San Juan 11:44 - Nuevo Testamento Tzeltal de Amatenango

⁴⁴ Y te animae lokꞌ tal. Te yok-skꞌabe betsꞌbil ta pakꞌ sok te yelawe pixil ta chujkilal. Te Jesuse la yaltalanbe: —Polaik, y aꞌ bajtuk —xchi.

Bible in Tzeltal Bachajón

⁴⁴ Hich loc' talel te chamen winique, bech'ticlambil yoc sc'ab ta pac', soc potsol sit yelaw ta chuhquilal. Halbotic yu'un te Jesús: Polbeyahic te spohtsil pac', ac'ahic bahel, xchi.

Bible in Tzeltal de Oxchuc y Tenejapa

⁴⁴ Jich loc' tel te animae. Potsol loq'uel tel sc'ab yacan ta spojts'il, soc pixil loq'uel tel ta pac' te yelawe. Te Jesús la yal: —Polaic, ac'a bajt'uc —xi'.

San Juan 11:44 Iomraidhean Croise

San Marcos 5:43

Te Jesuse tulan a yal mantal te ma me machꞌa ya yalbeyik ni tuluk. Sok la yalbe te ya me yaꞌbeyik sweꞌel te achꞌixe.

San Lucas 19:20

“Tal xan te jtule, jich a yal euk: “Kajwal, liꞌ ay te takꞌin te la awaꞌbon jile. La jkꞌejbeyat, y la jpots ta chujkilal.

San Lucas 7:15

Jich te animae la snajkan sba, y lijk ta kꞌop. Te Jesuse la yaꞌbe entregal te smeꞌe.

San Juan 10:30

Te joꞌone sok te Tatile jun nax ayotik —xchi.

San Juan 11:39

Te Jesuse la yal: —Lokꞌesaik te tone —xchi. La yalbe te xMarta te xwix te animae: —Kajwal, tuix, porke ayix chane kꞌaal te chame —xchi.

San Juan 11:43

Ta patil te jich a yale, tulan a kꞌopoj: —¡Lazaro, lokꞌan tal teꞌa me to! —xyut.

San Juan 19:40

Jich te Josee sok te jNicodemoe la yichꞌbeyik bael stiꞌbalul te Jesuse. La xpixik bael ta sakil pakꞌ y la xpoxtabeyik ta mirra sok loe te ben bujtsꞌan yikꞌe. Jich ay te skostumbre juriyoetik te ya smuk sbaike.

San Juan 20:5

La skujan sba ta yilel, y la stabe ta ilel te xpixile, pero ma och bael.

San Juan 20:7

sok la yilbe euk te spojtsil sjol te Jesuse te ma junuk nax ay sok te xpixil stiꞌbalule. Parte balal jilel.

San Juan 5:21

Porke jich tutꞌil te Tatile ya xchaꞌkuses te animaetike y ya yaꞌbe xkuxlejal; jich euk te Nichꞌanile, ya yaꞌbe xkuxlejal te machꞌa ya skꞌan ya yaꞌbeye.

San Juan 5:25

Jamal ya kalbeyex, ya staix yorail, y yorailix te ora to te ya yaꞌibe sluwar te animaetik te skꞌop te xNichꞌan Diose. Y te machꞌa ya yaꞌiye, ya xkuxuyinik yuꞌun.

Filipenses 3:21

Ya me syanutesbotik bael te jtiꞌbalultik te maꞌyuk yipe, yuꞌun jich me ya xkꞌot te tutꞌil stiꞌbalul stukel te ben tsaꞌame. Y jich ya spas ta skuenta spoder te ya xjuꞌ yuꞌun spasel ta mantal spisil te tutik aye.

Apocalipsis 1:18

Jtalel kuxulon. Chamon, pero te ora to kuxulonix sbajtel kꞌinal. Joꞌon kichꞌojbe te syaweal te lajele y sok te yawil te ba ya stsobot te animaetike.