San Juan 10:11 - Nuevo Testamento Tzeltal de Amatenango

¹¹ “Joꞌon te lekil jkananone. Te lekil jkanane ya yakꞌ sba ta milel yuꞌun te skarnerae.

Bible in Tzeltal Bachajón

¹¹ Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

Bible in Tzeltal de Oxchuc y Tenejapa

¹¹ Jo'on te lequil jcanan-chijon. Te lequil jcanan-chije, ya yac' sba ta lajel yu'un te chijetique.

San Juan 10:11 Iomraidhean Croise

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Juan 10:2

Pero te machꞌa ya xꞌoch ta tiꞌ korale, jaꞌ jkanan-karnera abi yuꞌun ya skanantay.

San Juan 15:13

Maꞌyuk machꞌa mas mukꞌ slekil yoꞌtan ke te machꞌa ya yakꞌ sba ta milel yuꞌun te yamigotake.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 13:20

Te Dios yuꞌun butsꞌan kꞌinal la chaꞌkuxes tal te ba animaetik te Kajwaltik Jesuse, te stukel mukꞌul jkanan yuꞌun te karneraetike, ta skuenta xchꞌichꞌel te la xchap a te trate sbajtel kꞌinal aye.

1 Pedro 5:4

Jich te kꞌalal ya xchiknaj te Statal jKanane, te jaꞌexe ya me awichꞌik te korona yuꞌun te lekilale, te jun korona te maꞌyuk tut ora ya xlaje.

1 Juan 3:16

Jnaꞌojtik tut a te slekil-oꞌtanile, porke te Jesucristoe la yakꞌ xkuxlejal ta jkuentatik. Jich euk te joꞌotike, ya skꞌan ya kakꞌ jkuxlejaltik yuꞌun te kermanotaktike.

Apocalipsis 7:17

Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.