San Juan 1:11 - Nuevo Testamento Tzeltal de Amatenango

¹¹ Jul ta yolil te jtejklum yuꞌun Diose, pero ma akꞌot ta jkuenta yuꞌun te slumale.

Bible in Tzeltal Bachajón

¹¹ Tal sjoquin te mach'atic ay yu'un, pero ma ba ich'ot ta cuenta yu'unic.

Bible in Tzeltal de Oxchuc y Tenejapa

¹¹ Tal sjoin te mach'atic ay yu'une, ja'uc me to, ma ba ich'ot ta muc' yu'un te mach'atic slumal sba soque.

San Juan 1:11 Iomraidhean Croise

San Mateo 15:24

Te Jesuse la yalbe te antse: —Jaꞌ nax stikonejon Dios ta skoltayel te jꞌisraeletik te jich kꞌoemik tutꞌil karneraetik te chꞌayemike —xchi.

San Lucas 19:14

“Pero te genteetik yuꞌun te slumale lom pꞌajbil yuꞌun. Te kꞌalal baemix aye, ta spat nax a stikonik bael jmantaletik te ba yalike: “Ma jkꞌantik te ya yichꞌ yaꞌtel ta reyil ta jtojoltik te winik to”, xchiik.

San Juan 1:10

Te machꞌa Skꞌop Diose ayix ta balmilal. Stukel ta skuenta te Dios a spas te balmilale, pero te machꞌatik ayik ta balmilale maꞌ snaꞌbeyik sba.

San Juan 1:12

Pero te machꞌatik la yakꞌik ta jkuentae Y la xchꞌuunik te tikonbil tal yuꞌun te Diose, akꞌtalanbot ta skuentaik te yal xnichꞌan Dios ya xlaj kꞌotike.

San Juan 19:27

Te nax a la yalbe te jnopojele: —Jaꞌ me ameꞌ ya xkꞌot te ya awile —xyut. Mismo tiempo a te jnopojele la yikꞌ ta sna.

San Juan 3:32

Jaꞌ ya yal stukel te tutik yiloje sok te tutik yaꞌiyeje. Pero maꞌyuk machꞌa ya xchꞌuun te tut ya yale.

Hechos 13:26

“Kermanotak, te stsꞌumbalex euk te jꞌAbrahame, y jaꞌex te jyanlumexe te axiꞌojik te Diose, jaꞌex awuꞌunik te skꞌoplal kolel to.

Hechos 13:46

Jich te jPablo sok te jBernabee lijk yalbeyik ta jamal: —Te puersa nail ya kalbetikex te skꞌop Dios jaꞌex te juriyoexe. Pero te jaꞌexe ya apꞌajik, ma xꞌakꞌanik te ya awichꞌik akuxlejalik sbajtel kꞌinale. Te ora to ya sujtotik bael te ba ay te machꞌatik ma juriyouke.

Hechos 21:6

Te nax a la jmey jpet bajtik sok jilel, y mootik bael ta barko. Y te hermanoetike la sujt ochel ta snaik.

Romanos 15:8

Ya kalbeyex ito: Te Cristoe xtaluk yakꞌ sba ta mantaltesel ta skuenta te juriyoetik yuꞌun jich ya xkꞌot ta pasel te tutik albil ta skuenta te antibo jmeꞌ-jtatike. Yuꞌun jich me ya yakꞌ ta ilel te Diose te jun yoꞌtan te ya yakꞌ kꞌotuk ta pasel te tut ya yale.

Romanos 9:1

Batsꞌi jich te tut ya kal ta skuenta te Cristoe, ma jlotuk. Sok jaꞌ ya yalbon ta koꞌtan te Chꞌul Espíritu te ma jlotuk te tut ya kale.

Romanos 9:5

Jaꞌ stsꞌumbalik te antibo jmeꞌ-jtatike, sok jaꞌ stsꞌumbal yuꞌunik te Cristo te tal ta balmilal jich tutꞌil winik, te jaꞌ Dios stukel, te toyol ay yuꞌun spisil te tutik aye. Jaꞌ nax ay ta akꞌel ta jkuenta stukel ta sbajtel kꞌinal. Jichuk.

Gálatas 4:4

Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.