San Juan 15:2 - Nuevo Testamento Tzeltal de Amatenango

² Ya slokꞌes spisil te skꞌab yakꞌil te ma xyakꞌ site. Te skꞌab yakꞌil te ya yakꞌ site ya septalan y ya sjojchotes yuꞌun ya sitin lek a.

Bible in Tzeltal Bachajón

² Spisil sc'ab te ay ta jtojol te ma ba ya yac' sit, ya set' loq'uel; spisil te ya yac'ticlan sit, ya spasticlan ta lec scuenta yu'un c'ax to xan hich ya sitin a.

Bible in Tzeltal de Oxchuc y Tenejapa

² Spisil te sc'abc'ab te bay ma xyac' site, ya me sloq'ues. Spisil te banti ya yac' site, ya yutstes xan stuquel swenta yu'un ya yac' xan bayal sit ta lec a.

San Juan 15:2 Iomraidhean Croise

San Mateo 13:12

Jich te machꞌa ay tut ay yuꞌune, ya xꞌaꞌbot xan soy, jich me bayal tut ay yuꞌun ya xkꞌot. Yan te machꞌa maꞌyuk tut ay yuꞌune, ya xpojbot te tut ay yichꞌoj chꞌinuke.

San Mateo 13:33

Ay yan seña-kꞌop te la yal te Jesuse: —Te tutꞌil ya xkꞌot ta ajwalinel te Diose, ja pajal sok te levadurae te la skap sok oxpꞌis jarina te antse, jaꞌ to te sijtꞌ ta swolol te matsꞌe —xchi te Jesuse.

San Mateo 15:13

La yal te Jesuse: —Spisil te awaltsꞌunubil teme ma jaꞌuk la stsꞌun te jTat te ay ta chꞌulchane ya me xbulot lokꞌel.

San Mateo 21:19

La yil pejt ikux te ay ta tiꞌbee, tijilaj bael teꞌa. Pero maꞌyuk sit a stabe. Puru yaꞌnimal nax ay. Te Jesuse la yalbe te ikuxe: —Ni jaymel ya awakꞌ asit —la yut. Y tsꞌin a takej te ikuxe.

San Mateo 25:29

Jich te machꞌa ay tut yichꞌoje, ya me xꞌaꞌbot xan sjoy. Jich me lom bayal ya xkꞌot te tut yichꞌoje. Yan te machꞌa maꞌyuk tut ay yuꞌune, ya me xpojbot te tut ay yichꞌoj chꞌinuke.

San Mateo 3:10

Pajalex sok te teꞌetik te chapalix yechejul te ya yichꞌ tsꞌetel kꞌalal ta yisim.

San Mateo 3:12

Te machꞌa xtale yichꞌoj spala teꞌ ta skꞌab yuꞌun ya sajpꞌubey lokꞌel skꞌapalel te triwue. Patil ya me skꞌej ochel ta yawil te striwue. Yan te skꞌapalele ya me xchikꞌ ta kꞌakꞌ te ma xtupꞌ sbajtel kꞌinale —xchi te Juane.

San Mateo 7:19

Spisil te teꞌ te ma tsaꞌamuk site, ya yichꞌ tsꞌetel y ya yichꞌ chikꞌel ta kꞌakꞌ.

San Marcos 4:20

Pero ay yanetik ya yaꞌiyik te skꞌop Diose y ya xchꞌuunik sok ya yakꞌ lek sit, jich kꞌoem tutꞌil te tsꞌunubil te kꞌot ta lekil lume. Ay machꞌa jich a kꞌot tutꞌil mitsꞌojel te ya yakꞌ treinta ta pꞌej jun tsꞌunubil, te yane ya yakꞌ sesenta, y te yane ya yakꞌ sien ta pꞌej —xchi te Jesuse.

