San Juan 17:12 - Nuevo Testamento Tzeltal de Amatenango

¹² Te kꞌalal joy jba sok to ta balmilal ae, la jkanantay y la jkoltay ta skuenta apoder te machꞌatik la awaꞌbone. Ni jtuluk a chꞌay kuꞌun. Jaꞌ nax a chꞌay stukel te machꞌa skꞌoplal ya xchꞌaye, yuꞌun jich me ya xkꞌot ta pasel te tut tsꞌibabil jilele.

Bible in Tzeltal Bachajón

¹² Te c'alal joquinejic ta bahlumilal la jcanantay ta scuenta abihil; te mach'atic la awa'bon la jcanantay, mayuc ch'ay jtuhluc, ha nax ch'ay te mach'a yu'un nix jch'ayel a, scuenta yu'un hich ya xc'oht ta pasel te bin ts'ihbabil ta Shun te Diose.

Bible in Tzeltal de Oxchuc y Tenejapa

¹² Te c'alal joinej to ta balumilal a, la jcanantay ta swenta awu'el te mach'atic la awac'bon ta jwentae. Spisil la jcanantay, jtul ma ch'ay cu'un. Ja' nax ch'ay stuquel te mach'a ay nanix ta swenta te ch'ayele, swenta yu'un jich ya xc'ot ta pasel te bila ts'ibubil jilele.

San Juan 17:12 Iomraidhean Croise

San Juan 13:18

Ma apisilikuk te jich ya kalbeyexe, yuꞌun jnaꞌoj te machꞌatik jtsaoje. Pero puersa me ya xkꞌot ta pasel te tut tsꞌibabil ta Sjun te Diose: “Te machꞌa jun nax ya xweꞌon soke, sujtix ta jkontra”, xchi me.

San Juan 17:6

“La kakꞌix snaꞌbeyat aba te jayeb machꞌatik tsabil awuꞌun ta balmilal te la awaꞌbon ta jkꞌabe. Jaꞌat awuꞌun, pero la awaꞌbonix ta jkꞌab, sok ayix ta yoꞌtanik te akꞌope.

San Juan 18:9

Jich a kꞌot ta pasel te tut yaloj te Jesuse: “Te machꞌatik la yaꞌbon ta jkuenta te jTate ni jtul a chꞌay kuꞌun”, xchi me.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

Hechos 1:25

yuꞌun jaꞌ ya yichꞌ yaꞌtel ta apostolil. Yuꞌun te Judase chꞌay yuꞌun te smule, te kꞌalal bajt te ba luwar te ba la skꞌan a bajte —xchiik ta skꞌoponel te Diose.

Filipenses 2:9

Jaꞌ yuꞌun, Dios a yakꞌ te mas mukꞌ ya xkꞌot ta jkuentae, y te mas ben lek yuꞌun ta spisil te winketike.

2 Tesalonicenses 2:3

Ma me awakꞌ abaik ta loꞌlayel. Yuꞌun puersa nail ya xkꞌot ta pasel te ay ipal jchꞌuunjeletik te ya xjajch skontrainik te Diose. Sok ya xchiknaj te mulawil winik te ya xbajt ta chꞌayele.

Hebreos 2:13

Y la yal xan: “Ta skuenta Dios stukel ya me kakꞌ smukꞌul koꞌtan”, te xchie. Y ya yal xan: “Liꞌ me ayon sok te yuntikil la yaꞌbon te Diose”, xchi me.

1 Juan 2:19

Te stukelike lokꞌik tal ta koliltik. Pero yuꞌun nanix ma joytikuk a. Te yuꞌunuk joytikuke, maꞌ lokꞌ bael ta koliltik te jichuke. Pero jicha kꞌot ta pasel yuꞌun te ya xchiknaj ta jamal a te ma joy jbajtikuke.

Apocalipsis 19:12

Te site xlemlajan jachik tutꞌil xlaplun kꞌajkꞌ. Yichꞌoj ta sjol bayal koronaetik, y yichꞌoj jun biilil te tsꞌibabil te stukel nax snaꞌoje.