San Juan 15:22 - Nuevo Testamento Tzeltal de Amatenango

²² Te manchuk a tal jkꞌopone, maꞌyuk smulik te jichuke. Pero te ora to ma xjuꞌix te ya smak sbaik ta kꞌop sok te smulike.

Bible in Tzeltal Bachajón

²² Te manchuc talucon soc te manchuc la jc'oponic, mayuc smulic te hichuque; pero ta ora ini, ma xwehtix bin ya yalic yu'un te smulique.

Bible in Tzeltal de Oxchuc y Tenejapa

²² “Te manchuc talucone, soc te manchuc la jc'opone, ma'yuc smulic te jichuque. Ta ora to ma xju'ix te ya smac sbaic ta c'op yu'un te smulique.

San Juan 15:22 Iomraidhean Croise

San Lucas 12:46

Ja skꞌaalel a te makꞌ smaliye, sok te tut ora chꞌayem yoꞌtan ta smaliyel aye, ya xkꞌot te yajwale. Ya me yaꞌbe kastigo. Teꞌ me ya xbajt a te ba ya xbajt te machꞌatik te ma xchꞌuunejuk te Diose.

San Juan 12:48

Te machꞌa ya spꞌajone y teme ma xyakꞌ ta jkuenta te jkꞌope, ay me machꞌa te ya xꞌakꞌot bael ta chꞌayel yuꞌune: Te jkꞌop te la kalixe jaꞌ ya xꞌakꞌot bael ta chꞌayel yuꞌun ta slajibal kꞌaal.

San Juan 15:23

Te machꞌa ya spꞌajone, jaꞌ a spꞌajix euk te jTate.

San Juan 15:24

Te manchuk la jpasbe yilik te aꞌtel te maꞌyuk machꞌa juꞌem yuꞌun spasel, maꞌyuk smulik te jichuke. Pero la yilikix te tuti jpase, y jaꞌ a spꞌajikon yuꞌun, sok la spꞌajik euk te jTate.

San Juan 16:9

Ya me yaꞌbe snaꞌ te smulike yuꞌun te ma skꞌan xchꞌuunikone.

San Juan 19:11

Jich te Jesuse la sjakꞌbe: —Maꞌyuk awaꞌtel kuꞌun te manchuk yakꞌojbeyat awaꞌtel te Diose. Jaꞌ yuꞌun te machꞌa la yakꞌon entregale, jaꞌ mas ay smul stukel ke te jaꞌate —xchi.

San Juan 9:41

Te Jesuse la sjakꞌtalanbe: —Te chokukex te jaꞌexe, maꞌyuk amulik te jichuke. Pero ya awalik te ma chokukexe. Jaꞌ ma xchꞌay amulik yuꞌun —xchi te Jesuse.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

Romanos 1:20

Te tut ma chikanuk ta ilel yuꞌun te Diose ya to me xkꞌo chiknajuk. Ay ta naꞌbeyel sluwar ta skuenta te tut spasoj te Diose. Ta slijkibal to tal te balmilale klaro chikan ta ilel te jaꞌ stukel Dios te maꞌyuk slajibal te spodere. Jaꞌ yuꞌun te machꞌatik ma tsaꞌamuk yaꞌtelike ma xwejt tut ya yalikix a.

Romanos 2:1

Jaꞌ yuꞌun ma spas ya amak aba ta kꞌop, jaꞌat te ya awichꞌ jkuenta te yane, maꞌ awocheluk machꞌauk a. Teme ya awichꞌ jkuenta te yane, jaꞌat nax mismo ya awakꞌ aba ta chꞌayel. Porke tut yipalat ta yichꞌel ta jkuentae, jich mismo yipalat ta spasel euk.

Santiago 4:17

Te machꞌa ya snaꞌ spasel te tut leke y makꞌ ya spas, la sleix smul abi.

1 Pedro 2:16

Te tutꞌil libre ayexe, pasaik me te tut leke. Ma me yuꞌunuk jaꞌ libre ayex ta spasel te tut ma lekuke. Jachikukex me te tutꞌil yaj-aꞌtelex te Diose.