Apocalipsis 21:3 - Nuevo Testamento Tzeltal de Amatenango

³ Y la kaꞌiy jun tulan kꞌop te teꞌ tal ba ay te mukꞌul naktajibale, te jich a yale: “Dios nainemix ta yolil te genteetike. Ayix sna ta yolilik. Y te stukelike jtejklum yuꞌun Dios ya xkꞌotik, sok mismo te Diose te ay ta yolilike, jaꞌ Dios ya xkꞌot yuꞌunik.

Bible in Tzeltal Bachajón

³ Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.

Bible in Tzeltal de Oxchuc y Tenejapa

³ Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

Apocalipsis 21:3 Iomraidhean Croise

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

San Juan 14:23

Te Jesuse la sjakꞌbe: —Te machꞌa kꞌuxon ta yoꞌtane, ya yakꞌ ta jkuenta te jkꞌope, y kꞌux ya xꞌaꞌiyot yuꞌun te jTate. Y te jTate sok te joꞌone yax tal joyintik.

2 Corintios 6:16

Ma spas teme komon ay te templo yuꞌun Dios sok te lotil diosetike. Porke joꞌotik templootik yuꞌun te kuxul Diose, jich tutꞌil a yal jilel stukele: “Ya me xnainon ta yolilik, teꞌ ya me xbeenon a. Joꞌon Dioson yuꞌunik y jaꞌ jtejklum kuꞌunlan”, xchi me.

2 Corintios 6:18

Y joꞌon Tatilon me awuꞌunik, y te jaꞌexe kuntikilex me y kantsil-nichꞌanex me”, xchi te Kajwaltik te spisil ya xjuꞌ yuꞌune.

1 Tesalonicenses 3:11

Jaꞌ mismo te Jtatik Dios y sok te Kajwaltik Jesuse te ya skoltayotik te ya xjuꞌ ya xtal kiltikexe.

Hebreos 11:16

Pero stukelike la skꞌan yoꞌtanik te ben tsaꞌam slumalike, jaꞌ bi, la skꞌan slumalin te chꞌulchane. Jaꞌ yuꞌun Dios mak xkꞌexaw te jaꞌ Dios yuꞌunike, yuꞌun chapojlanbe jun mukꞌul jtejklum.

Hebreos 8:10

Te trate te ya jchap sok te Israele ta patil, jaꞌ me to: Ya me kaꞌbe ta sjolik te mantaliletik kuꞌune y ya me jtsꞌibabe ta yoꞌtanik. Joꞌon Dioson yuꞌunik ya xkꞌoon, y te stukelike jaꞌ jtejklum kuꞌun.

Hebreos 8:2

Teꞌeyix ta aꞌtel ta saserdote te ba ay te batsꞌi mero temploe te jaꞌ pasbil yuꞌun te Kajwaltike y ma jaꞌuk pasbil yuꞌun te genteetike.

Apocalipsis 10:4

Ta patil te kꞌopoj te jukeb xpumlajan baele, te joꞌon kꞌan jtsꞌibay te tut la yalike. Pero ay a kaꞌiy jun kꞌop ta chꞌulchan te jich a yalbone: —Kꞌeja me ta awoꞌtan te tutiꞌ yalik te jukeb xpumlajan baele y ma me atsꞌibay —xyuton.

Apocalipsis 10:8

Te machꞌa kꞌopoj tal ta chꞌulchan a kaꞌiye, tal xan skꞌoponon, y la yalbon: —Baan y ichꞌa te chꞌin balbil jun te lechel te yichꞌoj ta skꞌab te ángel te tekꞌel ta mar y ta sba te lume —xyuton.

Apocalipsis 12:10

Jich a kaꞌiy jun tulan kꞌop ta chꞌulchan, te ya yale: “Te ora to la staix yorail kolel yuꞌun te Kajwaltik Diose. Ay spoder y jaꞌ ayix ta ajwalil, y sok ayix yaꞌtel te Cristo yuꞌune. Porke la yichꞌix chꞌojel lokꞌel te machꞌa ya sleulanbe smul te kermanotaktike ta stojol Dios kuꞌuntik ta kꞌajkꞌal ajkꞌubal.

Apocalipsis 21:7

Te machꞌa ya xjuꞌ yuꞌun tsalawe ya me xꞌaꞌbot yuꞌunin spisil te tutik ay. Y joꞌon me Dioson ya xkꞌoon yuꞌunik y te stukelik kal-jnichꞌan ya xkotik.

Apocalipsis 22:3

Ni maꞌyukix teꞌa te tut ya xꞌakꞌot bael ta chꞌayele. Te smukꞌul naktijib te Diose y sok te chꞌin karnerae te ay ta yolil te mukꞌul jtejklume, y te jꞌaꞌteletik yuꞌune ya xꞌichꞌot ta mukꞌ yuꞌunik teꞌa.

Apocalipsis 7:15

Jaꞌ yuꞌun te aylan ta sit te ba ay smukꞌul snaktajib te Diose, y kꞌajkꞌal ajkꞌubal yakꞌoj sbaik ta abatinel te ba stemploe. Ya me yichꞌ kanantayel yuꞌun te Machꞌa nakal te ba mukꞌul naktajibale.