San Lucas 8:13

Te tsꞌunubil te kꞌot ta ba tontikile jaꞌ skꞌoplal te machꞌatik ben jun yoꞌtanik ya xchꞌuunik te skꞌop Diose, pero ma sꞌismaj ta yoꞌtanik. Yal cheꞌoxeꞌ kaal ya xchꞌuunik, te kꞌalal ya xtal ta stojolik te prewae, ora ya xchebaj yoꞌtanik yuꞌun.

San Juan 15:1

Te Jesuse lijk yal xan: —Joꞌon te smukꞌul yakꞌilon te ubae; y te jTate jaꞌ ya xchap y ya skanantay.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Juan 15:3

Te jꞌaexe pokbilexix yuꞌun te jkꞌop te la kalbeyexe.

San Juan 15:6

Te machꞌa ma jmeluk nax ya yakꞌ sba ta jtojole, ya me xchꞌojot lokꞌel ta jwera jich tutꞌil te skꞌab-kꞌab te ubae. Ya me xtakej te skꞌab-kꞌabe, y ya stsobot y ya yichꞌ chikꞌel ta kꞌajkꞌ.

San Juan 15:8

Te jTate jich me ya xꞌakꞌot ta jkuenta a te kꞌalal bayal ya sitinexe. Jich me batsꞌi jnopojel ya xkꞌoex kuꞌun.

San Juan 17:12

Te kꞌalal joy jba sok to ta balmilal ae, la jkanantay y la jkoltay ta skuenta apoder te machꞌatik la awaꞌbone. Ni jtuluk a chꞌay kuꞌun. Jaꞌ nax a chꞌay stukel te machꞌa skꞌoplal ya xchꞌaye, yuꞌun jich me ya xkꞌot ta pasel te tut tsꞌibabil jilele.

Romanos 11:17

Ay jich tutꞌil batsꞌi skꞌab-kꞌab olivo teꞌ chaꞌoxtul te juriyoetik, te bojtalanot lokꞌele. Te jachikat tutꞌil jun skꞌab olivo teꞌ te ma tsꞌunbiluke, teꞌ ba sluwar ta tsꞌumbal olivo teꞌ la awich tsꞌakel te jaꞌate. Jich jun xanix a kꞌoat sok te yisime y mismo yutsilal a kꞌoat sok te tsꞌunbil olivo teꞌe.

Romanos 11:22

Aꞌiya awaꞌiyik. Yuꞌun ben lek te Diose, pero tulan ya yakꞌ skastigo euk. Jich a yaꞌbeyix kastigo te machꞌatik a yalik ta mulile. Yan te jaꞌexe ayix slekil yoꞌtan ta atojolik. Pero puersa ya skꞌan xkuxuyinex sok sil tiempo te tutꞌil ay te slekil yoꞌtane. Yuꞌun teme ma jichuk ya apasike, jich me ya awichꞌik bojel lokꞌel euk.

Romanos 8:28

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

1 Corintios 13:1

Teme jich ya xkꞌopojon te tutꞌ ya xkꞌopoj winketike o jich tutꞌ ya xkꞌopoj te chꞌul angeletike, pero teme maꞌyuk xkꞌuxul koꞌtane, jich nax kꞌoemon tutꞌil te stsꞌintsꞌun nax te takꞌine sok te chꞌininet nax te platilloe.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 12:15

Oꞌtaninaik te ma me machꞌa ma staik te lekilal yuꞌun te Diose. Ma me ayuk machꞌa jich kꞌoem te tutꞌil jwol wamal te ay yisim te ma lekuk te ya yixlan te gentee.

1 Juan 2:19

Te stukelike lokꞌik tal ta koliltik. Pero yuꞌun nanix ma joytikuk a. Te yuꞌunuk joytikuke, maꞌ lokꞌ bael ta koliltik te jichuke. Pero jicha kꞌot ta pasel yuꞌun te ya xchiknaj ta jamal a te ma joy jbajtikuke.

Apocalipsis 3:19

“Joꞌon ya jkom y ya jtsits ta spisil te machꞌatik kꞌux ta koꞌtane. Jaꞌ yuꞌun akꞌaik me puersa y sujtesa awoꞌtan ta stojol Dios.