaik spuersa awoꞌtanik ta juju-tul. Sok awoꞌtanik kꞌayojinaik te Diose ta salmoetik sok kꞌayojetik sok yanetik kꞌayoj ta skuenta Espíritu.

2 Timoteo 1:13

Jaꞌ me ya atam te lekil nojpesel te joꞌon la kalbeyat jilel awaꞌiye. Sok jujun kꞌaal ayuk me xchꞌuunel awoꞌtan y sok skꞌuxul awoꞌtan te kichꞌojtik yuꞌun te jun nax ayotik sok te Cristo Jesuse.

Hebreos 2:12

Jich tutꞌil ya yal te Sjun Diose: “Ya me kal akꞌoplal ta skuenta te kijtsꞌinabe, y ya jkꞌayojinbeyat kayojetik ta skuenta te kongregasione”, xchi me.

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.

1 Pedro 1:1

Joꞌon jPedroon, apostolon yuꞌun te Jesucristoe, ya jtsꞌibay te karta to te jaꞌ yuꞌun te machꞌatik te pujkejemik bael te ba slumalike, te ayik ta estadoetik yuꞌun Ponto sok Galacia sok Capadocia sok Asia y sok Bitinia.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

Apocalipsis 2:13

“Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.

Apocalipsis 3:10

“Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.

Apocalipsis 3:8

“Kiloj spisil te tut ya apase. Ila awil, kakꞌoj ta atojol jun puerta te jeꞌele, te maꞌyuk machꞌa ya xjuꞌ ya stsꞌuse. Y aunke maꞌyuk lek apuersa, awakꞌoj ta jkuenta te jkꞌope y maꞌ mukojukon ta awoꞌtan.