San Juan 10:16 - Nuevo Testamento Tzeltal de Amatenango

¹⁶ Ay xan yan karneraetik kuꞌun te ma to jaꞌuk skoral to, y puersa me ya kikꞌ tal euk. Jich me ya yaꞌibikon te jkꞌope, y jun nax me ya xlaj kꞌot, y jtul nax me jkanan ya xkꞌot yuꞌunik.

Bible in Tzeltal Bachajón

¹⁶ Ay to yantic tuminchijetic cu'un te ma ba ochemic ta corral, ya sc'an te ha nix hich ya quic'ticlan tal; ya me ya'iybonic jc'op, ha jtsohb nax ya xc'ohtic soc jtuhl nax jcanan yu'unic.

Bible in Tzeltal de Oxchuc y Tenejapa

¹⁶ Ay yantic chijetic cu'un te ma to ochemuc ta bay in corral to. Puersa me ya quic' tel. Jich me ya yaiybonic stojol te jc'ope. Jich jtsojp nax chij ya xc'otic ta spisilic soc jtul nax jcanan-chij ya xc'ot yu'unic.

San Juan 10:16 Iomraidhean Croise

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Lucas 15:8

La yal xan te Jesuse: —Jaꞌ jich euk teme ay jtul ants te ay lajuneꞌ pesu stakꞌine, teme la xchꞌay junuk pesue, ¿tut xchi yuꞌun? ¿Me ma wan yauk stsun slampara sok me ma wan yauk smes lek te snae yuꞌun ya sle te stakꞌin chꞌayeme? Jaꞌ to xlaj yoꞌtan teme la stae.

San Juan 10:11

“Joꞌon te lekil jkananone. Te lekil jkanane ya yakꞌ sba ta milel yuꞌun te skarnerae.

San Juan 10:2

Pero te machꞌa ya xꞌoch ta tiꞌ korale, jaꞌ jkanan-karnera abi yuꞌun ya skanantay.

San Juan 10:27

Te jkarnera ya snaꞌbonik sba te jkꞌope, y te joꞌone ya jnaꞌbe sba, y ya stsꞌakliyikon.

San Juan 10:3

Te jkanan-tiꞌ korale ya sjeꞌ te trankae, y te jkanane ya yikꞌ te juju-kojt te karnerae, ya sbiiltes, y ya xnaꞌbot sba skꞌop yuꞌun. Ya slokꞌes bael ta koral,

San Juan 10:4

y te kꞌalal lokꞌemix bael spisil ae, ya xnalaj bael te jkanane. Te karneraetike ya stsꞌakliyik bael, yuꞌun ya snaꞌbeyik sba te skꞌope.

San Juan 10:5

Yan teme ma jaꞌuk te jkanane, ma skꞌan stsꞌakliyik bael. Ya xlokꞌik ta anel, yuꞌun ma snaꞌbeyik sba te skꞌope —xchi te Jesuse.

San Juan 11:52

Y ma jaꞌuk nax yuꞌun te juriyoetike, jaꞌ yuꞌun euk spisil te alnichꞌanetik yuꞌun Dios te chꞌayemik ta ya stsob ta jun naxe.

San Juan 17:20

“Ma jaꞌuk nax ya jkꞌambeyat pawor yuꞌun te machꞌatik xchꞌuunejonixe. Jaꞌ ya jkꞌambeyat pawor yuꞌun euk te machꞌatik patil ya xchꞌuunikon ta skuenta te tut ya yalik te machꞌatik xchꞌuunejonixe.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

Hechos 15:14

Te Simone la yalbotikix kaꞌitik te tutꞌil Dios a lijk snaꞌ ta nail to te ya stꞌuj lokꞌel ta yolilik euk te machꞌatik ma juriyouke te machꞌatik jtejklum yuꞌun ya xkꞌote.

Hechos 18:10

Porke joyinejat, y maꞌyuk machꞌa ya xjuꞌ yilbajinat. Yuꞌun ay bayal machꞌa ay kuꞌun liꞌ ba jtejklume —xꞌutot.

Hechos 22:14

Te nax a la yalbon xan: “Te Dios yuꞌun te jmeꞌ-jtatike, la stꞌujat yuꞌun ya yakꞌ anaꞌ te tut snopoj ta yoꞌtane, yuꞌun jich me ya awil te Machꞌa toj yoꞌtane y ya awaꞌibe skꞌop te ya xlok ta stie.

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.

2 Tesalonicenses 2:13

Pero te joꞌotike sil tiempo ya skꞌan kalbetik kola yal Dios ta akuentaik, kermanotak te ben kꞌuxex ta koꞌtan ta skuenta te Kajwaltike. Porke Dios a stsaex yuꞌun jich me nail ya kꞌo ataik te kolel ta skuenta te Espíritu ya slekutesexe, sok ta skuenta te tut batsꞌi jich te la achꞌuunikixe.

Hebreos 13:20

Te Dios yuꞌun butsꞌan kꞌinal la chaꞌkuxes tal te ba animaetik te Kajwaltik Jesuse, te stukel mukꞌul jkanan yuꞌun te karneraetike, ta skuenta xchꞌichꞌel te la xchap a te trate sbajtel kꞌinal aye.

1 Pedro 2:10

Te nail to te jaꞌexe ni ma jtejklumukex; pero te ora to jtejklumexix yuꞌun te Diose. Te nail to maꞌyuk machꞌa xpichꞌukex yoꞌtan; pero te ora to pichꞌexix yoꞌtan te Diose.

1 Pedro 2:25

Yuꞌun te jaꞌexe te nail to jachikex tutꞌil karneraetik te chꞌayemik ta bayuk nax aylane. Pero te ora to, chaꞌsujtexix tal ta stojol te Cristoe, te ya skꞌanantayex jachik tutꞌil jtul jkanan te ma xway te ya skanantay te akuxlejalike.

1 Pedro 5:4

Jich te kꞌalal ya xchiknaj te Statal jKanane, te jaꞌexe ya me awichꞌik te korona yuꞌun te lekilale, te jun korona te maꞌyuk tut ora ya xlaje.

Apocalipsis 3:20

Ila awil, joꞌon ayon ta kꞌop ta tiꞌ puerta. Teme ay machꞌa ya yaꞌibon te jkꞌope y ya sjeꞌ te tiꞌpuertae, ya xꞌochon ta sna y jun nax ya xweꞌon sok.