San Juan 15:5 - Nuevo Testamento Tzeltal de Amatenango

⁵ “Te joꞌone jaꞌ smukꞌul yakꞌilon; yan te jaꞌexe jaꞌ jkꞌab-kꞌabex. Te machꞌa jmel nax ya yakꞌ sba ta jtojole y te joꞌone jun nax ayon sok, jich me ya sitin ta lek. Ni maꞌyuk tut xjuꞌ awuꞌunik teme parte ya awakꞌ abaike.

Bible in Tzeltal Bachajón

⁵ Ho'on te sch'oxalon ts'usub, ha'ex te sc'abex; te mach'a jc'axel ya yac' sba ta jtojol soc te ho'on jc'axel ya cac' jba ta stojol, ya me yac' bayel sit, yan teme parte yac awac' abahic, mayuc bin ya xhu' awu'unic spasel.

Bible in Tzeltal de Oxchuc y Tenejapa

⁵ “Jo'on mero smuc'ul yac'ulon. Te ja'exe sc'abc'abex. Te mach'a jc'axel ainem ta jtojole soc teme ainemon ta stojole, jich me ya yac' sit ta lec stuquel. Xujt' ma'yuc bi ya xju' awu'unic spasel teme q'uejel ya awac' abaique.

San Juan 15:5 Iomraidhean Croise

San Mateo 13:21

Pero komo ma bayaluk ismajem ta yoꞌtanik te skꞌop Diose, jich ma xjalajik. Jaꞌ yuꞌun teme ya xkꞌax swokolik o teme ya xtal ilbajinel ta skꞌaj te skꞌop Diose, ora ya xchꞌay te xchꞌuuunel yoꞌtanik yuꞌun.

San Juan 12:24

Jamal ya kalbeyex, teme ay pꞌejuk sbakꞌ triwu teme makꞌ xtꞌuxaj koel sok makꞌ xkꞌaꞌ ta lume, sigue yal jpꞌej. Pero teme kꞌaꞌe, bayal ya yakꞌ sit.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Juan 5:19

Te Jesuse la yaltalanbe: —Jamal ya kalbeyex: Maꞌyuk tut ya xjuꞌ yuꞌun spasel ta stukel nax te Nichꞌanile. Jaꞌ ya spas te tut ya yil ya spas te Tatile. Spisil te tut ya spas te Tatile, jich ya spas euk te Nichꞌanile.

San Juan 9:33

Te jichuk ma talemuk ta stojol Dios te winike, ma tut xjuꞌ yuꞌun spasel —xchi.

Hechos 4:12

Maꞌyuk yan machꞌa ay kolel ta skuenta, porke maꞌyuk yan machꞌa ya xkolotik yuꞌun. Maꞌyuk yan biilil ta balumilal te ya xjuꞌ xkolotik yuꞌune —xchi te jPedroe.

Romanos 12:5

Jich euk te joꞌotike. Aunke ben bayalotik, jun nax ayotik ta skuenta te Cristoe, y jich jun nax ayotik ta jpisiltik ta juju-tul, jich mismo tutꞌil te jtiꞌbalultike.

Romanos 6:22

Pero te ora to, kolemexix ta mosoinel yuꞌun te mulile; ochemexix ta tuuntesel yuꞌun te Diose. Jaꞌto ay tut lek ya ataik a, yuꞌun jaꞌ ya xlokꞌ awuꞌunik a te jun kuxlejal te lek ta stojol Diose, sok ta último ya ataik kuxlejal sbajtel kꞌinal.

Romanos 7:4

Jich euk te jaꞌexe, kermanotak, ta skuenta te tutꞌil a cham te Cristoe, jich chamen a kꞌoex sok ekꞌa te mantaliletike, yuꞌun ayex ta skuenta jtul xan. Te ora to jaꞌix yuꞌunex te Cristoe te chaꞌkuxem tal te ba ay te animaetike. Jaꞌ sluwaril, te jkuxlejaltik ya xtuun ta stojol Dios.

