San Juan 15:6 - Nuevo Testamento Tzeltal de Amatenango

⁶ Te machꞌa ma jmeluk nax ya yakꞌ sba ta jtojole, ya me xchꞌojot lokꞌel ta jwera jich tutꞌil te skꞌab-kꞌab te ubae. Ya me xtakej te skꞌab-kꞌabe, y ya stsobot y ya yichꞌ chikꞌel ta kꞌajkꞌ.

Bible in Tzeltal Bachajón

⁶ Te mach'a ma ba jc'axel ya yac' sba ta jtojol, hich c'ohem te bin ut'il sc'ab te ya yich' ch'ayel loq'uel soc ya xtaquij; ya yich' tsobel ochel ta c'ahc', ya xlaj ta c'ahq'uel.

Bible in Tzeltal de Oxchuc y Tenejapa

⁶ Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

San Juan 15:6 Iomraidhean Croise

San Mateo 13:41

Te Nichꞌanile ya me stikon te chꞌul angeletik yuꞌune, ya xtal stsobik lokel ta balmilal te machꞌatik ya syaleswanik ta mulile sok te machꞌatik ma tsaꞌamuk yatꞌelike.

San Mateo 27:5

Jich te Judase la xchꞌoj jilel ta templo te takꞌine y ba sjojkꞌan sba ta teꞌ y teꞌ cham a.

San Mateo 3:10

Pajalex sok te teꞌetik te chapalix yechejul te ya yichꞌ tsꞌetel kꞌalal ta yisim.

San Mateo 7:19

Spisil te teꞌ te ma tsaꞌamuk site, ya yichꞌ tsꞌetel y ya yichꞌ chikꞌel ta kꞌakꞌ.

San Juan 15:2

Ya slokꞌes spisil te skꞌab yakꞌil te ma xyakꞌ site. Te skꞌab yakꞌil te ya yakꞌ site ya septalan y ya sjojchotes yuꞌun ya sitin lek a.

Hebreos 10:27

Jaꞌ xanix ya jmalitik te kastigo te xiꞌeltik sba, te tut ora ay ichꞌel ta kꞌope, y sok te kꞌajkꞌ ya xtil te ya slajin te machꞌatik skontrainejik te Diose.

2 Pedro 2:20

Yuꞌun te machꞌatik la snaꞌbeyix sba te Kajwaltik Jesucristo te jKoltawanej kuꞌuntike, y kolikix tal lokꞌel te ba ay te tut ma lekuk ta skuenta te balmilale, y teme la yakꞌ sbaik xan ta tsalel yuꞌun te tutik a jilix yuꞌun te nail toe, y teme ya stsalot xan yuꞌune, mas pewor ya sujt ke te nail toe.

1 Juan 2:19

Te stukelike lokꞌik tal ta koliltik. Pero yuꞌun nanix ma joytikuk a. Te yuꞌunuk joytikuke, maꞌ lokꞌ bael ta koliltik te jichuke. Pero jicha kꞌot ta pasel yuꞌun te ya xchiknaj ta jamal a te ma joy jbajtikuke.

Apocalipsis 20:15

Y teꞌ chꞌojtalanot ochel a te machꞌatik ma tsꞌibalanbiluk sbiilik te ba libro yuꞌun kuxlejale.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.