San Juan 15:8 - Nuevo Testamento Tzeltal de Amatenango

⁸ Te jTate jich me ya xꞌakꞌot ta jkuenta a te kꞌalal bayal ya sitinexe. Jich me batsꞌi jnopojel ya xkꞌoex kuꞌun.

Bible in Tzeltal Bachajón

⁸ Ha ya x'ich'ot ta muc' Jtat yu'un teme bayel ya sitinex, hich ya xchicnaj a te ha jnopojelex cu'un.

Bible in Tzeltal de Oxchuc y Tenejapa

⁸ Jich ya xchicnaj yutsilal te Jtate teme bayal ya sitinexe. Jich me jnopojelex cu'un ta melel abi.

San Juan 15:8 Iomraidhean Croise

San Mateo 5:16

Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

San Mateo 5:44

Pero joꞌon ya kalbeyex: Kꞌuxuk me ta awoꞌtanik te machꞌatik ya skontrainexe. Lekuk me skꞌoplal ya awalbeyik te machꞌatik ma lekuk akꞌoplalik ya yalbeyexe. Pasbeyaik te tut lek te machꞌatik ya spꞌajexe. Kꞌoponbeyaik Dios ta stojol te machꞌatik ya yixtakꞌoptayexe sok te ya yilbajinexe.

San Mateo 9:8

Kꞌalal la yilik te genteetike, xchiik yuꞌun. Lijk yalbeyik kola yal Dios yuꞌun te tutꞌil ay spoder aꞌbilik yuꞌun te genteetike.

San Lucas 6:35

Yan te jaꞌexe kꞌux me xꞌawaꞌiyik ta awoꞌtanik te machꞌatik ya skontrainexe. Pasbeyaik te tut leke, sok aꞌbeyaik smajan te tut ay awuꞌunike. Ma me akꞌambeyik sjelol. Jich me bayal amajtanik ya awichꞌik yuꞌun, sok yal-xnichꞌanex ya xkꞌoex te Chꞌul Dios te ay ta chꞌulchane. Porke Dios kꞌux ta yoꞌtan te machꞌatik ma snaꞌik yalel kola yale sok te machꞌatik ma tsaꞌamuk yoꞌtanike.

San Juan 13:35

Teme kꞌux ya awaꞌi abaik ta juju-tule, spisil genteetik ya me snaꞌik te jnopojelex kuꞌune —xchi te Jesuse.

San Juan 15:5

“Te joꞌone jaꞌ smukꞌul yakꞌilon; yan te jaꞌexe jaꞌ jkꞌab-kꞌabex. Te machꞌa jmel nax ya yakꞌ sba ta jtojole y te joꞌone jun nax ayon sok, jich me ya sitin ta lek. Ni maꞌyuk tut xjuꞌ awuꞌunik teme parte ya awakꞌ abaike.

San Juan 8:31

Te Jesuse la yaltalanbe te juriyoetike te xchꞌuunejikixe: —Te jaꞌexe teme jun awoꞌtanik yuꞌun te jkꞌope, batsꞌi jich te jnopojelex kuꞌun abi.

1 Corintios 10:31

Ya kalbeyex: Teme ay tutꞌ ya xweꞌex o xꞌuchꞌaex o teme ay tut yan xan ya apasik, pasaik spisil ta skuenta slekilal a te Diose.

1 Corintios 6:20

porke Dios toyol a stojtalan. Jaꞌ yuꞌun ya skꞌan ya awakꞌik ta jkuenta a te Dios sok te atiꞌbalulike.

Filipenses 1:11

Yuꞌun ta skuenta te Jesucristoe ya me xchiknaj te ben lek awꞌatelik ta jaꞌexe. Jich me ya xꞌakꞌot ta jkuenta te Diose, sok lek skꞌoplal ya xkꞌot awuꞌunike.

Tito 2:10

Ma me yauk yelkꞌanik sino ke tsꞌakaluk me ya yakꞌik ta jkuenta, yuꞌun jich me ya yilik ta spisilik te ben tsaꞌam te nojpesel ta skuenta te Dios te jKoltawanej kuꞌuntike.

Tito 2:5

Sok te ya snaꞌik stsael te tut leke, sok te ma xmulawike, sok te ya skanantayik te snaike, sok te ay slekil yoꞌtanik y ya xchꞌuunbe smantal te smamlalike, yuꞌun ma me ayuk machꞌa ya yal te ma lekuk te skꞌoplal Diose.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.