Apocalipsis 4:8 - Nuevo Testamento Tzeltal de Amatenango

⁸ Ta jujun to xchanebal te tut kuxule aylan wakeb xikꞌ, y ta yutil y ta spat te xikꞌe aylan sit. Ni ta kꞌajkꞌaltik ni ta ajkꞌubal ma xkomik ta yalel: “Chꞌul Dios, Chꞌul Dios, Chꞌul Dios, Dios te spisil ya xjuꞌ yuꞌune, te stalel ay ta namey, sok te ora to, sok ta sbajtel kꞌinal”, xchiik.

Bible in Tzeltal Bachajón

⁸ Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

Bible in Tzeltal de Oxchuc y Tenejapa

⁸ Ta xchanebal te bitic cuxajtique ay waqueb xiq'uic te juju-jcojt'e. Nojel ta sitic te yutil xiq'uique soc te spat xiq'uique. C'aal ajc'ubal ma xquejch'ajic ta yalel: “Ch'ul Dios, ch'ul Dios, ch'ul Dios. Ja' te Cajwaltic Dios te Spisil ya xju' yu'une, ja' te mach'a ay ta namey tele, soc te mach'a stalel aye, soc te mach'a jtalelixe”, xiic.

Apocalipsis 4:8 Iomraidhean Croise

Hechos 20:31

Jaꞌ yuꞌun, kuxa me awoꞌtanik. Naꞌulanaik me, sil tiempo te oxeb jabꞌil te kꞌajkꞌal y ajkꞌubal ma jkom jba te la jtsitsulanexe, sok la kokꞌetay jba te yauk xkꞌot ta awoꞌtanike.

2 Corintios 6:18

Y joꞌon Tatilon me awuꞌunik, y te jaꞌexe kuntikilex me y kantsil-nichꞌanex me”, xchi te Kajwaltik te spisil ya xjuꞌ yuꞌune.

1 Tesalonicenses 2:9

Kermanotak, te jaꞌexe naꞌaik me te tutꞌil a aꞌtejotik y la jpastik puersa yuꞌun jich la jta jkuxlejaltik a. Aꞌtejotik ta kꞌajkꞌal y ajkꞌubal, yuꞌun maꞌ jkꞌantik te la kakꞌtik awokolik te jaꞌexe te la kalbeyex skꞌoplal te Diose.

1 Timoteo 4:16

Ila me aba jaꞌat mismo, y sok kuidadoat me yuꞌun spisil te tut ya awakꞌ ta nopele. Junuk awoꞌtan ya me apas spisil. Teme jich ya apase, jaꞌat mismo ya akoltay aba, y jich me ya akoltay euk te machꞌatik ya yaꞌibeyat akꞌope.

2 Timoteo 4:2

Jaꞌ ya kalbeyat te ya awal te skꞌop Diose ta bayuk sok ta tutikuk nax ora. Junuk awoꞌtan stsitsawanat, sok komaw, sok aꞌbeya spuersa yoꞌtanik.

Hebreos 13:8

Te Jesucristoe stalel mismo te wojeye, y te ora to, y ta sbajtel kꞌinal.

Apocalipsis 1:4

Joꞌon Juanon, ya jtsꞌibabey te juktijkꞌ hermanoetik te aylan ta estado Asia. Ichꞌbeyaik te slekil yoꞌtan y te butsꞌan kꞌinal yuꞌun te Machꞌa stalel aye, sok te stalel ay ta namey, sok te stalel ay sbajtel kꞌinal. Y sok euk te jukeb espirituetik te aylan ta sit te ba ay te smukꞌul naktajibe,

Apocalipsis 1:8

“Joꞌon ayon ta slijkibal y sok ta slajibal”, xchi te Kajwaltike te spisil ya xjuꞌ yuꞌune, te stalel aye, sok te stalel ay ta namey, sok te stalel ay ta sbajtel kꞌinal.

