San Juan 15:7 - Nuevo Testamento Tzeltal de Amatenango

⁷ “Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

Bible in Tzeltal Bachajón

⁷ Teme jc'axel yac awac' abahic ta jtojol soc teme ya x'ayin ta awo'tanic te jc'ope, c'anahic spisil bin ya sc'an awo'tanic, ya me x'a'botex.

Bible in Tzeltal de Oxchuc y Tenejapa

⁷ “Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

San Juan 15:7 Iomraidhean Croise

San Mateo 7:7

“Kꞌanbeya te Diose jich me ya yaꞌbeyat. Lea te tut ya akꞌane, jich me ya ata ta leel. Kꞌopojan ta tiꞌpuerta, jich me ya sjeꞌbeyat te Diose.

San Juan 14:13

Y spisil te tut ya akꞌanik ta jbiile, ya me kaꞌbeyex. Yuꞌun jich me ya xchiknaj slekilal a te Dios Tatil ta skuenta te Nichꞌanile.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Juan 16:23

“Te tut kꞌaalil ya xkꞌot ta pasele, ma me ayuk tut ya ajojkꞌobikonix a. Jamal ya kalbeyex spisil te tut ya akꞌambey te Tatil ta joꞌon jkuentae ya me yaꞌbeyex.

San Juan 8:31

Te Jesuse la yaltalanbe te juriyoetike te xchꞌuunejikixe: —Te jaꞌexe teme jun awoꞌtanik yuꞌun te jkꞌope, batsꞌi jich te jnopojelex kuꞌun abi.

San Juan 8:37

Jnaꞌoj te jaꞌexe jaꞌ stsꞌumbalex te jꞌAbrahame. Pero ya akꞌan ya amilikon, porke ma xꞌachꞌuunik te jkꞌope.

Gálatas 4:2

Ay genteetik te skanantayeje y ya xchapbe te tutik ya skꞌan chapele jaꞌ to teme la sta stiempoil yaloj jilel te state.

Gálatas 5:16

Yuꞌun ya kalbeyex xan: Ja me xꞌaleik te tutꞌil ya skꞌan te Espiritue, y ma me jaꞌuk xꞌaleik te jun awoꞌtanik te tut ma tsaꞌamuk ya skꞌan atiꞌbalulike.

Colosenses 3:16

Siluk tiempo ayuk ta awoꞌtanik te skꞌoplal te Cristoe. Sok spꞌijil awoꞌtanik tsitsa abaik y aꞌbeya abaik spuersa awoꞌtanik ta juju-tul. Sok awoꞌtanik kꞌayojinaik te Diose ta salmoetik sok kꞌayojetik sok yanetik kꞌayoj ta skuenta Espíritu.

1 Juan 2:14

La jtsꞌibabeyex ta akuentaik, meꞌil-tatiletik, porke la anaꞌbeyikix sba te Machꞌa ayix a desde ta slijkibale. La jtsibabeyex euk te jaꞌexe, biktal kermetik, porke ay yip awoꞌtanik y la achꞌuunikix te skꞌop Dios ta awoꞌtanike, sok la atsalikix te pukuje.

1 Juan 2:27

Pero te jaꞌexe awikꞌojik te Chꞌul Espiritue te jaꞌ yakꞌojbeyex te Jesucristoe, y ma puersauk te ay machꞌa ya snopesexe. Porke jaꞌ mismo te Espíritu te ya snojpesex ta spisil te tutik aye. Y te ya snojpeswane, batsꞌi jich y ma lotuk. Jun nax me xꞌanex sok te Cristo ta jmel nax, jich tutꞌil la snojpesex te Espiritue.

1 Juan 3:22

Sok jich me ya yaꞌbotik spisil te tut ya jkꞌanbetike, porke jchꞌuunejbetik te mantaliletik yuꞌune y ya jpastik te tut lek ya yile.

1 Juan 5:14

Jun koꞌtantik ta stojol te Diose, porke jnaꞌojtik teme ay tut ya jkꞌanbetik jich tutꞌil te ya skꞌan yoꞌtane, ya yaꞌibotik.