1 Corintios 10:16

Te kꞌalal ya kuchꞌtik te tut ay ta chꞌul baso te ya kalbetik kola yal a te Diose, jich ya kakꞌtik ta ilel te tutꞌil jun nax kꞌoemotik sok Cristo ta skuenta te xchꞌichꞌele. Te kꞌalal ya jweꞌtik te waj te ya xatꞌ jbajtik aye, jich ya kakꞌtik ta ilel te tutꞌil jun nax kꞌoemotik sok Cristo ta skuenta te stiꞌbalule.

1 Corintios 12:12

Te Cristoe jich ay tutꞌil te jtiꞌbalultike. Aunke ben bayal tut lokꞌem a, pero jun nax ay.

1 Corintios 12:27

Te jaꞌexe stiꞌbalul Cristo kꞌoemex, y ta juju-tulex ja yok-skꞌab kꞌoemex.

2 Corintios 13:8

Porke ma spas ya jkontraintik chꞌinuk te tut batsꞌi jiche. Yuꞌun jaꞌ nax ya skꞌan ya jpastik te tut batsꞌi jiche.

2 Corintios 9:10

Dios ya yaꞌbe stsꞌunub te machꞌa ya stsꞌunbaje y sok te tut ya sweꞌe. Jich ya yaꞌbeyex te jaꞌexe spisil te tut ya akꞌanik yuꞌun te ya atsꞌunike, y ya spꞌolesbeyex ta mas, yuꞌun jich me ya xjuꞌ awuꞌunik spasel a te bayal lekil aꞌteliletike.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Efesios 5:9

Yuꞌun te sakil kꞌinale jaꞌ ya yakꞌ xlokꞌ spisil te ay slekil-oꞌtanile sok tut stojil aye sok te tut batsꞌi jiche.

Filipenses 1:11

Yuꞌun ta skuenta te Jesucristoe ya me xchiknaj te ben lek awꞌatelik ta jaꞌexe. Jich me ya xꞌakꞌot ta jkuenta te Diose, sok lek skꞌoplal ya xkꞌot awuꞌunike.

Filipenses 4:13

Ta spisil ya xjuꞌ kuꞌun ta skuenta Cristo te jaꞌ ya skoltayone.

Filipenses 4:17

Ma yuꞌunuk te jaꞌ nax te ya jkꞌan jmajtane. Te tut ya jkꞌane, jaꞌ te jaꞌex te lek ya xkꞌoex ta sit te Diose.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

Colosenses 1:6

Jaꞌ te kꞌop to te la awaꞌiyikixe, yipalix ta mukꞌubel y yipal ta sitinel ta bayuk ta spisil balmilal. Jaꞌ pajal sok te kꞌotix ta pasel ta akuentaik te kꞌalal la awaꞌiyik te ya xꞌalot te skꞌuxul yoꞌtan Dios, y la anaꞌikix te batsꞌi jich te skꞌuxul yoꞌtane.

Santiago 1:17

Spisil te tut lek y toje te ya yaꞌbelotike, jaꞌ ya xtal ta ajkꞌol. Jaꞌ ya yaꞌbotik te Diose, te la spas te tutik ya xtil ta chꞌulchane. Stalel ay te Diose y maꞌyuk tut ora ya yakꞌ te tut ma lekuke.

1 Pedro 2:4

Tijilajanik ta stojol te Kajwaltike yuꞌun jaꞌ kuxul ton stukel. Pꞌajot yuꞌun te genteetike, pero te Diose stsaoj stukel, jich tutꞌil ton te ben tulan skꞌoplale.

2 Pedro 3:18

Pero naꞌbeyaik sba lek te Kajwaltik Jesucristo te jKoltawanej kuꞌuntike. Y mukꞌubanik xan sok te slekil yoꞌtane. Ben tsaꞌam slekil stukel te ora to y sok ta sbajtel kꞌinal. Jichuk.