Apocalipsis 11:17

Jich a yalik: “Ya kalbetikat kola awal, Kajwaltik Dios te spisil ya xjuꞌ awuꞌune. Atalel ayat ta namey sok ta ora to. Porke la awakꞌix ta ilel te lom bayal apoder y la awichꞌix awaꞌtel ta ajwalil.

Apocalipsis 14:11

Te xchꞌailel te swokolike ya xmo bael ta sbajtel kꞌinal. Y ni maꞌyukix kuxo-oꞌtan a ta kꞌajkꞌal ajkꞌubal yuꞌun te machꞌatik ya yichꞌik ta mukꞌ te chanbalam te xiꞌbentik sbae y sok te slokꞌole, y sok te yichꞌojbeyik smarka ta skuentae.

Apocalipsis 14:3

Y ya skꞌayojinik jun achꞌ kꞌayoj ta stojol te mukꞌul naktajibale y ta stojol te chaneb te tutik kuxajtike y sok te machꞌatik lom mamalikixe. Ni jtuluk machꞌa ya xjuꞌ yuꞌun snopel te kꞌayoj abi sino ke jaꞌ nax te siento kuarenta y kuatro mil ta jtul te machꞌatik kolemikix lokꞌel ta yolil te machꞌatik aylan ta skuenta balmilale.

Apocalipsis 15:3

Ya skꞌayojinik te skꞌayoj jMoises te yaj-aꞌtel Dios y sok te skꞌayojil te Chꞌin Karnerae. La yalik: “Lom mukꞌ y kꞌax lom tsaꞌam ta spisil te tutiꞌ apasoje, Kajwaltik Dios te spisil ya xjuꞌ awuꞌune. Toj y batsꞌi jich te beetik awuꞌune, jaꞌat ajwalilat yuꞌun te nasionetike.

Apocalipsis 15:7

Jkojt te ta xchankojtol te tut kuxajtike la yakꞌtalanbe ta juju-tul te juktul angeletik jun baso pasbil ta oro, nojel ta tulan kastigo te ya xtal ta stojol Dios te stalel kuxul sbajtel kꞌinale.

Apocalipsis 16:14

Jaꞌ espirituetik yuꞌun te pukujetike te ya spasik señailetik sok milagroetik. Y lijkik bael ta stsobel ta spisil te reyetik ta balmilale yuꞌun ya yaꞌbe guerra te jun kꞌaal te lom tulan skꞌoplal yuꞌun te Dios te spisil ya xjuꞌ yuꞌune.

Apocalipsis 16:7

Jich a kaꞌiy xan te ba altar te jich a yale: —Jich, Kajwal, te Diosat te spisil ya xjuꞌ awuꞌune, jaꞌat la awakꞌix kastigo ta stojil sok batsꞌi jich —xchi.

Apocalipsis 19:15

Ya xlokꞌ ta stiꞌ jun puñal te beno yee, yuꞌun ya yejchentes a te nasionetike. Ya spasawan ta mantal sok sbaston takꞌin ta stojolik. Ya me yaꞌbe yichꞌik kastigo, jachik tutꞌil ya spitsꞌot ta tekꞌel te yaꞌlel uvae. Y ya me yakꞌtalanbe yuchꞌik te bino yuꞌun te tulan wokole, jaꞌ te kastigo ya xtal ta stojol Dios te spisil ya xjuꞌ yuꞌune, yuꞌun ma xkujchix yuꞌun te tut ma lekuk ya spasike.

Apocalipsis 19:4

Y te beintikuatro ta tul te lom mamalikixe y sok te chaneb te tut kuxajtike la skejan sbaik kꞌalal ta lum, y la yichꞌik ta mukꞌ te Diose te nakal te ba ay te smukꞌul snaktajibe. Y la yalik: —Jichuk. Ay ta albeyel ta ichꞌel ta mukꞌ te Kajwaltike —xchiik.

