Apocalipsis 8:12 - Nuevo Testamento Tzeltal de Amatenango

¹² Te xchanebal ángel la yokꞌesin te skornetae. La yixlan xejtꞌ ta yoxxejtꞌel te kajkꞌale, y xejtꞌ ta yoxxejtꞌel te ue, y xejtꞌ ta yoxxejtꞌel te ekꞌetike. Yuꞌun jicha laj ijkꞌub xejtꞌ ta yoxxejtꞌelalik, y maꞌ sakub kꞌinal xejtꞌ ta yoxxejtꞌelal te jun kꞌaale ni ta ajkꞌubal.

Bible in Tzeltal Bachajón

¹² Te schanebal ch'ul a'bat la yoq'uesin te scorneta; ehchenaj jun ta yoxeht'el te c'ahc'al, u soc eq'uetic scuenta yu'un ya x'ihc'ub jun ta yoxeht'elic. Hich ma ba sacub q'uinal jun ta yoxeht'el te c'ahc'al, soc ha nix hich te ahc'abal.

Bible in Tzeltal de Oxchuc y Tenejapa

¹² Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.

Apocalipsis 8:12 Iomraidhean Croise

San Mateo 24:29

“Teme kꞌaxix skꞌaalel a te wokole sok te ikꞌtinele, ya xꞌijkꞌub te kꞌajkꞌale, sok te ue makꞌ xtilix a. Sok ya me xtꞌuxaj ta koel te ekꞌetik ta chꞌulchane, sok ya me xtijtalanot te tutik ay ta yolil te chꞌulchane.

San Mateo 27:45

Ol kꞌaal a ijkꞌub spisil te balmilale, jaꞌ to kꞌalal ta las tres mal kꞌaale.

San Marcos 13:24

“Te tut ora kꞌalal kꞌaxix a te wokolajele, te kꞌajkꞌale ya me xꞌikꞌub, te ue makꞌ me yakꞌix sakilel a,

San Marcos 15:33

Olkꞌaal a ijkꞌub kꞌinal ta spꞌejel balmilal, jaꞌ to ta las tres malkꞌaal.

San Lucas 21:25

Ay me señailetik ya xchiknaj ta kꞌajkꞌal, sok ta u, sok ta ekꞌetik; y te genteetik ta balmilale ya me xlijkik ta wokol yuꞌun xiꞌel. Ya me xiꞌik yuꞌun te ya xkꞌopoj tulan te mare y te xwilawete.

Hechos 2:20

Te kꞌajkꞌale ya me sujt ta ijkꞌal kꞌinal, y te ue jich me ya xkꞌot tut chꞌichꞌ. Jich me ya xkꞌot ta pasel te kꞌalal nopolix skꞌaalel a te Kajwaltike, te lom tulan aalel y lom tsaꞌam.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

Apocalipsis 12:4

Sok te snee la smes xejtꞌ ta yoxxejtꞌel te ekꞌetik ta chꞌulchan y la xchꞌoj koel ta sba balmilal. Te mukꞌul chane la stejkꞌan sba ta stojol te ants te ya xpajtix yoꞌtan ae, yuꞌun ya stiꞌbey ta ora te kꞌalal ya xꞌayin te xchꞌin yale.

Apocalipsis 16:10

Te sjoꞌebal ángele la smal te sbaso ta sba te snaktajib te chanbalam te xiꞌbentik sbae. Jich jil ta ijkꞌal kꞌinal te ba ya xmantalaje. Te gentee ya stiꞌtalan yakꞌik yuꞌun te xkꞌuxul swokolike.

Apocalipsis 6:12

Te kꞌalal la xchꞌiꞌ te swakebal seyo te Chꞌin Karnerae, la kil tal jun tulan jikichab. Te kꞌajkꞌale ijkꞌ a sujt jachik tutꞌil kꞌuꞌul-pakꞌal te skuenta ajtal-oꞌtane; te ue spisil tsaj a sujt jachik tutꞌil chꞌichꞌ;

Apocalipsis 9:15

Jicha koleslanot tal te chantul angeletike, yuꞌun ya smiltalan xejtꞌ ta yoxxejtꞌel te gentee. Yuꞌun jich chaptalanbil te puersa ya sta yorail skꞌaalel, yuil y yaꞌbilal te jich ya xkꞌot ta pasele.

Apocalipsis 9:18

Ta yoxxejtꞌelal te gente xejtꞌ a laj yuꞌun te oxkaj wokoletik to, jaꞌ te kꞌajk, chꞌail sok asufre te ya xlok ta stiꞌ te kawuetike.