San Juan 12:23 - Nuevo Testamento Tzeltal de Amatenango

²³ Te Jesuse jich a yaltalanbe: —Kꞌotix yorail te ya xꞌakꞌot ta ilel slekilal te Nichꞌanile.

Bible in Tzeltal Bachajón

²³ La yal te Jesús: La stahix yorahil te ya x'ac'otix ta ich'el ta muc' te Nich'anil ay ta scuenta winic.

Bible in Tzeltal de Oxchuc y Tenejapa

²³ Te Jesús la yalbey yaiyic: —C'otix yorail te ya x'ac'ot ta ilel yutsilal te Nich'anile.

San Juan 12:23 Iomraidhean Croise

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

San Mateo 26:45

Sujt xan tal te ba ay te jnopojeletik yuꞌune. Jich a yaltalanbe: —¿Meꞌn ya to xwayex, sok ya to kux awoꞌtanik? Kꞌotix yorail te ya xꞌakꞌot entregal ta skꞌab te jmulawiletike te Nichꞌanile.

San Marcos 14:35

Been xan bael chꞌinuk te Jesuse. La skejan sba ta lum ta skꞌoponel Dios. La skꞌanbe Dios te yakuk xjuꞌ te mak xkꞌax swokole.

San Marcos 14:41

Te Jesuse kꞌot xan ta yoxebal buelta. Jich la yaltalanbe: —¿Me wayalex to sok ya to wan akux awoꞌtanik? Teyix a te wayele, kꞌotix yorail te ya xꞌakꞌot ta kꞌabal yuꞌun te jmulawiletike te Nichꞌanile.

San Juan 12:16

Te jnopojeletik yuꞌune ta slijkibal nax maꞌ snaꞌbeyik sluwar te tutiꞌ yilik xkꞌot ta pasele. Pero ta patil te kꞌalal akꞌotix ta ilel slekilal a te Jesuse, tal ta yoꞌtanik te spisil te tuti kꞌot ta pasele, jaꞌ te tut tsꞌibabil jilel ta stojole.

San Juan 12:27

“Te ora to bayal ayon ta ajtal-oꞌtan. ¿Y tut ya kal? ¿Me ya wan kal: “jTat, koltayaon yuꞌun te wokol to”, me xchon wan? Pero puersa jaꞌ talemon yuꞌun.

San Juan 13:1

Pajel xanix ya xlijk a te kꞌin Pascuae. Te Jesuse snaꞌoj te kꞌotix yorail te ya sjiles te balmilal to, yuꞌun ya sujt bael te ba sTate. Te Jesuse sil tiempo kꞌux a yaꞌiy ta yoꞌtan te machꞌatik ay yuꞌun ta balmilale, y jich lom kꞌux ta yoꞌtan jaꞌto te kꞌalal bajte.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.