San Juan 10:4 - Nuevo Testamento Tzeltal de Amatenango

⁴ y te kꞌalal lokꞌemix bael spisil ae, ya xnalaj bael te jkanane. Te karneraetike ya stsꞌakliyik bael, yuꞌun ya snaꞌbeyik sba te skꞌope.

Bible in Tzeltal Bachajón

⁴ Te c'alal ya sloq'ues spisil te tuminchijetic yu'un, ha ya xnahilij bahel; soc ya xt'unot bahel yu'un te tuminchijetic como ya sna'beyic sc'op.

Bible in Tzeltal de Oxchuc y Tenejapa

⁴ Te c'alal loq'uemix ta corral spisil te chijetic yu'une, ya xneelaj bael yu'unic. Te chijetique ya sts'aclinic bael, melel ya sna'beyic sba te sc'ope.

San Juan 10:4 Iomraidhean Croise

San Mateo 16:24

Te Jesuse jich a yalbe te jnopojeletik yuꞌune: —Te machꞌa ya skꞌan yakꞌ sba ta jnopojel kuꞌune, aꞌ me skoltay sba ta yoꞌtan. Aꞌ me xkuch skrus kꞌoem. Aꞌ me stsꞌakliyon.

San Juan 10:16

Ay xan yan karneraetik kuꞌun te ma to jaꞌuk skoral to, y puersa me ya kikꞌ tal euk. Jich me ya yaꞌibikon te jkꞌope, y jun nax me ya xlaj kꞌot, y jtul nax me jkanan ya xkꞌot yuꞌunik.

San Juan 10:27

Te jkarnera ya snaꞌbonik sba te jkꞌope, y te joꞌone ya jnaꞌbe sba, y ya stsꞌakliyikon.

San Juan 10:3

Te jkanan-tiꞌ korale ya sjeꞌ te trankae, y te jkanane ya yikꞌ te juju-kojt te karnerae, ya sbiiltes, y ya xnaꞌbot sba skꞌop yuꞌun. Ya slokꞌes bael ta koral,

San Juan 10:5

Yan teme ma jaꞌuk te jkanane, ma skꞌan stsꞌakliyik bael. Ya xlokꞌik ta anel, yuꞌun ma snaꞌbeyik sba te skꞌope —xchi te Jesuse.

San Juan 10:8

Spisil te machꞌatik nail a laj tal kuꞌune jꞌelekꞌetik y sok jꞌilbajinwanejetik. Pero te karneraetike maꞌ yakꞌik ta jkuenta.

San Juan 12:26

Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

San Juan 13:15

Te joꞌone la kaꞌbeyex awilik jun ejemplo yuꞌun jich me ya apasik te tut la jpas la awilike.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

San Juan 3:29

Jich tutꞌil te jnupunele. Te machꞌa ya xnujpun sok te achꞌixe jaꞌix smamlal abi. Yan te yamigo te winik te teꞌey ae, jaꞌ ben kontento yuꞌun te ya yaꞌiybey skꞌop te machꞌa ya xnujpune. Jichon euk ora to ben jun koꞌtan ta stojol te Jesuse.

1 Corintios 11:1

Te jaꞌexe jaꞌ me xꞌanopik te tut ya kakꞌ awilike, jich tutꞌ joꞌon te jaꞌ jnopojbe tutꞌ ay te Cristoe.

Efesios 5:1

Jaꞌex te yal-xnichꞌanex Dios te lek skꞌanojexe, nopaik te tutꞌil ay stukele.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

Hebreos 6:20

te ba och bael Jesus yuꞌun ya sjambotik a te bee. Jicha kꞌot stukel tutꞌil statal saserdote yuꞌun sbajtel kꞌinale, jich tutꞌil te jtijkꞌ saserdote ay sok te jMelquisedeke.

1 Pedro 2:21

Yuꞌun jaꞌ la yikꞌex Dios yuꞌun te ya xkꞌax awokolike. Porke te kꞌalal Cristo kꞌax swokol ta akuentaik, la yaꞌbeyex awilik yuꞌun jich me ya atamik bael a.

1 Pedro 4:1

Jaꞌ yuꞌun, jachik tutꞌil kꞌax swokol ta stiꞌbalul te Cristoe, jich euk te jaꞌexe ya skꞌan te junuk awoꞌtanik te ya awilik wokole. Yuꞌun te machꞌa ya xkꞌax swokol ta stiꞌbalule, teꞌ chꞌayix jil a te smule.

1 Pedro 5:3

Ma me jachikukex te batsꞌi ajwalilex yuꞌun te machꞌatik ay ta akuentaik skanantayele, sino ke jaꞌex ya skꞌan ya awaꞌbeyik yilik te tut lek ta pasele.