San Juan 14:3 - Nuevo Testamento Tzeltal de Amatenango

³ Y ta patil teme boone, y teme chajpay te jun luware, ya me xchꞌatalon xan yuꞌun ya xtal kikꞌex bael. Jich te jaꞌexe teꞌ me ya xkꞌoex a te ba ya xkꞌoon te joꞌone.

Bible in Tzeltal Bachajón

³ Teme bohon soc teme chahpaj awawilic cu'une, ya xcha'talon xan, ya xtal quiq'uex bahel scuenta yu'un te banti ayon ha nix hich tey ya x'ayinex a.

Bible in Tzeltal de Oxchuc y Tenejapa

³ Teme boone soc teme chajbaj awawilic cu'une, ya xcha'talon xan. Ya xtal quiq'uex bael tey a te banti ya xc'oone, tey me ya xc'oex a te ja'exe.

San Juan 14:3 Iomraidhean Croise

San Juan 12:26

Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

San Juan 14:28

La me awaꞌiyikix te ya xboone y te ya xchaꞌtal joyinex xane. Teme batsꞌi jich te kꞌuxon ta awoꞌtanike, butsꞌanix kꞌinal ya awaꞌiyik te jichuke, porke la kalix te ya xboon te ba ay te jTate yuꞌun jaꞌ mas mukꞌ stukel ke te joꞌone.

San Juan 14:4

Te jaꞌexe ya anaꞌik te ba ya xboone y ya anaꞌik te bee —xchi te Jesuse.

San Juan 17:24

“JTat, jaꞌat la awaꞌbon te machꞌatik xchꞌuunejonixe, y ya jkꞌan te yauk sjoyinon te ba ya xkꞌoone. Yuꞌun ya me yilik te jlekilal te awakꞌojbone, porke ben kꞌuxon ta awoꞌtan te kꞌalal ma to xchiknaj a te balmilale.

Hechos 1:11

Altalanbot yuꞌun: —Galileo winketik, ¿tuꞌun te sigue ya akꞌeluyik moel te chꞌulchane? Jaꞌ mismo te Jesus te anin ta awolilike te ikꞌotix moel ta chꞌulchane, jich me ya xchaꞌtal xan te tutꞌil la awilik a bajt ta chꞌulchane —xchiik te winketike.

Romanos 8:17

Y te tutꞌil yal-xnichꞌanotikix te Diose, jich ayix jpartetik te jmajtantik te Dios yaloj jilel te ya yaꞌbotike. Pajal ya kichꞌtik sok Cristo, teme jich ya xkꞌax jwokoltik soke, yuꞌun ta patil jun ayotik sok ta lekilal.

Filipenses 1:23

Yuꞌun ma jnaꞌ te ba ay te mas lek ta xchaꞌkajale. Koꞌtanuk te ya jkꞌan xchamonixe, yuꞌun jich ya xba joyinix a te Cristoe, yuꞌun jaꞌ mas lek ya kaꞌiy te jichuk ya xkꞌote.

2 Tesalonicenses 1:12

Jich ta akuentaik te jaꞌexe te ya xꞌakꞌot ta jkuenta te Kajwaltik Jesucristoe. Y jich me lek akꞌoplalik yuꞌun euk ta skuenta te slekil yoꞌtan te Dios kuꞌuntike y sok te Kajwaltik Jesucristoe.

2 Timoteo 2:12

Teme kꞌax jwokoltike, ya me joyintik te ba ay ta ajwalinele. Teme la jmuk ta koꞌtantike, jich ya smukotik ta yoꞌtan ekꞌa.

Hebreos 9:28

jich euk jun nax buelta la yakꞌ sbaix ta milbil smajtan Dios yuꞌun ta xchꞌaybeyel smul bayal genteetik. Patil ya xchiknaj tal ta xchaꞌmelal. Ma yuꞌunuk ya xtal xan ta xchꞌayel mulil, sino ke yuꞌun ya skoltay te machꞌatik ayik ta smaliyele.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.