Apocalipsis 21:5 - Nuevo Testamento Tzeltal de Amatenango

⁵ Te machꞌa te teꞌ nakal ba ay te mukꞌul naktajibale, la yal: “Joꞌon ya jpas ta achꞌ spisil te tutik aye”, xchi. Sok jich a yalbon: —Tsꞌibaya te tut la kale. Porke te kꞌopetik to batsꞌi jich. Ayuk me smukꞌul awoꞌtan te jich ya xkꞌot ta pasele —xchi.

Bible in Tzeltal Bachajón

⁵ Hich la yal te mach'a hucul ta muc'ul-huctajibal: Ya jpas ta yach'il spisil, xchi. Soc hich la yalbon: Ts'ihbaya ini, como te c'op ini ay ta ich'el ta cuenta soc smelelil, xchi.

Bible in Tzeltal de Oxchuc y Tenejapa

⁵ Soc jich la yal te mach'a nacal ta muc'ul nactijibale: “Ila me awilic, ya jpasix ta yach'il spisil te bitic aye”, xi' la caiy. Soc jich la yalbon: —Ts'ibuya ta jun te bila la cale. Ja' in to, ja' te smelelil c'op te ya xju' ya xch'uun awo'tane —la yuton.

Apocalipsis 21:5 Iomraidhean Croise

San Lucas 5:38

Por eso ya skꞌan te achꞌ nujkul ya yichꞌ pulel a te achꞌ binoe. Jich me ya xtuun ta xchebal a.

2 Corintios 5:17

Jich yuꞌun te machꞌa jun nax ay sok te Cristoe achꞌ genteix. Te tutꞌil ay te nail toe, kꞌaxix bael; te tutꞌ ayix te ora to, achꞌubenix.

Hebreos 12:27

Te tut la yal: “Jmel xan ya jnik”, te xchie, jich ya jnaꞌtik a te ya sjim te tutik yichꞌoj pasele, te tutik ya xjuꞌ ta nikele. Jaꞌ xanix ya xjil te tut ma spas ta nikele.

Apocalipsis 1:11

te la yalbone: —Tsꞌibaya ta jun libro te tut ya awile, y tikonbeya bael te juktijkꞌ hermanoetik te aylan ta estado Asiae: Ta Efeso, ta Esmirna, ta Pergamo, ta Tiatira, ta Sardis, ta Filadelfia, y ta Laodicea —xchi.

Apocalipsis 1:19

Tsꞌibaya te tutik la awile sok te tut ay ta ora to y sok te tut ay ta patile.

Apocalipsis 19:9

Te ángele la yalbon: —Tsꞌibaya to: “Ben tsaꞌam slekilik te machꞌatik ikꞌtalanbil ta kꞌin yuꞌun nujpunel yuꞌun te Chꞌin Karnerae” —xchi. Sok la yal xan: —Te kꞌopetik to batsꞌi jich yuꞌun te Diose —xchi.

Apocalipsis 20:11

La kil jun mam mukꞌul sakil naktajibal, y te machꞌa teꞌ nakal aye. Ta sit lokꞌ bael ta anel ta stojol te chꞌulchan sok te balmilale, y ni maꞌ ba staikix sluwarik a.

Apocalipsis 22:19

Y teme ay machꞌa ya slokꞌes chꞌinuk te skꞌoplal albil te tsꞌibabil liꞌ ba libro to, Dios me ya slokꞌesbot yuꞌun te tut ay ta skuenta te teꞌ yuꞌun kuxuyinele y sok te chꞌul mukꞌul jtejklum te liꞌ tsꞌababil ba libro to.

Apocalipsis 22:6

Te ángele la yalbon: —Te kꞌopetik to batsꞌi jich, y ya xjuꞌ ya xchꞌuun awoꞌtan te jich ya xkꞌote. Te Kajwaltik Diose, te la skuentainbe yoꞌtan te jꞌalwanejetike, la stikon tal te ángel yuꞌune, yuꞌun ya yaꞌbe yil te yaj aꞌteletik te tut xba kꞌotuk ta pasel —xchi.

Apocalipsis 4:2

Mismo tiempo a la sjapuyon ta spoder te Espiritue, y la kil mukꞌul naktajibal te chapbil ta chꞌulchane y ay Machꞌa te nakal a te ba ay te mukꞌul naktajibale.

Apocalipsis 4:9

Te tut kuxajtik ya yalbeyik slekil te Machꞌa nakal ta mukꞌul naktajibal te stalel kuxul sbajtel kꞌinale, sok ya yakꞌik ta jkuenta, y ya yalbeyik kola yal.

Apocalipsis 5:1

La kil yichꞌoj balbil jun ta sbatsꞌil kꞌab te Machꞌa nakal ta mukul naktajibale. Tsꞌibabil ta yutil y ta spat y tsꞌusbil ta jukeb seyoetik.