Efesios 1:7 - Nuevo Testamento Tzeltal de Amatenango

⁷ Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Bible in Tzeltal Bachajón

⁷ Ha ta scuenta te colotic ta libre ta scuenta sch'ich'el, te ay perdón yu'un mulil, ha chican te sc'uhlejal te yutsil yo'tan

Bible in Tzeltal de Oxchuc y Tenejapa

⁷ La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Efesios 1:7 Iomraidhean Croise

San Mateo 20:28

Jich tutꞌil te Nichꞌanile ma jaꞌuk a tal yuꞌun teme ay machꞌa ya smantaltese. Jaꞌ a tal yuꞌun te ya yakꞌ sba ta mantaltesel sok te ya yakꞌ sba ta milele. Yuꞌun jich me ya xwejt skolelik a te ipal genteetike —xchi te Jesuse.

San Mateo 26:28

Jaꞌ to jaꞌ jchꞌichꞌel te ay spuersa ya xkꞌot a te achꞌ tratee te ya yichꞌ malele skuenta xchꞌayil smulik te bayal ta jtule.

San Mateo 6:12

Aꞌbotik me perdon yuꞌun te jmultike, jachik tutꞌil te ya jpastik perdon yuꞌun te machꞌa ya sta smul kuꞌuntike.

San Marcos 14:24

Y la yaltalanbey: —Jaꞌ te jchꞌichꞌel te ya sta yip a jun yachꞌil trato. Ya yichꞌ malel skuenta skolel bayal ta tul genteetik.

San Lucas 1:77

Ya me awaꞌbe snaꞌik sluwar te jtejklum yuꞌune te tutꞌil ya spastalanbot perdon yuꞌun te smulike. Jich me ya sta skolelik sbajtel kꞌinal.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

San Juan 20:23

Te machꞌa ya achꞌaybe smule, pasbilix me perdon abi. Yan te machꞌa ma xꞌachꞌaybe te smule, jich makꞌ sta perdon abi —xchi te Jesuse.

Hechos 10:43

Spisil te jꞌalwanejetike yalojbeyikix skꞌoplal te Jesuse y yalojik te machꞌa ya xchꞌuunike ya staik perdon yuꞌun te smulike —xchi te jPedroe.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Hechos 3:19

Jaꞌ yuꞌun sujtesa awoꞌtanik ta stojol Dios te jaꞌexe y sujtesa awoꞌtanik yuꞌun te amulike. Jich me ya xchꞌaybeyex te amulike. Jich me ya sta yorail yuꞌun te Kajwaltik te ya slekutesexe,

Romanos 2:4

¿Me ya apꞌaj te lom bayal slekil te xkꞌuxutayejat te Diose sok te ya to smaliyate? ¿Meꞌn ma xꞌanaꞌ te puersa ya kichꞌbetik slekil yoꞌtan te ya sujtes koꞌtantik ta skuentae?

Romanos 3:24

Pero te Diose, ta slekil yoꞌtan y majtanil nax te la yakꞌotik ta libre yuꞌun te jmultike, ta skuenta te tojbilix jmultik yuꞌun te Cristo Jesuse.

Romanos 3:25

Dios la yakꞌ te jaꞌ jPas-perdon kuꞌuntik te Cristoe, te la smal te xchꞌichꞌele. Te perdon to ya jtatik ta skuenta te xchꞌuunel koꞌtantike. Jaꞌ ya yakꞌ ta naꞌel a te toj stukel te Diose, te la yakꞌ kꞌaxuk te muliletik te nameye,

Romanos 9:23

Sok jich a yakꞌ ta naꞌel ta jtojoltik te smukꞌul slekilale. Yuꞌun la xpichꞌinotik yoꞌtan y la xchapotik ta antes yuꞌun ya kichꞌbetik te slekilale.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

2 Corintios 8:9

Porke ya anaꞌikix te jaꞌexe, te Kajwaltik Jesucristoe ta slekil yoꞌtan, aunke kꞌulej stukel, la yakꞌ sba ta meꞌbaꞌ ta akajik te jaꞌexe. Yuꞌun te tutꞌil meꞌbaꞌ a yakꞌ sbae, jaꞌex akulejibex a.

Efesios 1:14

Te Chꞌul Espiritue jaꞌ seña te ya kichꞌtik te majtanil te Dios ya yaꞌbotik kꞌalal ya stsꞌakay te machꞌatik ya yichꞌ koltayel yuꞌune. Yuꞌun jich me ya kalbetik te slekilale.

