San Juan 12:16 - Nuevo Testamento Tzeltal de Amatenango

¹⁶ Te jnopojeletik yuꞌune ta slijkibal nax maꞌ snaꞌbeyik sluwar te tutiꞌ yilik xkꞌot ta pasele. Pero ta patil te kꞌalal akꞌotix ta ilel slekilal a te Jesuse, tal ta yoꞌtanik te spisil te tuti kꞌot ta pasele, jaꞌ te tut tsꞌibabil jilel ta stojole.

Bible in Tzeltal Bachajón

¹⁶ Te jnopojeletic yu'un ma ba la sna'beyic scuentahil ta ora te bin c'oht ta pasel, pero te c'alal ac'ot ta ich'el ta muc' a te Jesús, la sna'ic te hich nix ts'ihbabil sc'oblal a soc te hich pasbot yu'unique.

Bible in Tzeltal de Oxchuc y Tenejapa

¹⁶ Ta xjajch'ibal te jnopojeletique ma ba la sna'beyic swentail te bila la yilic te c'ot ta pasele. Ja'uc me to, te c'alal ac'otix ta ilel yutsilal te Jesuse, jul ta yo'tanic te jich nix ts'ibubil jilel sc'oplale soc te jich nix c'ot ta pasel ta stojole.

San Juan 12:16 Iomraidhean Croise

San Marcos 16:19

Lajix yoꞌtan ta skꞌoponel a te jnopojeletik yuꞌune, te ikꞌot moel ta chꞌulchan te Kajwaltik Jesuse. Kꞌo nakajuk ta sbatsꞌil skꞌab te Diose.

San Marcos 9:32

Pero te jnopojeletike ma yaꞌiybeyik sluwaril te tutꞌi altalanbote, sok la xiꞌik ta sjokꞌobeyel xan tsꞌin.

San Lucas 18:34

Te jnopojeletik yuꞌune ni ma snaꞌbeyik sluwar te tuti yale, yuꞌun ma chikanuk a yaꞌibeyik sluwaril. Jich ma kꞌot ta yoꞌtanik.

San Lucas 24:25

Jicha altalanbot yuꞌun te Jesuse: —Wokol ya xkꞌot ta awoꞌtanik te jaꞌexe. ¿Tut to ora ya xchꞌuun awoꞌtanik spisil te tut yaloj jilel te jꞌalwanejetik yuꞌun te Diose?

San Lucas 24:45

Jich la yaꞌbey snaꞌ sluwar te tut tsꞌibabil jilel ta Sjun te Diose.

San Lucas 9:45

Pero te jnopojeletike ma kꞌot ta yoꞌtanik te tuti altalanbote, yuꞌun ma akꞌtalanbot snaꞌ yuꞌun te Diose, sok la xiꞌik te ya xba sjojkꞌobeyik xan te Jesuse.

San Juan 12:23

Te Jesuse jich a yaltalanbe: —Kꞌotix yorail te ya xꞌakꞌot ta ilel slekilal te Nichꞌanile.

San Juan 14:26

Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

San Juan 16:4

La kalbeyex awaꞌiyik to yuꞌun jich me ya anaꞌik a te kꞌalal ya xkꞌot yorail te tut kalojbeyexix ae. “Ma kalbeyex ta primero porke joyinejex to a.

San Juan 17:5

Te ora to, jTat, aꞌbon xan kichꞌ jlekilal ta atojol jich tutꞌil te pajal ay jlekilaltik te kꞌalal ma to xchiknaj a te balmilale.

San Juan 2:22

Jaꞌ yuꞌun te kꞌalal chaꞌkux tal te ba animaetike, te jnopojeletik yuꞌune la snaꞌik te jich yaloje. Jich a xchꞌuunik te tut tsꞌibabil ta Sjun te Diose sok te tuti yal te Jesuse.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

Hechos 2:36

Naꞌaik me te jaꞌexe jtejklum israel te tut batsꞌi jiche, te jaꞌ mismo ya kalbeyex skꞌoplal te Jesuse te la ajojkꞌanik ta kruse. Te Diose la yakꞌix ta ilel te jaꞌ te Cristoe sok te jaꞌ Kajwaltik stukele —xchi te jPedroe.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

Hebreos 8:1

Te tut mas tulan skꞌoplal te tut yipalotik ta yalele, jaꞌ te ay te statal saserdote kuꞌuntike te nakal ta chꞌulchan ta sbatsꞌil te ba snaktijib te Diose.