Apocalipsis 4:4 - Nuevo Testamento Tzeltal de Amatenango

⁴ Ta sjoylejal te mukꞌul naktajibale la kil beintikuatro naktajibaletik te jaꞌ nakajtik a te beintikuatro ta tul te mamalikixe. Sak te skꞌuꞌ-spakꞌ slapojike y yichꞌojik jun korona pasbil ta oro ta sjol.

Bible in Tzeltal Bachajón

⁴ Ta sjoyobal te muc'ul-huctajibal ay chaneb scha'winic (24) muc'ul huctajibaletic soc ay chaneb scha'winic (24) ta tuhl mamaletic huhcajtic tey a, slapojic sac sc'u' spaq'uic soc ay ta sjolic coronahetic pasbilic ta oro.

Bible in Tzeltal de Oxchuc y Tenejapa

⁴ Ta sjoylejal te muc'ul nactijibale, la quil chaneb xcha'winic (24) nactijibaletic te tey nacalic a te chaneb xcha'winic (24) ta jtul mamaletic. Sac te sc'u'-spac' slapojique soc ay scorona ta sjolic te pasbil ta oro.

Apocalipsis 4:4 Iomraidhean Croise

San Mateo 19:28

Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.

San Lucas 22:30

Y te jaꞌexe ya xweꞌ-xꞌuchꞌaex ta jmexa te ba kichꞌoj kaꞌtel ta ajwalil te joꞌone. Y ya me xnajkajex te ba mukꞌul naktajibaletik ta xchapel te lajchaytijkꞌ israeletike.

2 Timoteo 4:8

Te ora to jaꞌ xanix ya jmaliy te jkorona te yuꞌun toj aꞌanon ta balmilale, te jaꞌ ya yaꞌbon te Kajwaltik te tut ora ya sta skꞌaale, yuꞌun toj ya smeltsaanwan stukel. Y ma joꞌukon nax ya yaꞌbon, sino ke jich ya yaꞌbey ta spisil te machꞌatik sok slekil yoꞌtan ya smaliyik te ya xchaꞌtal xane.

Apocalipsis 11:16

Te beintikuatro ta jtul te machꞌatik lom mamalikixe te nakꞌajtik te ba ay snaktajibik ta stojol te Diose, la skejan sbaik kꞌalal ta lum y la yichꞌik ta mukꞌ te Diose.

Apocalipsis 14:3

Y ya skꞌayojinik jun achꞌ kꞌayoj ta stojol te mukꞌul naktajibale y ta stojol te chaneb te tutik kuxajtike y sok te machꞌatik lom mamalikixe. Ni jtuluk machꞌa ya xjuꞌ yuꞌun snopel te kꞌayoj abi sino ke jaꞌ nax te siento kuarenta y kuatro mil ta jtul te machꞌatik kolemikix lokꞌel ta yolil te machꞌatik aylan ta skuenta balmilale.

Apocalipsis 19:14

Tsꞌaklibil yuꞌun bayal soltaroetik te ay ta chꞌulchane. Slapojik lino pak te ben fino sok te limpio aye, y moemik ta sakil kawuetik.

Apocalipsis 19:4

Y te beintikuatro ta tul te lom mamalikixe y sok te chaneb te tut kuxajtike la skejan sbaik kꞌalal ta lum, y la yichꞌik ta mukꞌ te Diose te nakal te ba ay te smukꞌul snaktajibe. Y la yalik: —Jichuk. Ay ta albeyel ta ichꞌel ta mukꞌ te Kajwaltike —xchiik.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Apocalipsis 20:4

La kil mukꞌul naktajibaletik, y te machꞌatik nakajtik teꞌ ae, jaꞌ te machꞌatik yichꞌoj yaꞌtelik ta chapawe. Sok la kil xan te xchꞌulelik te machꞌatik te setꞌalanbot sjol yuꞌun te jun yoꞌtanik a yalik ta jamal te skꞌoplal Jesuse y sok te skꞌop Diose. Te stukelike maꞌyuk a yichꞌik ta mukꞌ te chanbalam te xiꞌbentik sbae ni te slokꞌole. Ni maꞌ skꞌan a yichꞌbeyik te smarka ta stiꞌsbaike o ta skꞌabike. Y la kil te chꞌakuxik xane, y la sjoyinik ta ajwalil jmil jaꞌbil te Cristoe.