Efesios 1:18

Ya jkꞌanbe Dios te yauk sjambeyex apensarike yuꞌun ya me anaꞌik a te tut yipalex ta smaliyel te jaꞌ ikꞌbilexix yuꞌune. Ben tsaꞌam y ben chapal te majtanil te Dios ya yaꞌbe te machꞌatik yuꞌune.

Efesios 1:6

Jich yuꞌun, sil tiempo ya jkꞌayojintik te slekilal te Diose, yuꞌun jich a yaꞌbotik bendision ta skuenta te Xnichꞌan te ben bayal skꞌanoje.

Efesios 1:8

Dios la yaꞌbotik kiltik te slekil yoꞌtane sok la yaꞌbotik spisil pꞌijilil y sok rasonil.

Efesios 2:4

Pero te Diose lom bayal slekil yoꞌtan y bayal a skꞌanotik ta yoꞌtan.

Efesios 2:7

Jich me ya xchiknaj ta ilel ta patil bael te lom bayal skꞌuxul yoꞌtan yakꞌojbotike, sok ay slekil yoꞌtan ta jtojoltik ta skuenta te Cristo Jesuse.

Efesios 3:16

Ya jkꞌanbe te ya yaꞌbeyex ta awoꞌtanik te slekilal stsaꞌamule sok apuersaik sok apoderik ta skuenta te Espíritu yuꞌune.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Filipenses 4:19

Te Dios kuꞌune ya me yaꞌbeyex spisil te tut palta ya awaꞌiyike, jich tutꞌil te slekilal skꞌulejal te ay yuꞌun te Cristo Jesuse.

Colosenses 1:14

te jaꞌ a skoltayotik y la yaꞌbotik perdon yuꞌun te jmultike.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Colosenses 2:13

Te jaꞌex te namey tale, chamenex kꞌoem ta skaj te amulike sok ta skaj te ma ba ochemex ta jtejklum yuꞌun Diose. Pero te ora to, Dios a yaꞌbeyexix akuxlejalik jun nax sok te Cristoe, yuꞌun la spasbeyex perdon yuꞌun spisil te amulike.

Colosenses 2:2

Yuꞌun ya jkꞌan te ya yichꞌ spuersa te awoꞌtanike, yuꞌun ya me xchiknaj te jun nax ayex ta skuenta te skꞌuxul awoꞌtanike, sok yuꞌun te ben tsꞌakal ya anaꞌik te tut mukul ay yuꞌun Dios, te jaꞌ te skꞌoplal te Cristoe.

1 Timoteo 2:6

Porke te Jesucristoe la yakꞌ sba entregal ta milel yuꞌun la stojbe stojol skolel ta spisil, jich tutꞌil te albil skꞌoplal te kꞌalal la sta skꞌaalele.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Tito 3:6

Y sok ta skuenta te Jesucristo, te jKoltawanej kuꞌuntike, la yaꞌbotik te Chꞌul Espíritu te ma xatꞌbiluke,

Hebreos 9:22

Jich la yal te mantaliletike te ya skꞌan ya yichꞌ lekutesel ta chꞌichꞌ ta spisile. Maꞌyuk perdon yuꞌun mulil teme maꞌyuk ya xmal chꞌichꞌe.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

1 Juan 2:12

Kuntikil, la jtsibabeyex ta akuentaik to porke te Dios la spasbelexix perdon te amulike ta skuenta te Jesucristoe.

1 Juan 2:2

Te Jesucristoe la yakꞌ sba ta smajtan Dios yuꞌun jich la spasbelotikix perdon yuꞌun te jmultike. Y ma joꞌukotik nax, sino ke ta spisil te machꞌatik ayik ta balmilal.

1 Juan 4:10

Jich ya xchiknaj te kꞌuxul-oꞌtanile: Jaꞌ te ma joꞌukotik kꞌux a kaꞌitik te Diose, sino ke kꞌux a yaꞌiyotik stukel. Sok la stikon tal te Xnichꞌan yuꞌun la yakꞌ ta milbil majtanil, yuꞌun jich perdonado ya xjil te jmultike.

Apocalipsis 14:4

Jaꞌ to jaꞌlan te machꞌatik te maꞌ yixlan sbaik sok antstike yuꞌun maꞌyuk tutꞌi spasik sok. Jaꞌ te machꞌatik stsꞌakliyejik te Chꞌin Karnera te bayuk ya xbajte. Laj kolik lokꞌel ta yolil te genteetik jachik tutꞌil primero smajtan Dios y sok yuꞌun te Chꞌin Karnerae.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.