San Juan 11:51 - Nuevo Testamento Tzeltal de Amatenango

⁵¹ Pero te jCaifase ma stukeluk a snop te tut la yale. Dios a albot ta yoꞌtan yuꞌun te jich a yale, yuꞌun statal saserdote a te jaꞌbil abi. Yuꞌun te Jesuse puersa ya xkꞌo chamuk yuꞌun te nasion juriyoe.

Bible in Tzeltal Bachajón

⁵¹ Ma stuquel-o'tanuc nax te hich la yal, pero como ha muc'ul sacerdote ta hich ora, la yal ta sc'op-jalwanej te ha ya xlaj ta scuenta te nación.

Bible in Tzeltal de Oxchuc y Tenejapa

⁵¹ Te bit'il jich la yal te Caifase, ma stuquel-o'tanuc nax. Dios te jich ac'bot yal yu'un ta scaj te ochem ta muc' sacerdoteil a te ja'wile. Jich la yalbey sc'oplal te puersa me ya sjelolin Jesús ta lajel te nacione.

San Juan 11:51 Iomraidhean Croise

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Juan 11:49

Pero ay jtul te ta spisilike te jCaifas sbiile, te jaꞌ statal saserdote a te jaꞌbil abi, la yaltalanbe: —Te jaꞌexe ni ma tut ya anaꞌik.

San Juan 18:13

Nail a yikꞌik bael ta sna te jꞌAnas te jaꞌ sniꞌal te jCaifase. Jaꞌ ay ta statal saserdoteil a te jCaifas te jaꞌbil abi.

1 Corintios 13:2

Y manchuk me ya xkꞌopojon ta yalel tut skuenta Dios, o ya jnaꞌ yaꞌiyel te tut mukul aye, o ya jnaꞌ spisil te tutik aye, y manchuk me puersa ay xchꞌuunel koꞌtan yuꞌun ya snik te witstikile, pero teme maꞌyuk xkꞌuxul koꞌtane, jowilon nax me abi.

2 Corintios 5:21

Te Cristoe maꞌyuk a sle smul stukel. Pero joꞌotik ta jkajtik, te Diose la yaꞌbe skuch te jmultike, yuꞌun jich ta skuenta Cristo ya xkolotik yuꞌun te jmultike.

Gálatas 3:13

Te Cristoe jaꞌ a yakꞌotik ta libre yuꞌun te kastigo yuꞌun te mantaliletike. Yuꞌun stukel a slajinbe jilel skꞌoplal te chꞌayel ya xbootike. Porke te Sjun Diose ya yal: “Chꞌayel ya xbajt spisil te machꞌa jokꞌol ya xcham ta teꞌe”, xchi me.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

1 Juan 2:2

Te Jesucristoe la yakꞌ sba ta smajtan Dios yuꞌun jich la spasbelotikix perdon yuꞌun te jmultike. Y ma joꞌukotik nax, sino ke ta spisil te machꞌatik ayik ta balmilal.