San Juan 1:16 - Nuevo Testamento Tzeltal de Amatenango

¹⁶ Jpisiltik kichꞌojbetik te bendision te ya xtal ta skuenta te slekil yoꞌtane.

Bible in Tzeltal Bachajón

¹⁶ Jpisiltic quich'beyejtic te bintic bayel ay yu'un, ha quich'ojtic cajalcaj yutsil-o'tanil;

Bible in Tzeltal de Oxchuc y Tenejapa

¹⁶ Jpisiltic quich'ojbeytic te bila nojel ta yo'tane. Yanyan ta esmajel te yutsil yo'tan ta jtojoltique.

San Juan 1:16 Iomraidhean Croise

San Mateo 13:12

Jich te machꞌa ay tut ay yuꞌune, ya xꞌaꞌbot xan soy, jich me bayal tut ay yuꞌun ya xkꞌot. Yan te machꞌa maꞌyuk tut ay yuꞌune, ya xpojbot te tut ay yichꞌoj chꞌinuke.

San Mateo 3:11

Spisil te teꞌetik te ma bujtsꞌanuk te site ya me yichꞌ tsꞌetel sok ya me yichꞌ chikꞌel. Te joꞌone ya kaꞌbeyex awichꞌik jaꞌ yuꞌun te sujtemix awoꞌtanik ta stojol Dios. Pero te machꞌa patil ya xtal kuꞌune, jaꞌ me ya yaꞌbeyex awikꞌik te Chꞌul Espíritu sok kꞌakꞌ. Jaꞌ mas tulan stukel; yan te joꞌone mas pekꞌ ayon. Ni ya kujan jba ta slikel bael te swawe.

San Mateo 3:14

Te Juane kꞌan ma yaꞌbe yichꞌ jaꞌ te Jesuse. Jich a yalbe: —Snujp te joꞌon ya awaꞌbon kichꞌ jaꞌe. ¿Tuꞌun te jaꞌat a talat ta jtojole? —xyut.

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

San Juan 3:34

Yuꞌun te machꞌa tikonbil tal yuꞌun te Diose jaꞌ ya yal te skꞌop Diose, porke te Diose ma pꞌisbiluk nax ya yakꞌ te Espiritue.

Romanos 5:17

Yuꞌun te lajele jmel nax a och ta skaj nax te smul jtul winike. Mas to xan te machꞌatik Dios a kꞌuxutayot yuꞌun, ya xꞌalbot ta jamal te kolemix yuꞌun te smul ta majtanil nax, sok jmel nax ayik ta achꞌ kuxlejal ta skuenta nax jtul winik, jaꞌ te Jesucristoe.

Romanos 5:2

Yuꞌun ta skuenta Cristo te kꞌot ta jkuentatik te slekil yoꞌtan Dios, ta skuenta nax te xchꞌuunel koꞌtantike. Y jich jun koꞌtantik ayotik sok ben butsꞌan kꞌinal ya jmalitik ya kichꞌtik te slekilal Diose.

Romanos 5:20

Tal te mantaliletik yuꞌun la sbayaltes te mulile. Pero te kꞌalal bayale te mulile, Dios a yakꞌ xan ta ilel ta mas te slekil yoꞌtane.

Romanos 8:9

Pero te jaꞌexe ma me jichuk ya xkuxuyinex ta skuenta te tutꞌil ma tsaꞌamuk ya skꞌan te atiꞌbalulike. Jaꞌ ya xkuxuyinexix ta skuenta te Espiritue, teme batsꞌi jich te ay ta atojolik te Espíritu yuꞌun te Diose. Te machꞌa ma yikꞌojuk te Espíritu yuꞌun te Cristoe, ma jaꞌuk yuꞌun te Cristoe abi.

Efesios 1:23

Yuꞌun te juju-tijkꞌ hermanoetike jaꞌ stiꞌbalul kꞌoem te Cristoe. Jich tsꞌakalix a kꞌot a te Cristoe, y te Cristoe jaꞌ tsꞌakal yuꞌun spisil te tutik aye.

Efesios 3:19

Ya jkꞌanbe te yauk anaꞌik te tutꞌil ay te skꞌuxul yoꞌtane te jaꞌ lom bayal mas mukꞌ ta spisil ke te tut ya jnaꞌtike, skuenta yuꞌun jich ben tsꞌakal ya awichꞌbeyik slekilal te Diose.

Colosenses 1:19

Te Cristoe tsꞌakal yichꞌojbey te slekilal te Tatile, yuꞌun jich la skꞌan yoꞌtan te Diose.

Colosenses 2:3

Yuꞌun stukel smakoj ta spisil te slekil skꞌulejal te pꞌijilile y te tut ya yakꞌ ta naꞌele.

1 Pedro 1:11

Te Espíritu yuꞌun te Cristoe la yaꞌbe snaꞌ ta nail te jꞌalwanejetik te ya xkꞌax swokol te Cristoe, y te ya xtal te lekilal ta patile. Yoꞌtanuk kꞌan snaꞌbeyik sluwar machꞌa genteil a y tut kꞌaalil ya xkꞌot ta pasel te tut albot ta yoꞌtanik yuꞌun te Espíritu te ay ta stojolike.

1 Pedro 1:2

Jaꞌex te tsabilex yuꞌun te Jtatik Diose te nameyix jich snopoj ta yoꞌtane, sok te chꞌulutesbilexix ta skuenta te Espiritue. Yuꞌun me ya achꞌuunik y ya me awichꞌik sakutesel ta skuenta xchꞌichꞌel te Jesucristoe. Ichꞌaik te bayal slekil yoꞌtan te Jesucristoe y sok te bujtsꞌan kꞌinal yuꞌune.