San Juan 17:3 - Nuevo Testamento Tzeltal de Amatenango

³ Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

Bible in Tzeltal Bachajón

³ Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

Bible in Tzeltal de Oxchuc y Tenejapa

³ Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 17:3 Iomraidhean Croise

San Marcos 9:37

—Te machꞌa ya yikꞌ ta sna ta joꞌon jbiil jich tutꞌil alal to, joꞌon me la yikꞌonix abi. Te machꞌa ya yikꞌon ta snae ma joꞌokon nax te ya yikꞌone, jaꞌ la yikꞌix ekꞌa te Machꞌa la stikonon tale —xchi te Jesuse.

San Lucas 9:48

Jich a yaltalanbe: —Te machꞌa ya yikꞌ ta sna jich tut alal to, teme joꞌon ta jkuentae, joꞌon a yikꞌon abi. Y te machꞌa ya yikꞌon ta snae, jaꞌ a yikꞌix ta sna euk te machꞌa la stikonon tale. Jaꞌ yuꞌun te machꞌa chꞌin ay ta awolilike, jaꞌ me mukꞌ stukel —xchi te Jesuse. Te machꞌa makꞌ skontrainotike, joytik me abi —xchi.

San Juan 10:36

Teme Dios a stꞌujon sok teme la stikonon ta balmilale, ¿Tut yuꞌun te ya awalbikon te ya jtoyba-kꞌoptay te Dios te la kal te xNichꞌanon Diose?

San Juan 11:42

Ya jnaꞌ te sil tiempo ya awaꞌibon te jkꞌope, pero la kal yuꞌun slekilik a te genteetik te liꞌ aylane, yuꞌun jich me ya xchꞌuunik a te jaꞌat la atikonon tale —xchi.

San Juan 14:26

Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

San Juan 17:18

Jich te tutꞌil la atikonon tal ta stojol te machꞌatik ayik ta skuenta te balmilale, jich euk te joꞌone ya jtikonlan bael ta stojol te machꞌatik ayik ta skuenta te balmilale.

San Juan 17:21

JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

San Juan 17:23

Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.

San Juan 17:25

Jtat, te lek awoꞌtane, te machꞌatik ayik ta skuenta te balmilale ma snaꞌbeyat aba. Pero te joꞌone ya jnaꞌbeyat aba. Te machꞌatik xchꞌuunejonixe snaꞌojikix te jaꞌat la atikonon tale.

San Juan 17:8

yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

San Juan 3:17

Porke te Diose ma lauk stikon tal Xnichꞌan ta balmilal yuꞌun ya yakꞌ bael ta chꞌayel te genteetike; jaꞌ a stikon tal yuꞌun te tal skoltay te genteetike.

San Juan 3:34

Yuꞌun te machꞌa tikonbil tal yuꞌun te Diose jaꞌ ya yal te skꞌop Diose, porke te Diose ma pꞌisbiluk nax ya yakꞌ te Espiritue.

San Juan 5:44

¿Tutꞌil kꞌan achꞌuunik te jaꞌexe, teme jaꞌ nax ya akꞌanik te ya yakꞌex ta jkuenta te genteetike? Ma jaꞌuk ya aleik te tutꞌil ya yakꞌex ta jkuenta te Diose.

San Juan 6:57

Te Tatil, te la stikonon tale, ay kuxlejal yuꞌun, y jaꞌ kuxulon ta stojol. Jich mismo ekꞌa te machꞌa ya sweꞌbon jtiꞌbalul ya xkuxuyin ta jtojol.

San Juan 7:29

Te joꞌone ya jnaꞌbe sba porke teꞌ talemon a y stukel stikonejon tal —xchi te Jesuse.

San Juan 8:19

La sjojkꞌobeyik: —¿Ba ay te atate? —xchiik. Te Jesuse la sjakꞌtalanbe: —Te jaꞌexe ma xꞌanaꞌbikon jba sok ma xꞌanaꞌbeyik sba te jTate. Teme ya anaꞌbikon jba te joꞌone, jich euk te jTate ya anaꞌbeyik sba —xchi.

1 Corintios 15:34

Ilme abaik, ma me ale amulik. Yuꞌun ay jtul-cheb te jaꞌexe te ma xꞌanaꞌbeyik sba te Diose. Jich ya kalbeyex to yuꞌun ya xkꞌexawex a.

