San Juan 1:17 - Nuevo Testamento Tzeltal de Amatenango

¹⁷ Te mantaliletike Dios a yaꞌbotik tal ta skuenta te jMoisese. Yan te slekil yoꞌtane sok te tut batsꞌi jiche jaꞌ a chiknaj ta skuenta stukel te Jesucristoe.

Bible in Tzeltal Bachajón

¹⁷ como te Ley ha a'bot ta scuenta Moisés, yan te yutsil-o'tanil soc te smelelil c'op talic ta scuenta Jesucristo.

Bible in Tzeltal de Oxchuc y Tenejapa

¹⁷ Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Juan 1:17 Iomraidhean Croise

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

San Juan 5:45

Ma xꞌachꞌuunik te joꞌon ya xba kalbeyex amulik ta stojol te jTate. Ay te machꞌa ya yalbeyex amulike, jaꞌ mismo te jMoisese te jaꞌ yipinej awoꞌtanike.

San Juan 7:19

¿Ma me jaꞌuk te jMoises te la yaꞌbeyex te mantaliletike? Pero ni jtuluk te jaꞌexe ya achꞌuunik. ¿Tut yuꞌun te ya akꞌan ya amilikone? —xchi.

San Juan 8:32

Jich me ya anaꞌik te tut batsꞌi jiche, y te tut batsꞌi jiche ya me yakꞌex ta libre —xchi.

San Juan 9:29

Te joꞌotike jnaꞌojtik te Dios a kꞌoponot yuꞌun te jMoisese, yan te machꞌa ya awale, ni ma jnaꞌtik ba talem —xchiik.

Hechos 28:23

Jich a xchapik jun kꞌaal te ya xtalik bayal ta jtul gente te ba smajanej na te jPabloe. Pajtajel nax a lijk y asta smalel kꞌaal a yal te jPablo tut ay ta ajwalinel te Diose. Yuꞌun yoꞌtanuk te ya yaꞌbe xchꞌuun te Jesuse, jich tutꞌil te tsꞌibabil ta mantaliletik yuꞌun te jMoises sok te tsꞌibabil yuꞌun te jꞌalwanejetike.

Hechos 7:38

Jaꞌ mismo te jMoises te anin ta yolilik te ba la stsob sbaik ta jojchol tꞌantꞌan luwar te israeletike, sok te kꞌoponot yuꞌun te chꞌul ángel ta Wits Sinai y sok te antibo jmeꞌ-jtatike. Y stukel a aꞌbot tal te kꞌop yuꞌun kuxuyinel te la skꞌasesbotik te joꞌotike.

Romanos 6:14

Jich te mulile maꞌyukix spoder ta atojolik. Yuꞌun ma kuxulukex ta skuenta te mantaliletike. Jaꞌ xanix me kuxulex ta skuenta slekil yoꞌtan te Diose.

2 Corintios 1:20

yuꞌun stukel ya skꞌoes ta spasel spisil te tutik yaloj te Diose. Jaꞌ yuꞌun te kꞌalal ya kalbetik slekil te Diose, ya kaltik “Jichuk” ta skuenta te Cristo Jesuse.

Gálatas 3:17

Te tut ya kale jaꞌ to: Dios a spas jun trate sok te jꞌAbrahame y jich a xchap. Jaꞌ yuꞌun te mantaliletik yuꞌun te jMoisese, te jul ta patil te ay kuatrosientos treinta jaꞌbile, ma xchꞌay te trate abi, y ma jichuk nax ya xjil te maꞌyuk yip te tut sjapoj te Diose.

Hebreos 9:22

Jich la yal te mantaliletike te ya skꞌan ya yichꞌ lekutesel ta chꞌichꞌ ta spisile. Maꞌyuk perdon yuꞌun mulil teme maꞌyuk ya xmal chꞌichꞌe.