Apocalipsis 3:18

“Jaꞌ yuꞌun ya kalbeyat te ya amanbon te oro te pasbilix tal ta kꞌajkꞌe, yuꞌun jich batsꞌi kꞌulejat a. Y sok te ya amanbon te sakil kꞌuꞌul-pakꞌal yuꞌun ya alap y ya amuk aba a te kꞌexlaltik sba te tꞌaxalate. Y sok ya amanbon te jun pox yuꞌun te ya awaꞌbey asit te ya awil kꞌinal ae.

Apocalipsis 4:10

Ta jujumel te beintikuatro ta jtul te mamalikixe ya skejan sbaik ta sit stukel, y ya yichꞌik ta mukꞌ. Ya spꞌejkan te skoronaik ta sit te ba ay te mukꞌul naktajibale, sok ya yalik:

Apocalipsis 4:6

Ta yelaw te mukꞌul naktajibale ay tut ay teꞌa te pajal sok te jun mare te xlemet nax jich tutꞌil te espejoe. Ta yolil te ba ay te mukꞌul naktajibale y ta sjoylejal ay chaneb tut kuxajtik a skojtol ay sit ta yelaw y ta spat.

Apocalipsis 5:11

Teꞌ nax a la kil, y la kaꞌibe skꞌop bayal angeletik te sjoyojik te mukꞌul naktajibale sok te tutik kuxajtike y sok te machꞌatik lom mamalikixe. Ay millones y ta millones te ma xlaj ta ajtayel.

Apocalipsis 5:14

Te chaneb te tutik kuxajtike ya sjakꞌik: “Jichuk”, xchiik. Y te beintikuatro ta jtul te lom mamalikixe la skejan sbaik y la yichꞌik ta mukꞌ.

Apocalipsis 5:6

Y la kil jkojt Chꞌin Karnera teꞌ ta yolil te mukꞌul naktajibale, y te chaneb te tutik kuxajtike, y ta yolil te machꞌatik lom mamalikixe. Teꞌ kotol a, aunke milbil yilel. Ay jukeb xulbal y jukeb sit. Jaꞌ te jukeb Espirituetik yuꞌun Dios te tikonlanbil ta spisil balmilale.

Apocalipsis 5:8

Te kꞌalal la yichꞌ te balbil june, te chaneb te tutik kuxajtike y sok te beintikuatro ta jtul te lom mamalikixe la skejan sbaik ta sit te Chꞌin Karnerae. Te spisilik ay yarpaik, y yichꞌojik sbasoik pasbil ta oro nojel ta pom, te jaꞌ skꞌopik ta skꞌoponel Dios te machꞌatik yuꞌunik te Diose.

Apocalipsis 6:11

Jicha akꞌtalanbot sakil skꞌuꞌ-spakꞌik, y altalanbot te ya to xkux yoꞌtanik jun chebuk xanix kꞌaal, jaꞌ to teme tsꞌakay te jaytul xan yermanotak te ayik ta abatinel yuꞌun te Cristoe te puersa jich ya xlajik jachik tutꞌil lajik stukelike.

Apocalipsis 7:11

Y spisil te angeletike te tekꞌajtik ta sjoylejal te ba ay te mukꞌul naktajibale, sok te machꞌatik lom mamalikixe, y sok te chaneb tutik kuxajtike, la skejan sbaik asta la sta lum te stiꞌsbae ta sit Dios te ba ay te mukꞌul naktajibale, asta la sta lum te stiꞌsbae y la yichꞌik ta mukꞌ te Dios.

Apocalipsis 7:9

Ta patil la kil bayal genteetik yuꞌun te nasionetik te skajalskaj stsꞌumbale, sok yanetik tutꞌ xkꞌopojik, y sok yanetik slumalik. Tekꞌajtik ta sit te ba ay te mukꞌul naktajibale y ta sit te Chꞌin Karnerae. Lom bayalik, te maꞌyuk machꞌa ya xjuꞌ yuꞌun yajtayele. Sak skꞌuꞌ-spakꞌ yichꞌojik y yichꞌojik bael yaꞌnimal xan ta skꞌabik.

Apocalipsis 9:7

Te kꞌulubetike pajal sok te kawuetik te chapal yuꞌun guerra. Teꞌ ta sjolike yichꞌojlan te jich yilel tutꞌil jun korona te pasbil ta oroe. Y te yelawe jaꞌ pajal sok yelaw gente.