1 Corintios 8:4

Te ora to te tutꞌil ay te weꞌelil ya xꞌakꞌot ta smajtan te lotil diosetike, jnaꞌojtikix ta lek ni maꞌyuk tut ya xjuꞌ yuꞌun ta balmilal te jun lotil diose. Sok jnaꞌotik te úniko jtul Dios ay.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

Filipenses 3:10

Te tut ya jkꞌane, jaꞌ te yauk jnaꞌbey sba te Cristoe, sok te yauk kaꞌiy tutꞌil ay te spoder te la yichꞌ chaꞌkusesel yuꞌune, sok te pajaluk ya xkꞌax jwokol soke, y asta jich ya xkꞌoon ekꞌa te tutꞌil a laje.

Filipenses 3:8

Sok jich maꞌyukix stuunel ta koꞌtan spisil. Jaꞌ nax ben tsaꞌam stukel ta ya jnaꞌbey sba te Kajwal Cristo Jesuse. Ta skuenta te Cristoe la jchꞌayix jilel spisil. Y ta spisil jich ya jkuyix ta kꞌaꞌpal, yuꞌun jich me ay stuunel kuꞌun te Cristoe,

1 Tesalonicenses 1:9

porke stukelik mismo ya yalik te tutꞌil kꞌo kiltikex tal, sok te tutꞌil lek la awikꞌotik te jaꞌexe, y sok te tutꞌil la ajilesik te lotil diosetike. Yuꞌun la asujtes awoꞌtanik ta stojol te batsꞌi kuxul Dios y te lijk awakꞌ abaik ta abatinel yuꞌune.

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

Hebreos 3:1

Jaꞌ yuꞌun kermanotak, te jaꞌex te ayexix ta jtejklum yuꞌun te Diose te la yikꞌexix Dios te yuꞌun ya xkꞌoexe, jaꞌ me xꞌanaꞌ ta awoꞌtanik te Cristo Jesuse, te jaꞌ apostol sok mukꞌul saserdote te jchꞌuunejtike.

2 Pedro 1:2

Ichꞌbeyaik te lom bayal slekil y te bujtsꞌan kꞌinal ta skuenta te la anaꞌojbeyikix sba te Diose y sok te Jesus te Kajwaltike.

2 Pedro 1:3

Ta skuenta spoder te Diose la yaꞌbotikix spisil te tut puersa yuꞌun te jkꞌuxlejaltike y sok te tutꞌil ya xjunaj koꞌtantike. La yaꞌbotikix jnaꞌtik te Machꞌa la yikꞌotikixe, te lom mukꞌ stukele y sok te yaꞌtel te lom kꞌax tsaꞌame.

2 Pedro 1:8

Porke teme ayix awuꞌunik te tutik to, sok teme yipal ta bayalajel ta awoꞌtanike, ma jowiluk nax ya xkꞌot te akuxlejale, sok ma lomuk nax te ya anaꞌbeyik sba te Kajwaltik Jesucristoe.

1 Juan 1:2

Kꞌo chiknajuk te Jꞌakꞌkuxlejale, y joꞌotik a kiltik, y joꞌotik a kalbetik skꞌoplal. Jaꞌ ya kalbetikex skꞌoplal te Machꞌa ya yakꞌ te kuxlejal sbajtel kꞌinale, jaꞌ te jun nax ay sok te Tatile, sok te la yakꞌ sba ta ilel ta jtojoltike.

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

1 Juan 2:23

Machꞌauk a te ma xyakꞌ ta jkuenta te Nichꞌanile jich ma xyakꞌ ta jkuenta ekꞌa te Tatile. Pero te machꞌa ya yal ta jamal te Nichꞌanile, jich ya yal ta jamal euk te Tatile.

1 Juan 4:6

Yan te joꞌotike, jaꞌ yuꞌunotik te Diose. Te machꞌa ya snaꞌbe sba te Diose ya me yaꞌibotik te tut ya kaltike, pero te machꞌa ma jaꞌuk yuꞌun te Diose ma xyaꞌibotik te tut ya kaltike. Jich ya xjuꞌ te ya jnaꞌtik te machꞌa yikꞌoj te Espíritu yuꞌun te tut batsꞌi jiche, y te machꞌa yikꞌoj te espíritu yuꞌun te jloꞌlawaneje.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.