Apocalipsis 2:10 - Nuevo Testamento Tzeltal de Amatenango

¹⁰ “Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Bible in Tzeltal Bachajón

¹⁰ Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Bible in Tzeltal de Oxchuc y Tenejapa

¹⁰ Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

Apocalipsis 2:10 Iomraidhean Croise

San Mateo 10:22

Ya me spꞌajex spꞌejel te genteetike yuꞌun te achꞌuunejikone. Te machꞌa ya xkujch yuꞌun kꞌalal ta slajibal kꞌaale, ya me xkol.

San Mateo 10:28

Ma me xiꞌanik yuꞌun te machꞌa ya skꞌan smilbeyex te atiꞌbalulike, pero ma xjuꞌ yuꞌunik te ya smilbeyex stukel te achꞌulelike. Jaꞌ me xꞌaxiꞌik te machꞌa ya xjuꞌ yuꞌun te ya yakꞌex ta lajel sok te atiꞌbalulike sok achꞌulel te ba kꞌakꞌ te max tupꞌ sbajtel kꞌinale.

San Mateo 24:13

Yan te machꞌa ya xjuꞌ yuꞌun kꞌalal ta slajibale, ya me xkol.

San Marcos 13:13

Ya me spꞌajelex spꞌejel te genteetik yuꞌun te achꞌuunejikone. Te machꞌa ya xkujchꞌ yuꞌun kꞌal ta slajibal kꞌaale, ya me xkol.

San Marcos 8:35

Spisil te machꞌa ya skꞌuxutay sba sok te skuxlejale, ya me xchꞌay sok te skuxlejal. Yan te machꞌa ya xchꞌay skuxlejal teme joꞌon ta jkaje y sok ta skuenta te lek yachꞌil kꞌope, jaꞌ me xkuxuyin stukel.

San Lucas 21:12

“Pero te kꞌalal ma to xkꞌot ta pasel a te tuti kale, te jaꞌexe ya me yakꞌelex ta kꞌabal y ya me yilbajinex. Ya me yikꞌelex bael ta ichꞌel ta kꞌop ta sinagogaetik. Sok ya me yotseselex ta prexo y ya me yikꞌelex bael ta stojol reyetik sok gobiernoetik ta joꞌon ta jkaj.

San Juan 12:25

Te machꞌa ya xkuxutay te xkuxlejale, ya me xchꞌay. Pero te machꞌa makꞌ xkuxutay xkuxlejal liꞌ ba balmilale, ya xkuxuyin sbajtel kꞌinal stukel.

San Juan 13:2

Te pukuje ochemix ta yoꞌtan a te Judas, te xnichꞌan te Simon Iscariote, te snopoj ya yakꞌ entregal te Jesuse. Te Jesuse snaꞌoj te talem ta stojol Dios sok te ya sujtix bael ta stojol Diose, y snaꞌoj ta yoꞌtan te aꞌbilix tulan yaꞌtel yuꞌun te sTate. Jaꞌ yuꞌun te yipalik to ta weꞌel ta mexae, tejkꞌa jajchel, la slokꞌes te xkamixe y la xchuk ta xchꞌujt te jun toayae.

San Juan 13:27

Y te Judase ora stsak te waje y och Satanas ta yoꞌtan. Te Jesuse la yalbe: —Te tut ya apase, pasa me ta ora —xyut.

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

Hechos 21:13

Pero te jPabloe la sjakꞌ: —¿Tuꞌun te ya xꞌokꞌexe te ya awaꞌbikon yajtal koꞌtane? Te joꞌone dispuesto ayon a teme chukel o milel ya xkꞌo jta ta Jerusalen, teme jaꞌ ta skaj te Kajwaltik Jesuse —xchi.

1 Corintios 9:25

Te machꞌatik ya xchap sbaik ta tajmale, ya skom spisil te tut a te ya xꞌixlanot yuꞌune. Y jich ya spasik to yuꞌun jich me ya staik smajtan koronaik te pasbil ta yanimal teꞌ te ma xjalaje. Yan te joꞌotike, ya jpastik puersa yuꞌun jich ya jtajtik te jun majtanil te ma xlaje.

Efesios 2:2

yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

Efesios 6:12

Porke ma jaꞌuk ya jtsal jbajtik sok te gente te pajal genteotik soke. Yuꞌun jaꞌ ya jtsal jbajtik sok te spuersa pukujetik te ma tsaꞌamuk yaꞌtele. Jaꞌik ya xmantalejik, ay yaꞌtelik, y ya skuentainik te balmilal to te ay ta ijkꞌal kꞌinale.

Santiago 1:12

Ben tsaꞌam slekil te machꞌa jun yoꞌtan ya xkujch yuꞌun te prewae, porke teme juꞌ yuꞌune, ya me yichꞌ smajtan korona, jaꞌ te kuxlejale te Dios yaloj te ya yaꞌbe te machꞌatik kꞌux ta yoꞌtanik te Diose.

1 Pedro 5:4

Jich te kꞌalal ya xchiknaj te Statal jKanane, te jaꞌexe ya me awichꞌik te korona yuꞌun te lekilale, te jun korona te maꞌyuk tut ora ya xlaje.

1 Pedro 5:8

Pꞌij me xꞌawakꞌ abaik y kuxuluk me awoꞌtanik. Porke te akontraike, jaꞌ te pukuje, jachik ay tut choj te ya xkꞌuxuxan ye, sok te yipal ta sleel te machꞌa ya sweꞌe.

Apocalipsis 13:14

Y ta skuenta te tutꞌil ay señaetike te jich ya xꞌaꞌbot spas ta stojol te primero chanbalam te xiꞌbentik sbae, la sloꞌlay te machꞌatik aylan ta balmilale. Sok la spastalan ta mantal te ya spasbeyik jun slokꞌol te chanbalam te xiꞌbentik sbae te la yichꞌ ejchꞌentesel ta puñal te ma ba cham yuꞌune.

Apocalipsis 13:2

Te chanbalam to te lom xiꞌbentik sba te la kile, pajal sok yilel te jkojt leopardoe. Te yok skꞌabe jachik tutꞌil yok skꞌab oso, y te stiꞌe jachik tutꞌil stiꞌ choj. Te mukꞌul chan la yaꞌbe spoder y sok snaktajib y bayal yaꞌtel.

Apocalipsis 13:7

Jicha aꞌbot xan permiso te ya yaꞌbe sba sok guerra ta skontrainel te machꞌatik yuꞌunik te Diose asta ya stsaltalan. Y aꞌbot yaꞌtel ta stojol spisil ta skajalkaj stsꞌumbal te gentee ta jujun jtejklum, ta skajalkaj skꞌopik, sok ta yanetik nasionetik.

Apocalipsis 17:14

Ya me yaꞌbe sbaik sok ta skontrainel te Chꞌin Karnerae, pero te Chin Karnerae ya me stsaltalan. Porke jaꞌ stukel Ajwalil yuꞌun te ajwaliletike y Rey yuꞌun te reyetike. Y te machꞌatik ay ta skuentae jaꞌ ikꞌtalanbil y tꞌujtalanbil yuꞌun Dios y jun yoꞌtanik ta stojol —xchi.

Apocalipsis 2:13

“Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.

Apocalipsis 2:9

“Joꞌon jnaꞌoj te awokol sok te ameꞌbaale. Pero te jaꞌate jkꞌulejat. Y jnaꞌoj te ma lekuk akꞌoplal ya yalbelat yuꞌun te machꞌatik ya yalik te juriyoike pero ma jaꞌuklan. Jaꞌik jtijkꞌ yuꞌun Satanas.