San Juan 16:7 - Nuevo Testamento Tzeltal de Amatenango

⁷ Pero ya me kalbeyex ta jamal te jaꞌ lek ta atojolik te ya xboone, porke teme makꞌ xboone, makꞌ xtal ta atojolik te Joyinwanej awuꞌunike. Pero teme boone, ya me jtikonbeyex tal.

Bible in Tzeltal Bachajón

⁷ Pero ya calbeyex te bin smelelil: Scuenta awutsil alequilic te ya xbohon, yu'un teme ma ba ya xbohon, ma ba ya xtal ta atojolic te Joquinwanej; yan teme ya xbohon, ya jticombeyex tal.

Bible in Tzeltal de Oxchuc y Tenejapa

⁷ Ja'uc me to, ya me calbeyex ta melel te ja' lec te ya xboone, yu'un teme ma xboone, ma xtal ta atojolic te Jmuc'tesej-q'uinal awu'unique. Yan teme ya xboone, ya me jticunbeyex tel.

San Juan 16:7 Iomraidhean Croise

San Lucas 24:49

Joꞌon ya jtikonbeyex tal te tut yaloj te Jtate. Pero te jaꞌexe liꞌ nax anex to liꞌ ba Jerusalene jaꞌ to teme jul ta atojolik te spoder Dios te ya xtal ta chꞌulchane —xchi te Jesuse.

San Lucas 4:25

Batsꞌi jich ya kalbeyex, ay bayal meꞌbaꞌ-antstik ta Israel te kꞌalal ay ta jꞌalwanej a te jꞌEliase, te kꞌalal maꞌyuk a yakꞌ jaꞌal oxeꞌ jaꞌbil sok olil y tal bayal wiꞌnal ta spisil balmilal.

San Lucas 9:27

Jamal ya kalbeyex: Ay machꞌatik liꞌ ayik to, te ma to xchamike jaꞌ to teme la yilik te ayix ta mantal te Kajwaltik Diose —xchi te Jesuse.

San Juan 14:26

Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

San Juan 14:28

La me awaꞌiyikix te ya xboone y te ya xchaꞌtal joyinex xane. Teme batsꞌi jich te kꞌuxon ta awoꞌtanike, butsꞌanix kꞌinal ya awaꞌiyik te jichuke, porke la kalix te ya xboon te ba ay te jTate yuꞌun jaꞌ mas mukꞌ stukel ke te joꞌone.

San Juan 14:3

Y ta patil teme boone, y teme chajpay te jun luware, ya me xchꞌatalon xan yuꞌun ya xtal kikꞌex bael. Jich te jaꞌexe teꞌ me ya xkꞌoex a te ba ya xkꞌoon te joꞌone.

San Juan 15:26

“Pero te kꞌalal ya xtal te Joyinwanej awuꞌunik te ya jtikombeyex tal ta stojol te jTate, jaꞌ me ya yalbon jkꞌoplal stukel. Jaꞌ te Espíritu te ya yakꞌ ta naꞌel te tut batsꞌi jiche.

San Juan 16:8

Te kꞌalal ya xtale, jaꞌ me ya yakꞌ kꞌotuk ta yoꞌtanik te genteetik ta balmilal te tut a te mulile, sok te tut lek ta pasele, sok te Dios ya xꞌilbot yaꞌtelik yuꞌune.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

Hechos 10:34

Te jPedroe jicha lijk yal: —Te ora to kꞌotix ta koꞌtan te batsꞌi jich te Dios pajal ya yil spisil te genteetike.

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

Romanos 8:28

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

2 Corintios 4:17

Te tut ya xkꞌax jwokoltik yuꞌun te jkuxlejaltik te ora toe ya xkꞌax stukel. Pero kꞌunkꞌun yipalotik ta stael te lekilal sbajtel kꞌinal te mas mukꞌ y te lom bayale.