San Juan 14:2 - Nuevo Testamento Tzeltal de Amatenango

² Te ba sna te jTate ay bayal luwar te ba ya xꞌanexe. Te jichuk ma jichuke, makꞌ ya kalbeyex te ya xba jchap jun luwar awuꞌunike.

Bible in Tzeltal Bachajón

² Ta banti sna te Jtate ay bayel ta jtsahl banti ya xnahinex; te yu'unuc ma hichuc aye, la jcalbeyex te hichuque. Ha yu'un ya xbaht jchahpambeyex awawilic tey a.

Bible in Tzeltal de Oxchuc y Tenejapa

² Ta sna te Jtate, ay bayal ta jtsal ta bay ya x'ainexe. Te manchuc jichuque, ma ba la calbeyex te jichuque. Ya xba jchajbanbeyex awawilic tey a.

San Juan 14:2 Iomraidhean Croise

San Lucas 14:22

“Patil sujt tal te jmantale, jich a yal: “Kajwal, la jpasix te tut la awalbon baele, pero ay to jochol te naktajibale”, xchi.

San Juan 13:33

Jchꞌin kuntikil, ma jalukix kꞌaal te joyinejexe. Te jaꞌexe ya aleikon, pero jich mismo te la kalbe te juriyoetike, ora to jich ya kalbeyex euk: Ma spas ya xbaex te ba ya xboone.

San Juan 13:36

Te Simon Pedroe la sjojkꞌobe te Jesuse: —Kajwal, ¿ba ya xbaat? —xyut. La sjakꞌ te Jesuse: —Te ba ya xboone, te ora to ma spas ya atsꞌakliyikon bael. Pero ta patil ya me atsꞌakliyikon bael —xchi.

San Juan 14:28

La me awaꞌiyikix te ya xboone y te ya xchaꞌtal joyinex xane. Teme batsꞌi jich te kꞌuxon ta awoꞌtanike, butsꞌanix kꞌinal ya awaꞌiyik te jichuke, porke la kalix te ya xboon te ba ay te jTate yuꞌun jaꞌ mas mukꞌ stukel ke te joꞌone.

San Juan 16:4

La kalbeyex awaꞌiyik to yuꞌun jich me ya anaꞌik a te kꞌalal ya xkꞌot yorail te tut kalojbeyexix ae. “Ma kalbeyex ta primero porke joyinejex to a.

San Juan 17:24

“JTat, jaꞌat la awaꞌbon te machꞌatik xchꞌuunejonixe, y ya jkꞌan te yauk sjoyinon te ba ya xkꞌoone. Yuꞌun ya me yilik te jlekilal te awakꞌojbone, porke ben kꞌuxon ta awoꞌtan te kꞌalal ma to xchiknaj a te balmilale.

Hechos 9:16

Joꞌon me ya kaꞌbe snaꞌ spisil te tutik swokolil ya sta ta jkuentae —xchi.

2 Corintios 5:1

Te tiꞌbalultik jachik tutꞌil jun naul-pakꞌ te ma xjalaje. Pero jnaꞌojtik teme ya xlaj te naul-pakꞌ to, Dios spasojbotik ta chꞌulchan jun na skuenta sbajtel kꞌinal te ma jaꞌuk pasbil ta skꞌab genteetike.

1 Tesalonicenses 5:9

Porke te Diose ma jaꞌuk ya yakꞌotik te ya kichꞌtik kastigoe. Jaꞌ ya yakꞌ te ya xkꞌo jtaik te kolel ta skuenta te Kajwaltik Jesucristoe.

Tito 1:2

te jaꞌ ya jmalitik yuꞌun te kuxlejal sbajtel kꞌinale. Ma to xchiknaj a te balmilale, te Dios, te makꞌ xloꞌlawane, la yal tutꞌil ay te kuxlejal to.

Hebreos 11:10

Porke te jꞌAbrahame la smaliy te ya xba slumalin te mukꞌul jtejklum te tulan ay yiptajibe, te jaꞌ la xchap te Diose y stukel a spas.

Hebreos 13:14

Yuꞌun te liꞌ ba balmilal to maꞌyuk jlumaltik te jmel nax ay ta sbajtel kꞌinale, sino ke konikik ta sleel te mukꞌul jtejklum ta patile.

Hebreos 6:20

te ba och bael Jesus yuꞌun ya sjambotik a te bee. Jicha kꞌot stukel tutꞌil statal saserdote yuꞌun sbajtel kꞌinale, jich tutꞌil te jtijkꞌ saserdote ay sok te jMelquisedeke.

Hebreos 9:8

Jaꞌ to jaꞌ ya yaꞌbotik jnaꞌtik te Chꞌul Espiritue te tutꞌil ma to jamaluk sbeelel te Batsꞌi Chꞌul Luwar te jayeb kꞌaal te yipal to ta stuuntesel ta spasel te tut skuenta Dios te ba primero jkꞌaele.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 21:2

La kil chꞌul mukꞌul jtejklum, jaꞌ te achꞌ Jerusalene, te yipal tal ta koel ta chꞌulchan ta stojol te Diose. Lek chapal jachik tutꞌil achꞌix te ya xnujpune.

Apocalipsis 3:12

“Te machꞌatik ya xjuꞌ yuꞌunik tsalawe ya me kakꞌtalan ta yiptajib te ba templo yuꞌun te Dios kuꞌune. Y ni maꞌyuk tut ora te ya xlokꞌik xan teꞌa. Y ya me jtsꞌibabey ta stojolik te sbiil te Dios kuꞌune y sok te sbiil te mukꞌul jtejklum yuꞌun te Diose kuꞌune. Jaꞌ te achꞌ Jerusalen te ya xkoj tal ta chꞌulchan ta ba ay te Dios kuꞌune. Y jich me ya jtsꞌibabey ta stojolik te yachꞌil jbiile.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.