Apocalipsis 21:22

Maꞌyuk a kil templo a te ba mukꞌul jtejklume, porke jaꞌ templo yuꞌun te Kajwaltike, jaꞌ te Dios te spisil ya xjuꞌ yuꞌune, y sok te Chin Karnerae.

Apocalipsis 3:7

Sok la yalbon: —Jich me xꞌatsꞌibabe xan ta sjun te ángel te ba ay te juju-tijkꞌ hermanoetik ta Filadelfiae: “Jaꞌ to jich ya yal te Machꞌa tojix aye y te batsꞌi jiche, jaꞌ te Machꞌa yichꞌoj syawe te rey Davide, te stukele te kꞌalal ya sjeꞌe maꞌyuk machꞌa ya xjuꞌ ya stsꞌus, te kꞌalal ya stsꞌuse maꞌyuk machꞌa ya xjuꞌ yuꞌun sjeꞌel.

Apocalipsis 4:4

Ta sjoylejal te mukꞌul naktajibale la kil beintikuatro naktajibaletik te jaꞌ nakajtik a te beintikuatro ta tul te mamalikixe. Sak te skꞌuꞌ-spakꞌ slapojike y yichꞌojik jun korona pasbil ta oro ta sjol.

Apocalipsis 4:6

Ta yelaw te mukꞌul naktajibale ay tut ay teꞌa te pajal sok te jun mare te xlemet nax jich tutꞌil te espejoe. Ta yolil te ba ay te mukꞌul naktajibale y ta sjoylejal ay chaneb tut kuxajtik a skojtol ay sit ta yelaw y ta spat.

Apocalipsis 4:9

Te tut kuxajtik ya yalbeyik slekil te Machꞌa nakal ta mukꞌul naktajibal te stalel kuxul sbajtel kꞌinale, sok ya yakꞌik ta jkuenta, y ya yalbeyik kola yal.

Apocalipsis 5:6

Y la kil jkojt Chꞌin Karnera teꞌ ta yolil te mukꞌul naktajibale, y te chaneb te tutik kuxajtike, y ta yolil te machꞌatik lom mamalikixe. Teꞌ kotol a, aunke milbil yilel. Ay jukeb xulbal y jukeb sit. Jaꞌ te jukeb Espirituetik yuꞌun Dios te tikonlanbil ta spisil balmilale.

Apocalipsis 6:1

Te nax a la kil te kꞌalal te Chꞌin Karnerae la xchꞌiꞌ te primero ta sjukebal te seyoetike, y la kaꞌiy te jtul te ta xchanebal te tut kaxajtik tulan la yal ta kꞌop te pajal sok te ay tut ya xtꞌome: —Laꞌ —xchi.

Apocalipsis 6:6

Y te ba yolil ta xchanebal te tut kuxajtike la kaꞌiy jun kꞌop te la yale: “Jaꞌ nax jun kilo triwu te stojol te jun kꞌaal aꞌtele, y oxeb kilo sebada te stojol jun kꞌaal aꞌtele. Pero ma me awakꞌ chꞌayuk te aseite ni te binoe”, xchi.

Apocalipsis 7:11

Y spisil te angeletike te tekꞌajtik ta sjoylejal te ba ay te mukꞌul naktajibale, sok te machꞌatik lom mamalikixe, y sok te chaneb tutik kuxajtike, la skejan sbaik asta la sta lum te stiꞌsbae ta sit Dios te ba ay te mukꞌul naktajibale, asta la sta lum te stiꞌsbae y la yichꞌik ta mukꞌ te Dios.

Apocalipsis 7:15

Jaꞌ yuꞌun te aylan ta sit te ba ay smukꞌul snaktajib te Diose, y kꞌajkꞌal ajkꞌubal yakꞌoj sbaik ta abatinel te ba stemploe. Ya me yichꞌ kanantayel yuꞌun te Machꞌa nakal te ba mukꞌul naktajibale.