San Juan 13:24 - Nuevo Testamento Tzeltal de Amatenango

²⁴ y te Simon Pedroe la yaꞌbe yil ta xchꞌin seña ta sjojkꞌoyel machꞌa skꞌoplal te la yale.

Bible in Tzeltal Bachajón

²⁴ A'bot yil sc'ab yu'un te Simón Pedro te yacuc sjoc'obe te Jesús mach'a a te hich la yalbe sc'oblale.

Bible in Tzeltal de Oxchuc y Tenejapa

²⁴ Te Simón Pedro la yac'bey ch'in seña yil ta sc'ab te yacuc sjojc'obey te mach'a sc'oplal la yalbeye.

San Juan 13:24 Iomraidhean Croise

San Lucas 1:22

Kꞌalal lokꞌ tal tsꞌin te Zacariase, ma lokꞌix skꞌop ta skꞌoponel a te jtejklume. Jich a snaꞌbeyik sluwar te yuꞌun ay tuti yil ta yutil te temploe. La xanix xbechulan skꞌab ta seña ya yil te jtejklume, jich a spasulan yuꞌun ma xlokꞌix skꞌop a.

San Lucas 5:7

Jich a xbechkꞌabta tal te sjoꞌtak te aylan ta yan barkoe te yauk xta koltayek yuꞌune. Jicha laj talik y noj xchebal te barkoetik yuꞌun te chaye. Kꞌan mulek ta jaꞌ yuꞌun te yalale.

San Juan 13:23

Ay jtul te jnopojeletike te bayal skꞌanoj ta yoꞌtan te Jesuse te lotol ta weꞌel soke,

San Juan 13:25

Jich te machꞌa ben lek yil sba sok te Jesuse tijilaj bael ta sjojkꞌoyel: —Kajwal, ¿machꞌa wan a? —xchi.

Hechos 12:17

Pero te jPedroe la yaꞌbe seña ta skꞌab te yauk xchꞌenlinike, y la yaltalanbe te tutꞌil a lokꞌesot tal ta prexo yuꞌun te Kajwaltike. Sok la yalbe xan: —Albeyaik te Jacobo y sok te hermanoetike te tuti kꞌot ta pasele —xchi. Te nax a lokꞌ bael y bajt ta yan luwar.

Hechos 13:16

Jich te jPabloe la stejkꞌan sba jajchel, la xbech-kꞌabtay te yauk xkomik ta kꞌope, y la yal: —Jaꞌex israeletik y sok jaꞌex jyanlumetik te axiꞌojik te Diose, aꞌibeyaik awaꞌi sluwar te tut ya kalbeyexe:

Hechos 21:40

Te statal soltaroe la yaꞌbe permiso, y te jPabloe la stejkꞌan sba te ba kajomtik moibale. La xbech-kꞌabtay ta skomel te gentee. Te kꞌalal chꞌabajik ta kꞌope, la skꞌoponlan ta hebreo-kꞌop. Jich a yal: