Apocalipsis 2:1 - Nuevo Testamento Tzeltal de Amatenango

¹ Sok la yalbon: —Tsꞌibabeya ta sjun te ángel te ba ay jtijkꞌ hermanoetik te aylan ta Efesoe: “Jaꞌ to jaꞌ a yal te Machꞌa ay jukeb ekꞌetik ta sbatsꞌil kꞌabe, y sok te yipal ta beel ta yolil te jukchꞌix yawil kꞌajkꞌ te puro oroe.

Bible in Tzeltal Bachajón

¹ Ts'ihbabeya te ch'ul a'bat yu'un te iglesia te ay ta Éfeso: Hich ya yal te mach'a ay huqueb eq'uetic ta swa'el-c'ab soc te ya xbehen ta yohlil te huqueb yawil c'ahc' pasbil ta oro:

Bible in Tzeltal de Oxchuc y Tenejapa

¹ Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Éfeso: Te mach'a sloch'oj ta swa'el sc'ab te juqueb eq'uetique soc te mach'a yac ta beel ta yolilal te jucch'ix xtuchtijib c'ajc' te pasbil ta oroe, jich la yal:

Apocalipsis 2:1 Iomraidhean Croise

San Mateo 18:20

Jich te ba ya atsob abaik ta cheb-oxeb teme joꞌon ta jkuentae, ayon me ta awolilik —xchi te Jesuse.

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

San Juan 5:35

Te Juane jich a kꞌot tutꞌil lampara te ya xtil y ya sakutes kꞌinale; y te jaꞌexe kꞌan junubuk awoꞌtanik jun chebuk kꞌaal yuꞌun te sakil kꞌinal yuꞌune.

Hechos 18:19

Te kꞌalal laj kꞌot ta jtejklum Efesoe, te jPabloe la sjiles te jꞌAquila sok te sPriscilae. Te Pabloe bajt ta sinagoga, teꞌ yaꞌbiyan sok a te juriyoetik te tey ya stsob sbaik ae.

Hechos 18:21

La skꞌoponlan jilel y la yaltalanbe: —Yuꞌun ya jkꞌan te ayukon ta Jerusalen ta spasel kꞌin te xnopetix tale. Teme jich ya skꞌan Diose, ya xchaꞌsujton tal, ya xtal kilex bael —xyut jilel. Patil mo bael ta barko te jPabloe, jil yuꞌun te jtejklum Efeso.

Hechos 19:1

Te kꞌalal ay to ta jtejklum Corinto a te jꞌApolose, te jPabloe kꞌax tal ta puru witstikil y kꞌot ta Efeso. Teꞌ kꞌo sta bayal hermanoetik a.

2 Corintios 6:16

Ma spas teme komon ay te templo yuꞌun Dios sok te lotil diosetike. Porke joꞌotik templootik yuꞌun te kuxul Diose, jich tutꞌil a yal jilel stukele: “Ya me xnainon ta yolilik, teꞌ ya me xbeenon a. Joꞌon Dioson yuꞌunik y jaꞌ jtejklum kuꞌunlan”, xchi me.

Apocalipsis 1:16

Te ba sbatsꞌil kꞌabe yichꞌoj jukeb ekꞌetik, y te ba stiꞌe ya xlokꞌ tal jun puñal te chaꞌmejchꞌ yee. Te yelawe jachik tutꞌil kꞌajkꞌal te kꞌalal ya xtil sok te ya yichꞌ spuersae.

Apocalipsis 1:20

Jaꞌ to jaꞌ skꞌoplal te jukeb ekꞌetik te la awil te ay ta jbatsꞌil kꞌabe, y sok te jukchꞌix yawil kꞌajkꞌ te pasbil ta oroe. Te jukeb ekꞌetike jaꞌ xyal te juktul angeletik ta stojol te juktijkꞌ hermanoetike. Y te jukchꞌix yawil kꞌajkꞌe jaꞌ xyal te juktijkꞌ hermanoetike —xchi.

Apocalipsis 12:1

Chiknaj ta chꞌulchan jun mukꞌul señail: jaꞌ te jtul ants pixbil ta kꞌajkꞌal jachik tutꞌil jun kꞌuꞌul-pakꞌal. Te yoke stekꞌtajibinej te ue, y te ba sjole yichꞌoj jun korona sok lajchayeb ekꞌetik.

Apocalipsis 2:12

Sok la yalbon: —Tsꞌibabeya ta sjun te ángel te ba ay tijkꞌ hermanoetik te aylan ta Pergamoe: “Jaꞌ to jaꞌ a yal te machꞌa yichꞌoj te puñal te chaꞌmejch yee.

Apocalipsis 2:18

Sok la yalbon: —Tsꞌibabeya xan ta sjun te ángel te ba ay jtijkꞌ hermanoetik te aylan ta Tiatirae: “Jaꞌ to jich ya yal te Xnichꞌan Diose, te jich ya xtil, te site jachik tutꞌil kꞌajkꞌ te xlaplune, y te yoke jachik tutꞌil bronse-takꞌin te xlemete.

Apocalipsis 2:8

Sok la yalbon: —Tsꞌibabeya ta sjun te ángel te ba ay jtijkꞌ hermanoetik te aylan ta Esmirnae: “Jaꞌ to jaꞌ a yal te Machꞌa ay ta slijkibale y sok te ay ta slajibale, te Machꞌa cham y te chꞌakux xane.

Apocalipsis 3:1

Sok la yalbon: —Jich me xꞌatsꞌibabe xan ta sjun te ángel te ba ay te jtijkꞌ hermanoetik te aylan ta Sardise: “Ja to jich ya yal te Machꞌa yichꞌoj jukeb Espirituetik yuꞌun Dios y sok te jukeb ekꞌetike. “Kiloj spisil te tut ya apase, y kiloj te chamenate aunke ya to yalbelat te kuxulate.

Apocalipsis 3:14

Sok la yalbon: —Tsꞌibabeya xan ta sjun te ángel ta stojol te jtijkꞌ hermanoetik te aylan ta Laodiceae: “Jich ya yal te Machꞌa batsꞌi jiche, te stukel jun yoꞌtan ay ta testigo yuꞌun ta yalel te tut batsꞌi jiche. Jaꞌ ta skuenta te Dios la xchiknates spisil te tutik ay.

Apocalipsis 3:7

Sok la yalbon: —Jich me xꞌatsꞌibabe xan ta sjun te ángel te ba ay te juju-tijkꞌ hermanoetik ta Filadelfiae: “Jaꞌ to jich ya yal te Machꞌa tojix aye y te batsꞌi jiche, jaꞌ te Machꞌa yichꞌoj syawe te rey Davide, te stukele te kꞌalal ya sjeꞌe maꞌyuk machꞌa ya xjuꞌ ya stsꞌus, te kꞌalal ya stsꞌuse maꞌyuk machꞌa ya xjuꞌ yuꞌun sjeꞌel.