San Juan 1:34 - Nuevo Testamento Tzeltal de Amatenango

³⁴ Te joꞌon kilojix, y joꞌon testigoon yuꞌun te jaꞌ Xnichꞌan te Diose —xchi te Juane.

Bible in Tzeltal Bachajón

³⁴ Ho'on la jquil soc ya cal ta testigo te ha te Snich'an Dios, xchi te Juan.

Bible in Tzeltal de Oxchuc y Tenejapa

³⁴ Jich la quil te jo'one. Jo'on testigoon yu'un te ja' Snich'an Dios stuquele —xi' te Juane.

San Juan 1:34 Iomraidhean Croise

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Mateo 16:16

La sjakꞌ te Simon Pedroe: —Jaꞌat Cristoat te Xnichꞌanat te kuxul Diose —xchi.

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Mateo 26:63

Pero te Jesuse ni jpꞌaluik a kꞌopoj. Jich te statal-saserdote la yalbe xan: —Ta sbiil te kuxul Diose ya kalbeyat ya me awal ta jamal teme jaꞌat Cristoat te Xnichꞌanat te Diose —xyut.

San Mateo 27:40

La yalik: —Jaꞌat ya awal te ya ajim te temploe sok te oxeb nax kꞌaal ya achaꞌ-apas xan ta akꞌope, koltaya aba atukel kiltik. Teme jich te jaꞌat Xnichꞌanat te Diose, koan tal te ba kruse —xchiik ta yikꞌtinel.

San Mateo 27:43

Teme jaꞌ xchꞌuunej te ya xkoltayot yuꞌun te Diose, aꞌ me koltayek yuꞌun ora to teme jich ya skꞌan te Diose. Jich a yal te jaꞌ Xnichꞌan Dios ta skꞌope —xchiik.

San Mateo 27:54

Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

San Mateo 3:17

Sok ay machꞌa kꞌopoj tal ta chꞌulchan: —Jaꞌ i to jaꞌ jNichꞌan te lom bayal kꞌux ta koꞌtane. Ben jun koꞌtan yuꞌun —xchi.

San Mateo 4:3

Jaꞌ yuꞌun te pukuje tal yilbe yoꞌtan te Jesuse. Jich a yal: —Teme jich awal te Xnichꞌanat te Diose, albeya i tonetik to te ya xkꞌajtaj ta waje —xchi te pukuje.

San Mateo 4:6

y la yalbe: —Teme jich te Xnichꞌanat Diose, chꞌoja aba koel, yuꞌun jich tsꞌibabil ta Sjun Dios: “Te Diose ya yalbe mantal te chꞌul angeletik yuꞌune ya xtal skanantayat. Ya me xchoyat ta skꞌabik, jich makꞌ xꞌejchꞌenajat yuꞌun te tone”, xchi me —xchi te pukuje.

San Mateo 8:29

Lijk awunikuk te winketike, jicha yalik: —Jesus, ¿tuꞌun te tal awochintayotike?, jaꞌat te Xnichꞌanat Diose. ¿Me yuꞌun tal awilbajinotik te ma to sta skꞌaalele? —xchiik ta aw.

San Marcos 1:1

Jich a lijk tal te lekil achꞌ kꞌop yuꞌun te Jesucristoe, jaꞌ te Xnichꞌan Diose.

San Marcos 1:11

Sok ay machꞌa kꞌopoj ta chꞌulchan. Jich a yal: —Jaꞌat jnichꞌanat te jkꞌanojate. Ben tsaꞌam koꞌtan awuꞌun —xchi.

San Lucas 1:35

Te chꞌul ángele la sjakꞌ: —Ya me xjul ta akuenta te Chꞌul Espiritue. Ya me yaxintesat ta spoder te Chꞌul Dios te ay ta chꞌulchane. Jich te alal te ya xꞌayin awuꞌune, yuꞌun Dios stukel sok Xnichꞌan Dios ya xkꞌot te sbiile.

San Lucas 3:22

Jicha koj tal te Chꞌul Espíritu ta stojol te Jesuse, chiknaj ta ilel jich tutꞌil te palomae. Sok ay a aꞌiyot kꞌop ta chꞌulchan te jich a yale: —Jaꞌat Jnichꞌanat te ben kꞌuxat ta koꞌtane. Ben tsaꞌam koꞌtan awuꞌun —xchi.

San Juan 1:18

Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Juan 10:30

Te joꞌone sok te Tatile jun nax ayotik —xchi.

San Juan 10:36

Teme Dios a stꞌujon sok teme la stikonon ta balmilale, ¿Tut yuꞌun te ya awalbikon te ya jtoyba-kꞌoptay te Dios te la kal te xNichꞌanon Diose?

San Juan 11:27

La yal te xMartae: —Jich, Kajwal. Jchꞌuunej te jaꞌat Cristoat te xNichꞌanat te Diose te kaꞌiyejbetik sluwar te ya xtal ta balmilale —xchi.

San Juan 19:7

Te juriyoetike la sjakꞌtalanik: —Te joꞌotike ay mantaliletik kuꞌuntik te ya yal a te tut ya yichꞌ milele, porke ya yal sba te jaꞌ xNichꞌan Dios ta skꞌope —xchiik.

San Juan 20:28

La yal te jTomase: —¡Kajwal kuꞌun! ¡Dios kuꞌun! —xchi.

San Juan 20:31

Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

San Juan 6:69

Te joꞌotike la jchꞌuuntikix, y jnaꞌojtik te jaꞌat Cristoat te xNichꞌanat Chꞌul Diose —xchi.

Romanos 1:4

Pero te kꞌalal chaꞌkux tal te ba animaetike ta skuenta te Chꞌul Espíritu, jamal a akꞌot ta ilel te jaꞌ Xnichꞌan Dios te aꞌbot bayal spodere.

2 Corintios 1:19

Porke te Cristo Jesuse makꞌ yal “Jich” sok “Ma jichuk” te mismo tiempo ae. Jaꞌ nax te Xnichꞌan Diose te jaꞌ ya kalbeytikex skꞌoplale, joꞌon sok te Silvanoe sok te jTimoteoe. Te Cristoe stukel batsꞌi jich ta stojol Dios,

Hebreos 7:3

Ma xchiknaj skꞌoplal te state, ni te smeꞌe, ni te antibo smeꞌ-state; ni ma xchiknaj tut ora a ayin, ni te tut ora a chame. Jaꞌ pajal kꞌoem sok te Xnichꞌan Diose, te jaꞌ saserdote yuꞌun sbajtel kꞌinale.

1 Juan 2:23

Machꞌauk a te ma xyakꞌ ta jkuenta te Nichꞌanile jich ma xyakꞌ ta jkuenta ekꞌa te Tatile. Pero te machꞌa ya yal ta jamal te Nichꞌanile, jich ya yal ta jamal euk te Tatile.

1 Juan 3:8

Pero te machꞌa ya yaꞌtelin sleel smule, jaꞌ yuꞌun te pukuje. Porke te pukuje la sle smul desde ta slijkibal to tal. Jaꞌ yuꞌun te puersa a tal te Xnichꞌan Diose yuꞌun tal sjimbey te tut ya spas te pukuje.

1 Juan 4:9

Dios a yakꞌ ta ilel te xkꞌuxul yoꞌtan ta jkuentatik te la stikonbotik tal ta balmilal te úniko Xnichꞌane, yuꞌun jich me ay jkuxlejaltik ta skuenta stukel.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

2 Juan 1:9

Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.

Apocalipsis 2:18

Sok la yalbon: —Tsꞌibabeya xan ta sjun te ángel te ba ay jtijkꞌ hermanoetik te aylan ta Tiatirae: “Jaꞌ to jich ya yal te Xnichꞌan Diose, te jich ya xtil, te site jachik tutꞌil kꞌajkꞌ te xlaplune, y te yoke jachik tutꞌil bronse-takꞌin te xlemete.